Share on Social Media

தற்காலத்தில் தலை முடி சார்ந்த பிரச்சனைகளில் பொடுகுக்கு பெரும்பங்கு இருக்கிறது. பல லட்சம் பேர் இந்த தலையில் பொடுகு பிரச்சினையினால் உலக அளவில் பாதிக்கப்பட்டு இருப்பதாக ஆய்வுகள் சொல்கின்றன. அதற்கான சிறந்த மருந்து நமது ஆயுர்வேத மருத்துவ முறையில் இருக்கிறது. நம் வீட்டில் இருக்கக் கூடிய பொருட்களை வைத்து வீட்டிலேயே தயாரிக்கும் மருந்தினை கொண்டு உங்களுடைய பொடுகு பிரச்சனைக்கு முடிவு கட்டலாம்.

​பொடுகு பிரச்சினை

பொடுகுப் பிரச்சனை உருவாவதற்கு முக்கியமான காரணம் உங்கள் தலையில் நீர் சத்து இல்லை என்பதால் அவை மிக வறண்டு போய் இருப்பதன் விளைவாக கிருமிகள் உருவாகி தலையில் பொடுகினை உருவாக்குகின்றன. இவை தலையில் தேங்குவது ஆரோக்கியமான விஷயம் இல்லை என்பதனை புரிந்து கொள்ள வேண்டும். இதற்காக சந்தையில் பல்வேறு ஷாம்பூ, தலைமுடி ஆரோக்கியம் தரும் பொருட்கள் கிடைக்கின்றன. ஆனால் அவை உடனடியாக ரிசல்ட் தருவது போல் தெரிந்தாலும் அதில் இருக்கக்கூடிய கெமிக்கல் காரணமாக வேறு சில பெரும் பாதிப்புகளை உருவாக்கி விடுகின்றன என்பதை மறந்துவிட வேண்டாம்

இந்த கட்டுரையில் வீட்டில் இருக்கும் சில ஆயுர்வேத பொருட்களைக் கொண்டு உங்களது நிரந்தர பொடுகு பிரச்சனையை நீக்குவதற்கான வழிகளை பார்க்கலாம்.

​வேப்பிலை

samayam tamil Tamil News Spot

தோலில் ஏற்படக்கூடிய கிருமிகளின் பாதிப்பின் காரணமாக பொடுகு உருவாகிறது. அவற்றினை வேப்பிலை கொண்டு சுத்தப்படுத்த முடியும்.இது பல்வேறு ஆண்டுகளாக நடைமுறையில் இருக்கக்கூடிய ஒரு மருத்துவ முறைதான். இந்தியர்களின் தலைமுடி ஆரோக்கியத்திற்கு வேப்பிலை இன்றியமையாத ஒன்றாகும். நீங்கள் ஏற்கனவே வேப்பிலையில் இருக்கக்கூடிய கிருமிநாசினி மற்றும் வைரஸ் எதிர்ப்பு குணநலன்களைப் பற்றி விரிவாக தெரிந்து இருப்பீர்கள். அதனை தான் இங்கே நாம் படுத்தப் போகிறோம்.

நீங்கள் வீட்டிலே வேப்பிலை எண்ணெய் தயாரிக்கலாம் அல்லது அருகில் உள்ள கடைகளில் சிறந்த வேப்பிலை எண்ணெயை வாங்கி தலையில் தேய்த்து ஊற வைத்து குளித்து வர பொடுகு பிரச்சனை நீங்கும். அல்லது வேப்பிலை பேஸ்ட் உருவாக்க வேண்டும். அதற்கு ஒரு சிறிய பாத்திரத்தில் தயிர் சேர்த்துக் கொண்டு அதில் வேப்பிலையை நன்றாக அரைத்து தயிரில் போட்டு கலந்து பின் உங்கள் தலையில் தேய்க்க வேண்டும். 15 முதல் 20 நிமிடங்கள் காத்திருந்து பின் குளித்தால் உங்களுடைய பொடுகு பிரச்சனை நீங்கும்

​வெள்ளை முட்டை மற்றும் எலுமிச்சை சாறு

samayam tamil Tamil News Spot

ஒரு சிறிய பாத்திரத்தில் இரண்டு வெள்ளை முட்டையினை எடுத்துக்கொள்ளுங்கள். அடுத்த பாத்திரத்தில் எலுமிச்சை சாறினை எடுத்துக்கொண்டு இரண்டையும் நன்றாகக் கலந்து கொள்ளுங்கள். பின் அவற்றினை உங்கள் தலையில் நன்றாகத் தேய்த்து அரை மணிநேரம் காத்திருந்து பின் வேப்பிலை சோப்பு பயன்படுத்தி குளியுங்கள். வேப்பிலை ஃப்ளேவர் சோப்புகள் சாதாரண கடைகளில் கிடைக்கக் கூடிய ஒன்றுதான் இவை உங்களுடைய பொடுகு பிரச்சனையை நீக்கி உங்களை அழகான நபராக மாற்றும் என்பது உறுதி.

தலையில் பேன் பொடுகு உருவாவதற்கு முக்கியமான காரணம் புரோட்டின் இல்லாததாகும். அதனை இந்த வெள்ளை முட்டை சரி செய்கிறது. இதில் இருக்கக்கூடிய அதிகப்படியான புரோட்டீன் உங்களுடைய தலைமுடி ஆரோக்கியத்துக்கு உதவக் கூடியதாகும் மற்றும் எழுமிச்சையில் இருக்க கூடிய விட்டமின் சி, தலையில் இருக்கக்கூடிய கிருமிகளை நீக்கி ரத்த சுழற்சியை அதிகப்படுத்துகிறது.

