Share on Social Media

​பிரசவ வலி

பிரசவ வலியை எதிர்கொள்வதில் பெண்கள் பலரும் தயக்கம் கொண்டிருப்பதால் நேரடியாக வலியில்லா சிசேரியன் பிரசவம் விரும்புகிறார்கள். குறிப்பாக முதல் பிரசவம் என்பது 18 மணி நேரம் முதல் 72 மணி நேரம் வரை கூட ஆகலாம். விட்டு விட்டு வரக்கூடிய வலி அதிக உபாதை உண்டக்கலாம்.

கர்ப்பமா இருக்கீங்களா? கொரோனா காலத்தில் முன்னெச்சரிக்கையா இருக்க சில குறிப்புகள்!

சில பெண்கள் பிரசவக்காலத்தில் உண்டாகும் சிக்கல்களால் சிசேரியனை எதிர்கொள்கிறார்கள். சில கர்ப்பிணிகள் உடல் ஆரோக்கிய குறைபாடுகள் காரணமாக முன்னரே சிசேரியனுக்கு அறிவுறுத்தப்படுவார்கள்.

உடல் உழைப்பு, ஆரோக்கியமான உணவுமுறை, வாழ்வியல் முறை, மருந்தாக்கிய உணவு போன்றவற்றை சீராக எடுத்துகொண்டால் பிரசவம் சிக்கலில்லாமல் ஆரோக்கியமாக சுகப்பிரசவமாக எளிதாக இருக்கும். அப்படி முன்னோர்கள் கர்ப்பிணிகளுக்கு பிரசவக்காலத்தில் செய்தவற்றில் ஒன்று தான் அடிவயிற்றில் முடக்கறுத்தான் இலை பயன்படுத்துவது. அது குறித்து பார்க்கலாம்.

​பிரசவத்துக்கு முன்பு

samayam tamil Tamil News Spot

பெண் பிரசவத்துக்கு முந்தைய ஏழாம் ட்ரைமெஸ்டர் காலங்களில் சுக்கு தண்ணீர் வைத்து கொடுப்பது உண்டு. சுக்கு தண்ணீருடன் பனைவெல்லம் கலந்து குடிக்கும் இந்த கஷாயத்தை காலை மாலை என இரண்டு வேளையும் கொடுப்பார்கள். இது கர்ப்பகாலத்தில் உண்டாகும் சோர்வை நீக்கும்.

உடலை களைப்பில்லாமல் புத்துணர்ச்சியாக வைத்திருக்க செய்யும். பிரசவ வலியா அல்லது பொய்வலியா என்பதை கண்டறிய சுக்கு நீர் கொடுத்து தான் கண்டறிவார்கள். அத்தனை மகிமை வாய்ந்தது சுக்கு நீர். சுக்கு நீர் உள்ளுக்கு கொடுப்பது போன்று வெளிப்புற பூச்சுக்கு முடக்கறுத்தான் பயன்படுத்துவது. பக்கவிளைவில்லாத இதை எப்படி பயன்படுத்துவது என்று பார்க்கலாம்.

​முடக்கறுத்தான் பற்று

samayam tamil Tamil News Spot

கர்ப்பத்தின் ஒன்பதாவது மாதம் முதலே இதை செய்ய தொடங்குவார்கள். இது பிரசவ வலியை குறைக்க உதவும். பிரசவக்காலத்தில் சுகப்பிரசவத்தை ஊக்குவிக்கும். மிக முக்கியமாக பிரசவக்காலத்தில் அதிக நேரம் வலியில்லாமல் இருக்கும். இந்த வலி உபாதையை குறைக்க உதவும் முடக்கத்தான் பற்று போடும் முறை குறித்து பார்க்கலாம். பிரசவ வலி வரும் போது கூட இதை செய்யலாம்.

முடக்கறுத்தான் இலையை கைப்பிடி அளவு எடுத்து, காரமில்லாத அம்மியில் வைத்து அரைத்து பெண்ணின் அடிவயிற்றில் பூச வேண்டும். பிறகு வெதுவெதுப்பான அல்லது மந்தமான நீரில் கழுவி விட வேண்டும்.

தொடர்ந்து இரண்டு நாட்களுக்கு ஒரு முறை இதை தடவி வந்தால் பிரசவ நேரத்தில் வலி குறையக்கூடும். பிரசவ நேர களைப்பும், வலியும் தெரியாது. இன்றும் கிராமங்களில் இதை செய்து வருகிறார்கள். முடக்கறுத்தான் செய்யும் நன்மைகள் குறித்து சுருக்கமாக பார்க்கலாம்.

​முடக்கறுத்தான் நன்மைகள்

samayam tamil Tamil News Spot

முடக்கறுத்தான் கீரையை விளக்கெண்ணெயில் வதக்கி மூட்டுகளில் வலி இருக்கும் இடங்களில் கட்டி வந்தால் வலி குறையும். இது உள்ளுக்கு எடுக்கும் போதும் மலச்சிக்கல், மூட்டு வலி, கைகால் வலி முதுகுவலி, உடல் வலி நீங்கும். முடக்கறுத்தான் கீரை எலும்பு தேய்மானம் உண்டாக்காது.

கருவுற்ற அறிகுறிகள் : இந்த அசாதாரண அறிகுறிகளும் நீங்கள் கர்ப்பமா இருப்பதை காட்டுமாம்!

மூட்டு வலிகள், மூட்டு வாதம் போன்றவற்றை குணப்படுத்தும். பிரசவக்காலத்தில் மூட்டுகள் குறிப்பாக இடுப்பு எலும்புகள் விரிவடையவும் வலுப்பெறவும் உதவும். கர்ப்பிணிகள் கர்ப்பகாலத்தில் முடக்கறுத்தான் ரசம் உள்ளுக்கும் இந்த பற்றை வெளியிலும் தடவி வந்தால் பிரசவம் சுகமாகும்.

Thanks for the Source

Share on Social Media

Leave a Reply

Your email address will not be published. Required fields are marked *