Share on Social Media


​பெண்கள் 35 வயதுக்கு பிறகு கர்ப்பம்

வயதுக்கு ஏற்ப ஆண்களுக்கும் பெண்களுக்கும் கருவுறுதல் குறைகிறது. பெண்கள் தங்கள் 30 வயது மற்றும் அதற்கு மேல் ஆரோக்கியமான குழந்தைகளை பெற்றெடுக்கிறார்கள். ஆனால் 35 வயது என்பது சில அபாயங்கள் மற்றும் விவாதத்துக்கு உண்டாக்கிய நிலை.

c- section scars: சிசேரியன் வடுக்களுக்கு சிகிச்சையளிப்பது எப்படி? வடுக்களை எப்படி குறைப்பது?

35 வயதை தாண்டிய பிறகு இந்த அபாயங்கள் சற்று அதிகம் என்றாலும் முப்பதுகளின் நடுப்பகுதி மற்றும் அதற்கு மேற்பட்டவர்கள் அனைவருக்கும் குறிப்பிடத்தக்க தாக்கத்தை உண்டாக்கும் என்று சொல்லிவிட முடியாது.

​கருவுறுதல் குறைதல்

samayam tamil Tamil News Spot

பெண்கள் தங்களிடம் கருமுட்டைகளுடன் தான் பிறக்கிறார்கள். பெண்களுக்கு வயதாகும் போது எஞ்சியிருக்கும் முட்டைகள் எண்ணிக்கை குறையலாம். அதன் தரம் குறையலாம். இதனால் கருவுறும் வாய்ப்பு குறையலாம்.

விந்தணுக்களின் எண்ணிக்கை இயக்கம் மற்றும் விந்துஅளவு குறைவதால் ஆண்களுக்கு கருவுறுதல் வாய்ப்பு குறைகிறது. இந்த வயது தொடர்பான காரணிகள் இணைந்து பெண்களுக்கு கர்ப்பம் தரிப்பதை கடினமாக்கும்.

தி நியூ இங்கிலாந்து ஜர்னல் ஆஃப் மெடிசனில் வெளியிடப்பட்ட ஒரு ஆய்வில் செய்ற்கை கருவூட்டல் பெற்ற பெண்களில் 31 வயதுக்குட்பட்டவர்களில் 74 % பேர் ஒரு வருடத்துக்குள் கர்ப்பமாக இருந்தார்கள். 31 முதல் 34 வயதுகுட்பட்ட நபர்களில் 61% குறைந்துள்ளது. இது 35 அதற்கு மேற்பட்ட வயதுடைய பெண்களில் 54% சதவீதமாக குறைந்துள்ளது.

​மரபணு அபாயங்கள்

samayam tamil Tamil News Spot

பெண்களுக்கு வயதாகும் போது சில மரபணு அபாயங்கள் கர்ப்பகாலத்தில் அடிக்கடி உண்டாகும். எடுத்துக்காட்டால்க டவுன் சிண்ட்ரோம் கொண்ட குழந்தையை பெறுவதற்கான விகிதம் தாய்வழி வயதை கொண்டு அதிகரிக்கும்.

கர்ப்பத்தின் 10 வாரக்குறிப்பில் டவுன் சிண்ட்ரோம் கொண்ட கருவின் விகிதம் 1064 நம்பகமான ஆதாரங்களில் 25 வயதில் ஒருவராக உள்ளது. இது 30 வயதில் 686 பேரில் 1 ஆகவும் 35 வயதில் 240 இல் 1 ஆகவும் உயர்கிறது. 40 வயதில் டவுன் சிண்ட்ரோம் விகிதம் ஆனது 53 இல் 1 ஆகவும், 45 வயதி 19 கருக்கைல் 1 ஆகவும் அதிகரிக்கிறது.

நேச்சர் கம்யூனிகேஷனில் வெளியிடப்பட்ட நம்பகமான ஆய்வில் வயதான பெண்கள் அசாதாரணமான குரோமோசோம் எண்களால் வகைப்படுத்தப்படும் பிறவி முரண்ட்பாடுகளை கொண்ட குழந்தைகளை பெற்றெடுக்கும் அபாயத்தை ஏன் அதிகமாக கொண்டுளனர் என்பதை ஆராய்வதற்காக அமைக்கப்பட்டுள்ளது.

