Share on Social Media



உடலுக்கு அதன் செயல்பாடுகளை பராமரிக்க புரதம் முக்கியமானது. இது புதிய செல்களை உருவாக்கவும், சேதமடைந்த திசுக்கள் மற்றும் செல்களை சரி செய்வதால் இது வாழ்க்கையின் கட்டுமானத்தொகுதி என்று அழைக்கப்படுகிறது. ஆராய்ச்சியின் படி பெண்கள் அதிக புரதம் நிறைந்த உணவை ஏன் எடுத்துகொள்ள வேண்டும் என்று மற்ற காரணத்தையும் ஆராய்ச்சியாளர்கள் கண்டறிந்துள்ளனர்.அதிலும் குறிப்பிட்ட வகையான புரதம் சாப்பிடுவது நீண்ட ஆயுளை மேம்படுத்த செய்யும். அதை தான் இப்போது பார்க்க போகிறோம்.

​தாவர புரதத்தின் நன்மைகள்

தாவர புரதம் பெண்களுக்கு நன்மை அளிக்கும் என்று ஆராய்ச்சி கூறுகிறது. இதய நோய் மற்றும் டிமென்ஷியா தொடர்பான இறப்பு அபாயத்தை குறைக்கலாம். அதிக அளவு தாவர புரத உட்கொள்ளல் கொண்ட மாதவிடாய் நின்ற பெண்களுக்கு அனைத்து காரணங்களாலும் இறப்பு ஏற்படும் 9% குறைவாக இருப்பதாக கூறுகிறது.

oil for breast enlarge : மார்பகங்களை பெரிதாக்க எண்ணெய் மசாஜ் உதவுமா? என்னதான் தீர்வு?

இதய நோயால் இறப்பதற்கான ஆபத்து 12% குறைவாகவும், டிமென்ஷியா தொடர்பான ஆபத்து 21% குறைவாகவும் இருப்பதாக ஆராய்ச்சி காட்டியுள்ளது.

​புரதத்தின் இரண்டு ஆதாரங்கள்

samayam tamil Tamil News Spot

புரதத்தின் இரண்டு ஆதாரங்கள் உள்ளன. தாவர அடிப்படையிலான புரதம் மற்றும் விலங்கு அடிப்படையிலான புரதம்.

தாவர அடிப்படையிலான புரதம் முழுமையற்ற புரதம் என்றும், விலங்கு அடிப்படையிலான புரதம் முழுமையான புரதம் என்றும் அழைக்கப்படுகிறது. புரதத்தின் முழுமையான மூலமானது அனைத்து ஒன்பது அத்தியாவசிய அமிலங்களையும் கொண்டுள்ளது.

கோழி, மீன் முட்டை, பால் மற்றும் கடல் உணவுகள் ஒரு முழுமையான புரதம், குயினோவா, பக்வீட் மற்றும் சோயா பொருள்கள் தவிர அனைத்து அடிப்படையிலான உணவுகளும் முழுமையற்ற புரதமாகும்.

தாவர அடிப்படையிலான உணவில் முழுமையான புரதத்தை உருவாக்க தேவையான அனைத்து வகையான அமினோ அமிலங்கள் இல்லை. ஆனால் இது ஆரோக்கியத்துக்கு நல்லது ஆயுளை அதிகரிக்க கூடியது. அதனால் நீண்ட காலம் வாழ விரும்பினால் தாவர அடிப்படையிலான உணவு பொருள்களை அதிகம் சேருங்கள்.

​ஆராய்ச்சி என்ன சொல்கிறது

samayam tamil Tamil News Spot

எதிர்கால உணவு வழிகாட்டுதல்களில் உணவு புரத மூலங்களை கருத்தில் கொள்ள வேண்டும் என்னும் அவசியத்தை ஆய்வுகள் ஆதரிக்கின்றன என்று அமெரிக்காவின் அயோவா பல்கலைக்கழக ஆராய்ச்சியாளர் வெய்பாவ் கூறுகிறார்.

