Share on Social Media


ஹைலைட்ஸ்:

  • பிரேமாவுக்கு இரண்டாவது திருமணம் என்று வெளியான தகவல்
  • திருமண தகவலில் உண்மை இல்லை- பிரேமா

கர்நாடக மாநிலம் குடகு மாவட்டத்தை சேர்ந்தவர் பிரேமா. சிவராஜ்குமாரின் சவ்யசாச்சி கன்னட படம் மூலம் நடிகையானவர் பிரேமா. அவர் கன்னடம் தவிர்த்து தமிழ், தெலுங்கு படங்களிலும் நடித்துள்ளார். சிறந்த நடிகைக்கான கர்நாடக அரசின் விருதை வென்றவர்.

சீயான் விக்ரமின் கண்களின் வார்த்தைகள் படம் மூலம் தமிழ் திரையுலகில் அறிமுகமானார். அழகேசன் படத்தில் சத்யராஜுக்கு ஜோடியாக நடித்தார். தாயே புவனேஸ்வரி படத்திலும் நடித்துள்ளார்.

அவருக்கும், தொழில் அதிபர் ஜீவன் அப்பாச்சுவுக்கும் கடந்த 2006ம் ஆண்டு திருமணம் நடந்தது. அதன் பிறகு 2016ம் ஆண்டு ஜீவனிடம் இருந்து விவாகரத்து கோரி விண்ணப்பித்தார் பிரேமா. விவாகரத்து கோருவதற்கு முன்பே சில ஆண்டுகள் அவர்கள் பிரிந்து வாழ்ந்தனர். விவாகரத்து குறித்து பிரேமா இதுவரை எதுவும் பேசியது இல்லை.

இந்நிலையில் பிரேமாவுக்கு உடல்நலம் பாதிக்கப்பட்டுள்ளதாக தகவல் வெளியானது. மேலும் 44 வயதாகும் பிரேமாவுக்கு இரண்டாவது திருமணம் செய்து வைக்க அவரின் குடும்பத்தார் முடிவு செய்துள்ளார்கள் என்றும், விரைவில் திருமணம் என்றும் பேசப்பட்டது.

இதையடுத்து பிரமா விளக்கம் அளித்துள்ளார். அவர் கூறியதாவது,

நான் நலமாக இருக்கிறேன். என் உடம்புக்கு எந்த பிரச்சனையும் இல்லை. மேலும் நான் இரண்டாவது திருமணம் செய்யப் போவதாக வெளியான தகவலில் உண்மை இல்லை என்றார்.

பிரேமாவுக்கு உடல்நலம் சரியில்லை என்று தகவல் வெளியானது இது ஒன்றும் முதல் முறை அல்ல. முன்னதாக கடந்த 2013ம் ஆண்டு பிரேமா தன் தலைமுடியை நறுக்கிவிட்டார். அதை பார்த்தவர்கள் பிரேமாவுக்கு புற்றுநோய் அதுவும் இறுதிகட்டத்தில் இருப்பதாக பேசினார்கள். அப்பொழுதும் தான் நலமாக இருப்பதாக பிரேமா விளக்கம் அளித்தார்.

பிரேமா அண்மையில் தான் கொரோனா தடுப்பூசி போட்டுக் கொண்டார். அப்பொழுது எடுக்கப்பட்ட புகைப்படத்தை இன்ஸ்டாகிராமில் வெளியிட்டு மற்றவர்களையும் தடுப்பூசி போட்டுக் கொள்ளுமாறு கேட்டுக் கொண்டார் என்பது குறிப்பிடத்தக்கது.
tamil samayam Tamil News Spotமெல்லவும் முடியல, விழுங்கவும் முடியல: புது சிக்கலில் கமல்



Source link

Share on Social Media

Leave a Reply

Your email address will not be published. Required fields are marked *