நியூயார்க்கில் உள்ள யெஷிவா பல்கலைக்கழகத்தின் ஆல்பர்ட் ஐன்ஸ்டினின் மருத்துவ கல்லூரியின் ஆராய்ச்சியாளர்கள் டவுன் சிண்ட்ரோம் போன்ற நிலைமைகளின் அதிக ஆபத்துக்கு மறுசீரமைப்பின் மரபணு செயல்முறை காரணமாக இருக்கலாம் என்று கண்டறிந்துள்ளனர்.

மறுசீரமைப்பு என்பது ஒரு ஜோடி குரோமோசோம்கள் பிரிக்கும் முன் மரபணு பொருளை பரிமாறிக் கொள்ளும் செயல்முறையாகும். வயதான பெண்களில் மறுசீரமைப்பு செயல்முறை குறைவாக கட்டுப்படுத்தப்படலாம். இது பாலின உயிரணுக்களில் அசாதாரண குரோமோசோம் எண்கள் அல்லது பெரிய குரோமோசோமால் மறுசீரமைப்புகளுக்கு வழிவகுக்கும் என்று கண்டறியப்பட்டுள்ளது.

​கருச்சிதைவு

samayam tamil Tamil News Spot

தாயின் வயதுக்கு ஏற்ப கருச்சிதைவு ஏற்படும் ஆபத்து படிபடியாக அதிகரிக்கிறது. பிஎம்ஜே -ல் வெளியிடப்பட்ட நம்பகமான ஆராய்ச்சி 20 முதல் 24 வயதுடைய பெண்களுக்கு கருச்சிதைவு ஏற்படும் அபாயம் சுமார் 8. 9 சதவிகிதம் மற்றும் 45 வயது அல்லது அதற்கு மேற்பட்ட நபர்களுக்கு 74.7 சதவீதம் அதிகரிக்கிறது. பெண்களின் முட்டைகளின் தரம் குறைவதால் கருச்சிதைவு ஏற்படும் அதிக விகிதங்களுக்கு காரணம் என்று சொல்லப்படுகிறது.

​இறந்து பிறக்கும் குழந்தை

samayam tamil Tamil News Spot

இளம் பெண்களை விட வயதான பெண்களில் இவை அதிகரிக்கிறது. கெனடியன் மெடிக்கல் அசோசியேஷன் ஜர்னலில் வெளியிடப்பட்ட முறையான ஆய்வின் படி வயதான பெண்களில் பிரசவம் 1.2 முதல் 2. 23 மடங்கு அதிகமாக இருப்பதாக கண்டறிந்துள்ளது.

மற்றொரு ஆய்வில் 3,85,120 பேரில் கருவுற்றவர்களின் தரவை ஆய்வு செய்து , இறந்த பிறப்பு விகிதம் 18 முதல் 34 வயதுடைய பெண்களுக்கு 1000 பேரில் 4. 7 ஆகவும், 35 முதல் 40 வயதுக்கு இடைப்பட்ட 1000 பேரில் 6.1 ஆகவும் இருந்தது.

இறந்த பிறப்பு விகிதம் முதல் குழந்தையை பெற்றவர்களில் அதிகமாகவும். 35 அல்லது அதற்கு மேற்பட்ட வயதுடைய பெண்களில் அதிகமாகவும் இருப்பதாக நம்பகமான ஆதாரம் காட்டப்பட்டுள்ளது.

நான்கு மாத கர்ப்பம்: குறைப்பிரசவத்தை தடுக்க இந்த மாதத்தில் சேர்க்க வேண்டிய உணவு என்ன? தவிர்க்க வேண்டியது என்ன?

35 வயது மற்றும் அதற்கு மேற்பட்ட வயதுக்குட்பட்ட பெண்கள் கர்ப்பகால வயதுடன் பிரசவம் அதிகரிக்கும் அபாயம் இருப்பதால் பிரசவ தேதி நெருங்கும் போது பிரசவம் முன்கூட்டியே தூண்டப்படுவது பரிந்துரைக்கப்படுகிறது.

35 வயதுக்குட்பட்ட 1000 பேரில் ஒருவர் கர்ப்பகாலத்தின் 39 மற்றும் 40 வாரங்களில் குழந்தை இறந்து பிறந்த நிலையை கொண்டுள்ளனர். 35 முதல் 39 வயதுடைய பெண்களில் 1000 பேரில் 1. 4 பேர் மற்றும் 40 மற்றும் அதற்கு மேற்பட்ட வயதுடைய பெண்களில் 2 பேர் இறந்து பிறக்கும் குழந்தையை கொண்டுள்ளனர்.