அமெரிக்கன் ஹார்ட் அசோசியேஷன் இதழில் வெளியிடப்பட்ட ஆய்வுக்காக ஆராய்ச்சியாளர்கள் மேலும் தரவுகளை ஆய்வு செய்தனர்.

1993 மற்றும் 1998 ஆம் ஆண்டுக்கு இடைப்பட்ட காலத்தில் 50 முதல் 79 வயதுடைய 1 இலட்சம் மாதவிடாய் நின்ற பெண்கள் ஆய்வில் பங்கேற்றார்கள். இவர்களை 2017 வரை பின் தொடர்ந்தார்கள். ஆய்வில் பங்கேற்றவர்கள் எவ்வளவு முட்டை சாப்பிட்டார்கள் என்பதை பூர்த்தி செய்ய சொல்லி தாள் கொடுக்கப்பட்டது.

பால், கோழி, சிவப்பு இறைச்சி, மீன்/மட்டி மற்றும் தாவர புரதங்களான டோஃபு, கொட்டைகள், பீன்ஸ் மற்றும் பட்டாணி.

​ஆய்வு முடிவுகள் என்ன சொல்கிறது

samayam tamil Tamil News Spot

ஆய்வுகாலத்தில் மொத்தம் 25, 976 இறப்புகள் உண்டானது (இதய நோயால் 6993 இறப்புகள், புற்றுநோயால் 7516 இறப்புகள் மற்றும் டிமென்ஷியாவில் 2734 இறப்புகள்) பெண்கள் உட்கொள்ளும் புரதத்தின் அளவுகள் மற்றும் வகைகளை குழு குறிப்பிட்டது. ஒவ்வொரு புரதத்தையும் யார் குறைவாக சாப்பிட்டார்கள். யார் அதிகம் சாப்பிட்டார்கள் என்பதை ஒப்பிட்டு அவற்றை குழுவாக பிரித்தார்கள்.

பதப்படுத்தப்பட்ட சிவப்பு இறைச்சியை அதிக அளவில் உட்கொள்வது டிமென்ஷியாவால் இறக்கும் அபாயம் 20% அதிகம் என்று கண்டறியப்பட்டது. பதப்படுத்தப்படாத இறைச்சி, முட்டை மற்றும் பால் பொருள்கள் அதிக நுகர்வு 12%, 24% மற்றும் 11% இதய நோயால் இறக்கும் அபாயத்துடன் தொடர்பு கொண்டது கண்டறியப்பட்டது.

​விலங்கு புரதமா? தாவர புரதமா?

samayam tamil Tamil News Spot

மொத்த சிவப்பு இறைச்சி, முட்டை அல்லது பால் பொருள்களை கொட்டைகளுடன் மாற்றுவது 12% முதல் 47% குறைவான இறப்பு அபாயத்துடன் தொடர்புடையது என்று ஆராய்ச்சியாளர்கள் குறிப்பிட்டுள்ளனர்.

retinopathy: சுகர் கரெக்டா இருந்தாலும் கண் கோளாறு வரும், எப்படி தவிர்ப்பது மருத்துவர் சொல்வது என்ன?

ஆய்வு ஒன்றில் விலங்கு புரதம் எடுத்துகொண்டவர்களை காட்டிலும் தாவர புரதம் அதிகமாக எடுப்பது ஆரோக்கியமான வாழ்க்கைக்கு ஏற்றதாக சொல்லப்பட்டது. மேலும் தாவர புரதம் இதய நோய் மற்றும் பிற நாட்பட்ட நோய்களின் ஆபத்தை குறைக்கலாம். தினசரி தாவர புரத உட்கொள்ளலை வெறும் 3 % அதிகரிக்க வேண்டும். இது ஆரம்ப கால இறப்பு அபாயத்தை 5% குறைக்கும்.



Source link

Share on Social Media

Leave a Reply

Your email address will not be published.