Share on Social Media


கர்ப்பக்காலத்தில் இரத்த ஓட்டம் 50% அதிகரிக்கிறது. கர்ப்பிணிகளுக்கு அதனால் தான் இரும்புச்சத்து அதிகமாக தேவைப்படுகிறது. உடலில் சிவப்பு இரத்த அணுக்களை உருவாக்க உடலுக்கு இரும்பு தேவை. இரத்த ஓட்டத்தை அதிகரிப்பதன் மூலம் உடலுக்கு அதிக சிவப்பு இரத்த அணுக்கள் தேவைப்படும். இதை உறுதியாக்க கர்ப்பிணிக்கு அதிக இரும்புச்சத்து தேவைப்படுகிறது. இரும்புச்சத்து குறித்தும், இரும்புச்சத்து நிறைந்த உணவுகள் குறித்தும் அறிந்துகொள்வோம்.

​இரும்புச்சத்து குறைபாடு

உடலில் இரும்புச்சத்து இல்லாததால் இரத்த சோகை ஏற்படும் அபாயம் உள்ளது. இது கர்ப்ப காலத்தில் தாய் மற்றும் குழந்தை இருவருக்குமே ஆபத்தானது. பிரசவ நேரத்தில் குழந்தைக்கு குறைப்பிரசவம் மற்றும் எடை குறைந்த குழந்தை பிறக்கும் அபாயம் உண்டாகும்.

கர்ப்பிணிக்கு நோய் எதிர்ப்பு சக்தியை வலுப்படுத்தும் ஆரஞ்சு? முதல் மூன்று மாத காலத்தில் அவசியமும் கூட!

நீங்கள் கர்ப்பத்தில் ஆரோக்கியமாக இருக்க விரும்பினால் குழந்தையின் வளர்ச்சியை விரும்பினால் உணவில் இரும்புச்சத்து நிறைந்த உணவுகளை சேர்க்கவும். ஒரு பெண் கருவுற்ற பிறகு மருத்துவரை சந்தித்தால் இரும்புச்சத்து நிறைந்த உணவுகள் அல்லது இரும்புச்சத்து மாத்திரைகள் பரிந்துரைப்பார்கள்.

​இரும்புச்சத்து வகைகள்

samayam tamil Tamil News Spot

சைவம் மற்றும் அசைவம் ஆகியவற்றின் அடிப்படையில் இரும்பு இரண்டு பகுதிகளாக பிரிக்கப்பட்டுள்ளது. அதாவது ஹீம் இரும்பு மற்றும் ஹீம் அல்லாத இரும்பு ஆகும்.

ஹீம் இரும்பில் இறைச்சி, மீன் மற்றும் விலங்கு புரதத்தின் பிற ஆதாரங்கள் உள்ளன. உடல் எளிதில் ஜீரணிக்க செய்யும். ஹீம் அல்லாத இரும்பு தானியங்கள், பீன்ஸ், தானியங்கள், காய்கறிகள், பழங்கள், உலந்த பழங்கள் மற்றும் விதைகளில் காணப்படுகிறது. இரும்புச்சத்து உறிஞ்சுவதற்கு உடல் அதிக நேரம் எடுக்கும்.

​ஹீம் புரதங்கள்

samayam tamil Tamil News Spot

அனைத்து விலங்கு புரதங்களிலும் ஹீம் இரும்பு உள்ளது. சில உணவு பொருள்கள் இந்த ஹீம் இரும்புக்கு சிறந்த தேர்வாக இருக்கலாம். மூல இறைச்சிகள் அல்லது பாதரச மீன் சாப்பிடுவது ஒரு கர்ப்பிணி பெண்ணுக்கு ஆபத்தை உண்டாக்கும். இதற்கு மாற்றாக கோழி இறைச்சி எடுத்துகொள்ளலாம். மீன் வகையில் சால்மன் மீன் எடுக்கலாம். கர்ப்பகாலத்தில் எந்த மாதிரியான மீன் வகைகளை எடுக்கலாம்.

​எந்த வகையான மீன்களை எடுக்கலாம்

samayam tamil Tamil News Spot

மீன்கள் இரும்புச்சத்து நிறைந்தவையாக சொல்லப்படுகிறது. மீன்களில் பாதரசமும் உள்ளது. பாதரச மீன் சாப்பிடுவது ஆரோக்கியமானதல்ல. இது குழந்தைக்கு தீங்கு விளைவிக்கும். கர்ப்பகாலத்தில் சால்மன் மீன்களை சமைத்து சாப்பிடலாம்.

ஹீம் இரும்புச்சத்து சால்மனில் உள்ளது. அதோடு ஒமேகா 3 கொழுப்பு அமிலங்கள் கர்ப்பிணி மற்றும் குழந்தை வளர்ச்சிக்கு தேவையான பிற ஊட்டச்சத்துக்களும் உள்ளன. சால்மன் தவிர கர்ப்பிணி பெண்கள் ஹீம் இரும்பை பெறுவதற்கு இறால், டுனா போன்றவற்றையும் சாப்பிடலாம்.

​ஹீம் அல்லாத இரும்பு

samayam tamil Tamil News Spot

பீன்ஸ் மற்றும் தானியங்கள், நார்ச்சத்து, புரதம் மற்றும் இரும்புச்சத்து நிறைந்தவை. பயறு வகைகளில் ஒரு கப் பயறு எடுத்துகொள்வதன் மூலம் 6.6 மில்லிகிராம் இரும்பு பெறலாம். கீரை மற்றும் காலே ஆகியவற்றில் ஆக்ஸிஜனேற்றிகள், வைட்டமின்கள் மற்றும் இரும்புச்சத்துக்கள் உள்ளன. ஒரு கப் வாழைப்பழத்தில் 1 மி.கிராம் இரும்பு மற்றும் கீரையில் 6. 4 மி.கிராம் இரும்பு உள்ளது.

ஒரு கப் ப்ரக்கோலியில் 1 மி.கி இரும்பு உள்ளது. ப்ரக்கோலி இரும்புடன் வைட்டமின் சி வழங்குகிறது. இது உணவில் இருந்து இரும்பை உறிஞ்சு எடுக்க உதவுகிறது.

​கர்ப்பகாலத்தில் இரும்புச்சத்து

samayam tamil Tamil News Spot

கர்ப்பகாலத்தில் பெண்களுக்கு வழக்கத்தை காட்டிலும் இரண்டு மடங்கு இரும்பு தேவைப்படுகிறது. கருவுறுதல் வயதில் பெண்களுக்கு சுமார் 18 மி.கிராம் இரும்பு தேவைப்படுகிறது. அதே நேரத்தில் கர்ப்பிணி பெண்களுக்கு 27 மி.கிராம் அளவு இரும்பு தேவைப்படுகிறது.

அண்டவிடுப்பு : கருத்தரிக்க விரும்பினாலும், கருத்தடை விரும்பினாலும் எந்த நாட்களில் கவனமாக இருக்க வேண்டும்!

உலக சுகாதார அமைப்பின் கூற்றுப்படி கர்ப்பிணி பெண் நாள் ஒன்றுக்கு 30 முதல் 60 மி.கிராம் இரும்பு எடுக்க வேண்டும்.

Thanks for the Source

Share on Social Media

Leave a Reply

Your email address will not be published. Required fields are marked *