Share on Social Media


ஹைலைட்ஸ்:

  • பெங்களூரில் நடந்த பிரணிதா, நிதின் ராஜு திருமணம்
  • நிதின் ராஜுவை காதலித்து வந்த பிரணிதா
  • கொரோனாவால் எளிமையாக நடந்த திருமணம்

கார்த்தியின் சகுனி, சூர்யாவின் மாஸ் உள்ளிட்ட தமிழ் படங்களில் நடித்த பிரணிதா சுபாஷுக்கும் கர்நாடக மாநிலம் பெங்களூரை சேர்ந்த தொழில் அதிபர் நிதின் ராஜுவுக்கும் நேற்று திருமணம் நடந்தது. கொரோனாவின் இரண்டாம் அலை தீவிரமாக இருப்பதால் யாருக்கும் சொல்லாமல் திருமணத்தை நடத்தியுள்ளனர்.
சத்தமில்லாமல் தொழில் அதிபரை மணந்த கார்த்தி, சூர்யா ஹீரோயின்: கசிந்த போட்டோதிருமணத்தில் இரு வீட்டாரும், நண்பர்களும் தான் கலந்து கொண்டனர். அந்த ஜோடிக்கு நெருக்கமான ஒருவர் வெளியிட்ட புகைப்படத்தால் தான் திருமணம் பற்றியே தெரிய வந்தது. இதையடுத்து பிரணிதாவிடம் கேட்டதற்கு அவர் கூறியதாவது,

இது காதல் மற்றும் பெரியவர்கள் ஏற்பாடு செய்த திருமணம். எனக்கு நிதின் ராஜுவை பல காலமாக தெரியும். எங்களுக்கு பொதுவான நண்பர்கள் பலர் இருக்கிறார்கள்.

இரு குடும்பங்களின் அனுமதி பெற்று மீதமுள்ள வாழ்க்கையை சேர்ந்து வாழலாம் என்று முடிவு செய்தோம். கொரோனா வைரஸ் பிரச்சனையால் காத்திருக்க வேண்டும் என்று தெரியும். இதையடுத்தே அனைத்து முன்னெச்சரிக்கை நடவடிக்கைகளுடன் சிம்பிளாக திருமணம் செய்து கொண்டோம்.

எனக்கு பர்சனல் பற்றி பேச பிடிக்காது. அதனால் எதையும் அனைவருக்கும் தெரியும்படி செய்ய மாட்டேன். இந்த திருமணம் எனக்கு பிடித்தது போன்றே நடந்துவிட்டது. இதற்கு கொரோனா வைரஸ் பிரச்சனை தான் காரணம்.

இல்லை என்றால் எளிமையாக நடத்துங்கள் என்று நான் போராட வேண்டியிருந்திருக்கும். ஆனால் தற்போதோ நான் எப்படி விரும்பினேனோ அப்படியே திருமணம் நடந்துவிட்டது. குடும்பத்தார், நெருங்கிய நண்பர்கள் மட்டுமே கலந்து கொண்டார்கள்.

நிலைமை சரியான பிறகு நண்பர்கள், சினிமா துறையை சேர்ந்தவர்களுக்கு பார்ட்டி கொடுப்பேன். வாழ்க்கையின் இந்த புதிய துவக்கத்தால் மகிழ்ச்சியாக இருக்கிறது என்றார்.

கடந்த ஆண்டு லாக்டவுன் அமல்படுத்தப்பட்டபோது பலருக்கும் உணவளித்து உதவி செய்து வந்தார் பிரணிதா என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *