Share on Social Media

​உடலின் தேவையை புரிந்து கொண்டு கவனமாக இருங்கள்

கர்ப்பகாலத்தில் தேவையான அளவு ஊட்டச்சத்தை உடலுக்கு அளிக்க சீரான உணவு முறை மட்டுமே போதாது. ஆரோக்கியமான வாழ்க்கை முறை மற்றும் நல்ல உணவு பழக்கவழக்கங்களுக்கு செல்வதும் இந்த பயணத்தில் உதவக்கூடும். ஆரோக்கியமான உணவு உடலில் நோய் எதிர்ப்பு சக்தியை அதிகரிக்க செய்யும்.

தாய்ப்பால் நிறம் : மஞ்சள், வெள்ளை, பச்சை, சிவப்பு நிறத்திலும் வரலாம், காரணங்கள் அறிவோம்!

சர்வதேச கருவுறுதல் மையத்தின் மூத்த மகப்பேறு மருத்துவர் மற்றும் ஐவிஎஃப் நிபுணர் டாக்டர் டீட்டா பக்ஷி கர்ப்பிணிகள் தங்கள் உணவில் எந்த பற்றாக்குறையும் இல்லை. ஆரோக்கியம் பாதிக்கப்படுவதில்லை என்பதை உறுதி படுத்தி கொள்ள வேண்டும். அதற்கேற்ப ஃபொலிக் அமிலம் மற்றும் இரும்புசத்துக்கள் தாய்மார்களின் ஆரோக்கியத்தை வளர்க்க செய்யும் என எதிர்பார்க்கப்படுவதாக கூறுகிறார்.

ஒவ்வொரு கர்ப்பிணியும் பாதுகாப்பான மற்றும் பாதுகாப்பற்ற உணவை பற்றி தெரிந்து வைத்துகொள்ள வேண்டும் . ஒரு சீரான உணவு பிறக்காத குழந்தையின் ஒட்டுமொத்த வளர்ச்சியை குறிக்கிறது. இது கர்ப்பிணிக்கும் நோய் எதிர்ப்பு சக்தியை அதிகரிக்கிறது. வலுவான நோய் எதிர்ப்புக்கு தொற்று நோயை தடுப்பதற்கு ஆரோக்கியமான வாழ்வியல் அவசியம்.

​சுத்தம் அவசியம்

samayam tamil Tamil News Spot

கிருமித்தொற்றிலிருந்து விடுபடுவதற்கு எப்போதும் காய்கறிகள், பழங்களை ஓடும் நீரில் கழுவி எடுங்கள். சமைப்பதற்கு முன்பும், பழங்களை சாப்பிடுவதற்கு முன்பும் வெதுவெதுப்பான உப்பு நீரில் சிறிது பேக்கிங் சோடா சேர்த்து ஊறவைத்து பிறகு குளிர்ந்த நீரில் கழுவி எடுங்கள். இது பழங்கள் மற்றும் காய்கறிகளின் மேற்பரப்பில் கண்களுக்கு தெரியாமல் இருக்கும் கிருமிகளை வெளியேற்ற செய்யும்.

​காஃபைன் அளவு குறையுங்கள்

samayam tamil Tamil News Spot

கர்ப்பிணி பெண்கள் தினசரி அளவில் 300 மி.கிராமும் அதிகமான காஃபின் எடுத்துகொள்ள கூடாது. காஃபி அல்லது டீக்கு பதிலாக பழச்சாறுகள் குடிக்கலாம். தண்ணீர் குடிக்கலாம். காஃபின் அளவு அதிகமாக இருப்பதால் காஃபி, டீ மற்றும் குளிர்பானங்கள் பாதுகாப்பற்றவை. பழச்சாறுகளை கூட வீட்டில் தயாரிக்கப்பட்ட பானங்களை மட்டுமே எடுத்துகொள்ளுங்கள்.

​புதிய உணவுகள்

samayam tamil Tamil News Spot

கர்ப்பிணி பசி எடுக்கும் போது உணவை சிறிது சிறிதாக பகிர்ந்து சாப்பிடலாம். அதே நேரம் குப்பை உணவுகள் உட்கொள்வது உடலில் அசெளகரியத்தை தூண்ட கூடும். கர்ப்பிணி பெண்கள் எப்போதும் ஃப்ரெஷ்ஷாக தயாரிக்கப்பட்ட ஆரோக்கியமான உணவை மட்டுமே எடுத்து கொள்ள வேண்டும். ஒவ்வாமை உணவுகள் ஏதேனும் இருதால் அதை தவிர்க்க வேண்டும். உதவிக்கு மருத்துவரை அணுகுவது நல்லது.