தாயின் வயதுக்கு ஏற்ப குழந்தை இறப்பு விகிதம் அதிகரிப்பதற்கான காரணங்கள் தற்போது தெளிவாக இல்லை.

​இதர அபாயங்கள்

samayam tamil Tamil News Spot

18 முதல் 34 வயது, 35 முதல் 40 வயதுக்கு மேற்பட்ட பெண்களிடையே கர்ப்ப சிக்கல்களை ஒப்பிடும் நம்பகமான ஆதாரம் பெரும்பாலான கர்ப்பத்தில் வயதுக்கு ஏற்ப பிறப்பு தொடர்பான சிக்கல்களை கண்டறிந்துள்ளது.

அவசரகால சிசேரியன் பிரசவம் மற்றும் பிரசவத்துக்கு பிறகான ரத்தக்கசிவு போன்ற பிரசவ விளைவுகள் தாயின் வயதை பொறுத்து அதிகரிக்கின்றன. கர்ப்பகால நீரிழிவு, நஞ்சுக்கொடி ப்ரீவியா, குழந்தையின் ப்ரீச் நிலை, அவசரகால அறுவை சிகிச்சை பிரசவம், பிரசவத்துக்கு பிறகு இரத்தப்போக்கு, குறைப்பிரசவம் குறைந்த பிறப்பு எடை மற்றும் அதிக எடை கொண்ட பிறப்பு ஆகியவற்றிய்ன் அபாயத்தை கண்டறிந்துள்ளனார். மேலும் பிற நம்பகமான ஆராய்ச்சியில் தாய் இறப்பு அபாயமும் கூட பெண்களின் வயதுக்கு ஏற்ப அதிகரித்துள்ளது என்று கண்டறியப்பட்டுள்ளது.

அமெரிக்காவின் ஸ்ட்ரோக் அசோசியேஷன் சர்வதேச மாநாட்டில் 2016 ல் வழங்கப்பட்ட ஆராய்ச்சி ஒன்றில் இளம் வயதில் கர்ப்பம் தரிக்கும் பெண்களுடன் ஒப்பிடும் போது, 4 0 வயது மற்றும் அதற்கு மேற்பட்ட கர்ப்பிணி பெண்களுக்கு இஸ்கிமிக் ஸ்ட்ரோக், ரத்தக்கசிவு, பக்கவாதம், மாரடைப்பு மற்றும் இதய நோயால் ஏற்படும் இறப்பு ஆபத்து உள்ளதாக சொல்லப்பட்டுள்ளது.

இளம் வயது பெண்களை விட வயதான பெண்கள் கர்ப்பகாலத்தில் உடல்நல பிரச்சனைகள் அதிகம் சந்திக்க வாய்ப்புண்டு. வயதான கர்ப்பிணி பெண்கள் எதிர்கொள்ளும் உயர் இரத்த அழுத்தம், நீரிழிவு மற்றும் அதிக கொழுப்பு போன்ற இதய நோய்க்கான ஆபத்து, ரத்தக்கசிவு, பக்கவாதம் தவிர அனைத்து ஆபத்துகளும் விளக்கப்பட்டுள்ளன.

​ஏன் 35 வயதுக்கு பிறகு பெண்களது பிரசவம் சிக்கலாக இருக்கும்?

-35-

தி ஜர்னல் ஆஃப் பிசியாலஜியில் வெளியிடப்பட்ட ஆராய்ச்சி ஒன்றில் 35 வயதுக்கு மேற்பட்ட பெண்கள் ஏன் பிறப்பு சிக்கல்களை எதிர்கொள்ளும் வாய்ப்புகளை அதிகம் கொண்டிருக்கிறார்கள் என்பதை காட்டியுள்ளது. தாயின் வயது கருப்பையின் கட்டமைப்பில் தாக்கத்தை ஏற்படுத்துகிறது.

வயதான எலிகளின் குழுவில் கருப்பையில் உள்ள தசை சுருங்குதல் பலவீனமடைந்து, ஆக்ஸிடானுக்கு குறைவான உணர்திறன் மற்றும் மைட்டோகாண்ட்ரியா எண்களை குறைத்தது. இவை அனைத்தும் கருப்பை தசைகள் சரியாக சுருங்கும் திறன் குறைவாக இருப்பது கண்டறியப்பட்டுள்ளது. மேலும் புரோஜெஸ்ட்ரான் மாற்றங்களையும் கண்டறிந்தது இது பிரசவத்தில் தாமதத்தை தூண்டியது.