​நெல்லிக்காய்

samayam tamil Tamil News Spot

நாம் மேலே பார்த்ததுபோல பொடுகு உருவாகுவதற்கு தலையில் விட்டமின் சி குறைபாடு காரணமாக அமைகிறது. அதனை நிவர்த்தி செய்வதற்காக நாம் நெல்லிக்காயை பயன்படுத்தலாம். இதில் இருக்கக்கூடிய அதிகப்படியான விட்டமின் சி மற்றும் பாக்டீரியாவுக்கு எதிரான குணநலன்கள் நம்மை பொடுகு பிரச்சினையிலிருந்து முழுவதுமாக நீக்கக்கூடியது மற்றும் பொடுகு காரணமாக தலையில் உருவாகக்கூடிய சொறி பிரச்சனைகளை நீக்க கூடியது. நீங்கள் நெல்லிக்காயை பவுடராக மாற்றி கொள்ளுங்கள். அதனுடன் 8 முதல் பத்து துளசி இலைகளை நன்றாக அரைத்து அதனை ஏற்கனவே இருக்கும் நெல்லிக்காய் பொடியுடன் சேர்த்து பின் அதனுடன் கொஞ்சம் தண்ணீர் சேர்த்து நெல்லிக்காய் பேஸ்ட் உருவாக்குங்கள். அதனை உங்கள் தலையில் நன்றாகத் தேய்த்துக் கொண்டு 30 நிமிடம் காத்திருங்கள். பின் நன்றாக தலையை அலசி குளித்தால் தேவையெனில் குளிர்ந்த தண்ணீரில் நல்ல சிறந்த சோப் ஷாம்பு பயன்படுத்தி குளித்தால் உங்கள் பொடுகு பிரச்சனை தீர்ந்து விடும்.

​வெந்தய விதைகள்

samayam tamil Tamil News Spot

இந்த விதையில் இருக்கக்கூடிய அதிக புரோட்டின் காரணமாக உங்களுடைய முடி உதிர்வு மற்றும் பொடுகு பிரச்சனைக்கு முடிவு கட்டிவிட முடியும்.ம் நாம் ஏற்கனவே பார்த்தது போல தலையில் நீர் சத்து இல்லாதது, தலை முடி மெலிதாவது உடைதல் போன்றவற்றிற்கு காரணமாகிறது அதனை நிவர்த்தி செய்வதற்கு இதனை நாம் பயன்படுத்துகிறோம். 3 டீஸ்பூன் இந்த விதையினை தண்ணீரில் கலந்து இரவில் வைத்துவிட்டு காலையில் எழுந்து பிலண்டர் பயன்படுத்தி நன்றாக கலந்து பேஸ்ட் போன்று உருவாக்கிக் கொள்ள வேண்டும். அதனுடன் ஒரு டீஸ்பூன் லெமன் ஜூஸ் சேர்த்துக் கொள்ளலாம். பின் உங்கள் தலையில் தேய்த்து அரை மணி நேரம் காத்திருந்து பின் நன்றாக குளித்தால் உங்களுடைய தலை முடி ஆரோக்கியம் சிறந்து விளங்கும்.

நெல்லிக்காய், ரீத்தா மற்றும் சீகக்காய்

samayam tamil Tamil News Spot

ஆயுர்வேத பொருட்கள் பட்டியலில் இந்த மூன்றுக்கும் சிறந்த பங்கு உண்டு. இவை மூன்றுமே அதிகப்படியான விட்டமின் சி கொண்டிருப்பதால் உங்கள் தலைக்கு ஆரோக்கியமானதாக இருக்கிறது. உங்கள் தலையில் இருக்கக்கூடிய அனைத்து பாக்டீரியா மற்றும் வைரஸ்கள் முழுமையாக சுத்தப்படுத்துவதற்கு ரீத்தா முக்கிய பங்கு வகிக்க கூடியதாகும். நெல்லிக்காய், ரீத்தா மற்றும் சீயக்காய் ஆகியவற்றைப் பயன்படுத்தி ஒரு ஷாம்புவினை நீங்கள் வீட்டிலேயே செய்துகொள்ள முடியும்.

ஐந்து முதல் ஆறு ரீத்தா எடுத்துக்கொண்டு, ஆறு முதல் ஏழு சிகைக்காய் துண்டுகள் எடுத்துக் கொண்டு கொஞ்சம் நெல்லிக்காய் ஆகியவற்றினை தண்ணீரில் சேர்த்து இரவில் வைக்க வேண்டும். பின் காலையில் அதனை நன்றாக கலந்து கொதிக்க வைக்கவேண்டும். நன்றாக கொதித்த பிறகு அவற்றை சூடு குறைவ விட்டு பின் அவற்றினை ஷாம்பூவாக பயன்படுத்தலாம். கொண்டு உங்கள் தலையில் தேய்த்துக் குளித்து வந்தால் பொடுகு பிரச்சனை முழுமையாக நீங்கி விடும்.

Thanks for the Source

Share on Social Media

Leave a Reply

Your email address will not be published. Required fields are marked *