Share on Social Media


ஹைலைட்ஸ்:

  • பிலிப்பின் இறுதிச் சடங்கு வருகிற 17ஆம் தேதி நடைபெறும்
  • பிலிப்பின் உடல் அருகாமையில் உள்ள செயிண்ட் ஜார்ஜ் சேப்பலுக்கு சரியாக 3 மணிக்கு எடுத்துச் செல்லப்படும்
  • இளவரசர் பிலிப் இறுதிச் சடங்கில் கலந்து கொள்ளும் 30 பேர் மட்டுமே கலந்து கொள்ளவுள்ளனர்

இங்கிலாந்து ராணி எலிசபெத்தின் கணவர் இளவரசர் பிலிப், வயது முதிர்வு காரணமாக கடந்த 9ஆம் தேதி காலமானார். இங்கிலாந்து அரச குடும்ப வரலாற்றில் நீண்ட காலம் இளவரசராக இருந்தவர் என்ற பெருமையை பெற்றிருந்த பிலிப்பின் இறுதிச் சடங்கு வருகிற 17ஆம் தேதி நடைபெறும் எனவும், குடும்ப உறுப்பினர்கள், நெருங்கிய உறவினர்கள் 30 பேர் மட்டுமே இறுதிச்சடங்கில் பங்கேற்க உள்ளனர் என்றும் தெரிவிக்கப்பட்டது.

ஏப்ரல் 17ஆம் தேதி மாலை வின்ட்சர் கோட்டையில் இருந்து உரிய மரியாதையுடன் இளவரசர் பிலிப்பின் உடல் அருகாமையில் உள்ள செயிண்ட் ஜார்ஜ் சேப்பலுக்கு சரியாக 3 மணிக்கு எடுத்துச் செல்லப்படும். அதன்பின்னர், இங்கிலாந்து முழுவதும் ஒரு நிமிட மவுன அஞ்சலிக்கு அழைப்பு விடுக்கப்படும். இறுதி ஊர்வலம் முடியும் வரையில் தேவாலய மணிகள் முழங்கும். அத்துடன் துப்பாக்கி குண்டு முழங்க மரியாதை செலுத்தப்படும். இறுதிச்சடங்கு நிகழ்வுகள் அனைத்தும் நேரலையாக தொலைக்காட்சியில் ஒளிபரப்படும் என்றும் தெரிவிக்கப்பட்டுள்ளது.

இந்த நிலையில், இளவரசர் பிலிப் இறுதிச் சடங்கில் கலந்து கொள்ளும் 30 பேரின் பட்டியல் வெளியாகியுள்ளது. அதன்படி, பிலிப்பின் மனைவியும் இங்கிலாந்து ராணியுமான இரண்டாம் எலிசபெத், இந்த தம்பதியின் மகனும் பிரிட்டன் அரியனையின் அடுத்த வாரிசுமான இளவரசர் சார்லஸ், அவரது இரண்டாவது மனைவி கமீலா, சார்லஸ் – அவரது முதல் மற்றும் மறைந்த இளவரசி டயானா தம்பதியின் மகன்கள் இளவரசர் வில்லியம், இளவரசர் ஹாரி, இளவரசர் வில்லியமின் மனைவி கேத்தரீன் (கேட் மிடில்டன்) ஆகியோர் கலந்து கொள்ளவுள்ளனர்.

இவர்களுடன் பிலிப் – எலிசபெத் தம்பதியின் இரண்டாவது மகன் அண்ட்ரியூ அவரது மகள் பியாட்ரைஸ், பியாட்ரைஸின் கணவர் மேபெல்லி மோஸி, அண்ட்ரியூவின் இளைய மகள் யூகெனி, அவரது கணவர் ஜேக் ப்ரூக்ஸ்பேங்க், பிலிப் – எலிசபெத் தம்பதியின் மற்றொரு மகன் எட்வர்டு, அவரது மனைவி சோஃபி, இவர்களது மகள் லேடி லூசி விண்ட்சர், எட்வர்டின் மகன் ஜேம்ஸ், பிலிப் – எலிசபெத் தம்பதியின் மகள் ஆனி, இவரது இரண்டாவது கணவர் திமோதி லாரன்ஸ், ஆனி – அவரது முதல் கணவரது மகன் பீட்டர் பிலிப்ஸ் இந்த தம்பதியின் மகள் சாரா, சாராவின் கணவர் மைக் ஆகியோரும் கலந்து கொள்ளவுள்ளனர்.

கொரோனா இப்படித்தான் பரவுகிறது: ஆய்வில் பகீர் தகவல்!

அத்துடன், ராணி எலிசபெத்தின் சகோதரி மார்கரெட்டின் மகன் டேவிட் ஆம்ஸ்ட்ராங், மார்கரெட்டின் மகள் லேடி சாரா சட்டோ, சாராவின் கணவர் டேனியல், ராணியின் உறவினர்கள் ரிச்சர்டு, எட்வர்டு, இளவரசி அலெக்ஸாண்ட்ரா, மறைந்த இளவரசர் பிலிப்பின் உறவினர் பெர்ன்ஹார்ட், பிரிட்டிஷ் அரச குடும்பத்தின் உறவினரும், விக்டோரியா மகாராணியின் வம்சாவளியுமான இளவரசர் டோனட்ஸ், மறைந்த இளவரசர் பிலிப்பின் மற்றொரு உறவினர் ஹோஹன்லோஹே-லாங்கன்பேர்க்கின் இளவரசர் பிலிப், ராணி எலிசபெத் – இளவரசர் பிலிப் தம்பதியின் நெருங்கிய நண்பர் பினோலோப் நாட்ச்புல் ஆகிய 30 பேர் கலந்து கொள்ளவுள்ளனர்.



Source link

Share on Social Media

Leave a Reply

Your email address will not be published. Required fields are marked *