பிரசவத்தின் நேரம் மற்றும் பிரசவ முன்னேற்றம் இரண்டுமே தாய்வழி வயதுடன் தொடர்புடையது. இது பிறக்கும் போது சிக்கல்களை உண்டாக்கலாம்.

வயதுக்கு மேல் குழந்தை ஆய்வு என்ன சொல்கிறது?

samayam tamil Tamil News Spot

குறைந்த பிறப்பு எடை, குறைப்பிரசவத்துக்கு வயது மட்டும் பொறுப்பு கிடையாது என்கிறது ஆய்வு. குறைந்த எடையுடன் பிறக்கும் குழந்தைகளுக்கு அடிக்கடி சுவாசம், அறிவாற்றல் மற்றும் நரம்பியல் பிரச்சனைகள் அதிகமாக இருக்கும். குறைமாத குழந்தைகளுக்கு இதய குறைபாடுகள், மூளை பாதிப்பு, நுரையீரல் கோளாறுகள் மற்றும் வளர்ச்சியில் உண்டாக்கும் தாமதம் போன்ற வாய்ப்புகள் அதிகரிக்கலாம்.

ஆராய்ச்சியாளர்களின் கூற்றுப்படி ஒரு தாயின் வயது குறைந்த பிறப்பு எடை மற்றும் குறைப்பிரசவத்தின் அபாயத்துக்கு பொறுப்பல்ல. 35 அல்லது அதற்கு மேற்பட்ட வயதுடைய பெண்களுக்கு குறைந்த எடை பிறப்பு (2. 5கிலோவுக்கு கீழ்) மற்றும் குறைப்பிரசவம் ( கர்ப்பத்தின் 37 வாரங்களுக்கு முன்) அதிக ஆபத்து இருப்பதாக சில ஆய்வுகள் சுட்டிக்காட்டியுள்ளன. எனினும் லண்டன் . ஸ்கூல் ஆஃப் எக்னாமிக்ஸ் நடத்திய ஆய்வில் தாயின் வயது காரணமல்ல என்று கூறுகிறது.

அமெரிக்கன் ஜர்னல் ஃஃப எபிடெமியாலஜியில் வெளியிடப்பட்ட ஆராய்ச்சி, வயதானவர்களில் தனிப்பட்ட சூழ்நிலைகள் அல்லது நடத்தைகளுடன் தொடர்புடையதாக இருக்கலாம் என்று கண்டறியப்பட்டுள்ளது.

Diabetes In Pregnancy : கர்ப்பகாலத்தில் சர்க்கரை நோய் வராம தடுக்க என்ன செய்யணும்? அவசியம் தெரிஞ்சுக்கங்க!

இது கருவுறுதல் பிரச்சனையாக இருக்கலாம். மோசமான பிறப்பு விளைவுகள்ம் தாய்வழி மன அழுத்தம் மற்றும் ஆரோக்கியமற்ற நடத்தைகள் ஆகியவற்றுடன் தொடர்புடையது. அதனால் குழந்தையை பெறுவதில் கருத்தில் கொள்ளும் போது பெண்கள் தங்கள் வயதை பற்றி கவலைப்படக்கூடாது என்று கண்டுப்பிடிப்புகள் தெரிவிக்கின்றன.

தனிப்பட்ட வாழ்க்கை சூழ்நிலைகள் மற்றும் நடத்தை தேர்வுகள் வயதை விட முக்கியம் ஆகும். அதனால் கருவுறுதலை எதிர்நோக்கும் தம்பதியர் குழந்தைப்பேறை தள்ளிப்போடும் போது பிறப்பு சிக்கல்களின் அபாயத்தில் அதிகரிப்பு ஆகியவற்றை கணக்கில் எடுத்துகொள்ள வேண்டும். குழந்தை இறந்து பிறப்பது அரிதானது என்றாலும் இளவயது பெண்களை காட்டிலும் இவர்களுக்கு ஆபத்து அதிகம் என்பதை உணர வேண்டும்.



Source link

Share on Social Media

Leave a Reply

Your email address will not be published. Required fields are marked *