​நன்றாக சமைத்து உண்ணுங்கள்

samayam tamil Tamil News Spot

எப்போதும் உணவை சமைத்து உண்ணுங்கள். உணவை அதிக வெப்பநிலையில் வைத்து சமைக்கும் போது அதில் இருக்கும் தொற்றுக்கிருமிகள் அழியக்கூடும். புரதம் நிறைந்த இறைச்சியை சுவைக்கும் போது அதை நன்றாக சுத்தம் செய்து நன்றாக வேக வைத்துள்ளீர்கள் என்பதை உறுதி செய்யுங்கள். குறிப்பாக தினசரி உட்கொள்ளும் பாலை கூட நன்றாக கொதிக்க வைத்து குடியுங்கள்.

​நோய் எதிர்ப்பு சக்தியை அதிகரிக்கும் உணவுகள்

samayam tamil Tamil News Spot

நோய் எதிர்ப்பு சக்தியை வலிமையாக்க ஆரோக்கியமாக வீட்டில் சமைத்த உணவை உணணுங்கள். பழங்கள், காய்கறிகள், தானியங்கள், புரதம் மற்றும் பால் அதிகம் உள்ள உணவுகள் நுகர்வுக்கு ஏற்றவை.

மூத்த மருத்துவ நிபுணர் கர்ப்பிணி பெண்கள் கால்சியம் பெறுவதற்கு தயிர், மோர், பால் போன்றவற்றை எடுக்கலாம். தற்போது கோவிட் தொற்றால் எல்லோரும் வீட்டில் இருக்கும் நேரம் இறைச்சி பெறுவதில் சிக்கல் இருந்தாலும் புரதத்துக்கு முட்டை, பருப்பு வகைகள், கொட்டைகள் மற்றும் தானியங்கள் சாப்பிடலாம்.

பழங்கள் மற்றும் காய்கறிகள், நார்ச்சத்து, வைட்டமின்கள் மற்றும் தாதுக்கள் நிறைந்த மூலம் ஆகும். கர்ப்பிணிக்கு எலும்புகள் மற்றும் நோய் எதிர்ப்பு சக்தியை வலுப்படுத்த நெய் எடுத்துகொள்ள வேண்டும். தினமும் ஒரு டம்ளர் பால், உலர்ந்த பழங்கள், ஆம்லெட், காய்கறி சாண்ட்விச், தர்பூசணி ,காலை உணவுக்கு பிறகு காய்கறி சாலட் போன்றவை வளர்சிதை மாற்றத்தை அதிகரிக்க சிறந்த வழியாகும்.

மதிய உணவுக்கு பருப்பு, காய்கறிகள், தயிர், சீரகம் சாதம், காய்கறி பச்சடி , தயிர் சாதம் போன்றவற்றை எடுக்கலாம். இடையில் பசி உணர்வை எதிர்கொண்டால் தக்காளி சூப், கேரட் சூப், பிட்ரூட் சூப் சாப்பிடலாம்.

இரவு உணவுக்கு மோர், தயிருடன் பராத்தாக்காள், பன்னீர் ,பச்சை காய்கறிகளுடன் முழு கோதுமை ரொட்டி போன்றவை எடுக்கலாம்.

​சாப்பாடு , உடற்பயிற்சி, ஓய்வு

samayam tamil Tamil News Spot

கர்ப்பிணி இரவில் சிறந்த தூக்கத்தை பெற வேண்டும் இதை உறூதி செய்யுங்கள். ஏனெனில் சீரான ஓய்வின் போது தான் உடல் தன்னை சரி செய்கிறது. அடுத்த நாள் உழைப்புக்கு தயாராகிறது. கர்ப்பிணிக்கு உடல் மற்றும் மனம் இரண்டின் ஆரோக்கியத்துக்கும் ஆழ்ந்த தூக்கம் அவசியம்.

கருவுற்ற அறிகுறிகள் : இந்த அசாதாரண அறிகுறிகளும் நீங்கள் கர்ப்பமா இருப்பதை காட்டுமாம்!

இலேசான உடற்பயிற்சி கர்ப்பிணிக்கு எண்டோர்பின்கள் வெளியிடுவதால் அவர்களது மனநிலை மேம்படுத்தப்படும் என்று எதிர்பார்க்கப்படுகிறது. கர்ப்பிணி உடற்பயிற்சி செய்வது உடல் ஆரோக்கியத்துக்கு மிகவும் நல்லது.

கர்ப்பிணிக்கு காய்ச்சல், இருமல், சுவாசிப்பதில் சிரமம் இருந்தால் தாமதிக்காமல் மருத்துவரை அணுகுங்கள்.

Thanks for the Source

Share on Social Media

Leave a Reply

Your email address will not be published. Required fields are marked *