Share on Social Media


மணிரத்னம் இயக்கத்தில் பிரம்மாண்டமாக உருவாகி வரும் ‘பொன்னியின் செல்வன்‘ படத்தை இந்திய சினிமாவே எதிர்பார்த்து காத்து கொண்டிருக்கிறது. எழுத்தாளர் கல்கி கிருஷ்ணமூர்த்தி எழுதிய புகழ்பெற்ற நாவலான ‘பொன்னியின் செல்வன்’ கதை அதே பெயரில் படமாக உருவாகி வருகிறது.

விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்ய லட்சுமி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரகுமான் உள்ளிட்ட பல மொழிகளை சேர்ந்த பிரபல நட்சத்திரங்கள் நடிக்கும் ‘பொன்னியன் செல்வன்’ படம் தமிழ், தெலுங்கு, மலையாளம், இந்தி உள்ளிட்ட மொழிகளில் உருவாக்கப்பட்டு வருகிறது. இந்தப்படத்தை பிரம்மாண்டமாக இரண்டு பாகங்களாக உருவாக்குகிறார் இயக்குனர் மணிரத்னம்.

மெட்ராஸ் டாக்கிஸ் நிறுவனமும், லைக்கா நிறுவனமும் இணைந்து தயாரிக்கும் இந்த படத்திற்கு இசைப்புயல் ஏ.ஆர்.ரஹ்மான் இசையமைக்கிறார். இந்தப்படத்தின் இறுதிக்கட்டப் படப்பிடிப்பு மத்தியப் பிரதேச மாநிலத்தில் உள்ள குவாலியர் கோட்டையில் நடைபெற்று வந்தது. அதனை தொடர்ந்து அண்மையில் ‘பொன்னியின் செல்வன்’ படப்பிடிப்பு முழுமையாக நிறைவடைந்ததாக படக்குழுவினர் அறிவித்தனர்.

பிசி ஷெட்யூல் நடுவே பாரீஸ் பறந்த ராஷ்மிகா மந்தனா: வைரலாகும் புகைப்படம்!
அதனை தொடர்ந்து படத்தில் நடிக்கும் நடிகர்கள் ஒவ்வொருவராக, அவரவர் கதாபாத்திரத்திற்கு டப்பிங் பேசும் பணிகளை துவங்கினர். இந்நிலையில் இயக்குனர் மணிரத்தினம் பொன்னியின் செல்வன் படத்திற்கு அமையவுள்ள பின்னணி இசையை எவ்வாறு இருக்க வேண்டும் என்பது குறித்து இசைக்குழுவிற்கு விளக்கம் அளிக்கும் வீடியோ ஒன்றை தனது இன்ஸ்டாகிராம் பக்கத்தில் பகிர்ந்துள்ளார்.


இந்த வீடியோ தற்போது இணையத்தில் வைரலாகி வருகிறது. இரண்டு பாகங்களாக உருவாகியுள்ள ‘பொன்னியின் செல்வன்’ படத்தின் முதல் பாகம் அடுத்தாண்டு ஏப்ரல் மாதம் வெளியாக உள்ளது குறிப்பிடத்தக்கது.

‘அண்ணாத்தே’யில் சிவா சொல்லி அடித்துள்ளார் ; படம் மிகப்பெரிய வெற்றி – ரஜினிகாந்த் புகழாரம்!





Source link

Share on Social Media

Leave a Reply

Your email address will not be published. Required fields are marked *