Share on Social Media


திரைப்பட பாடலாசிரியரும், கவிஞருமான பிறைசூடன் நேற்று திடீர் மாரடைப்பால் சென்னையில் காலமானார். இதயம், பணக்காரன், கேளடி கண்மணி உள்ளிட்ட பல படங்களுக்கு பாடல்கள் எழுதி உள்ளார். 400க்கும் மேற்பட்ட படங்களில் கிட்டத்தட்ட 1400 பாடல்களை படைத்தவர். இவரின் மறைவிற்கு முதலமைச்சர் மு.க. ஸ்டாலின் இரங்கல் தெரிவித்து தனது ட்விட்டர் பக்கத்தில் பதிவு ஒன்றை பகிர்ந்துள்ளார்.

திருவாரூர் மாவட்டம் பிறப்பிடமாக கொண்ட பிறைசூடன் 1986 ல் வெளியான ‘சிறை’ படத்தில் மெல்லிசை மன்னர் எம்.எஸ்.விஸ்வநாதன் இசையமைத்த ‘ராசாத்தி ரோசாப்பூ’ என்னும் பாடலை எழுதியதன் மூலமாக தமிழ்த்திரையுலகில் பாடலாசிரியராக தனது பயணத்தை தொடங்கினார். திரைப்பட பாடல்கள் மட்டுமல்லாது தனிப்பாடல்கள், கவிதைகள் உள்ளிட்டவற்றையும் எழுதியுள்ளார்.

2000க்கும் அதிகமான பாடல்களை எழுதி ரசிகர்கள் மத்தியில் பிரபலமானவர் பிறைசூடன். இந்நிலையில் நேற்றுறு மாலை நெசப்பாக்கத்தில் உள்ள இல்லத்தில் பிறைசூடன் மாரடைப்பு காரணமாக காலமானார். அவரது திடீர் மறைவிற்கு திரையுலகத்தினர் மற்றும் பல்வேறு தரப்பினரும் இரங்கல் தெரிவித்து வரும் நிலையில் தமிழக முதல்வர் மு.க.ஸ்டாலினும் இரங்கல் தெரிவித்து பதிவு ஒன்றை பகிர்ந்துள்ளார்.

இதுதான் ஒரிஜினல்: ரீ எண்ட்ரியாகும் முதல் படத்திலே பஞ்சாயத்தை கூட்டும் வடிவேலு!

அதில், நல்ல பாட்டை மட்டுமே எழுதுவது என்று கங்கணம் கட்டிக் கொண்டு எழுதிக் கொண்டிருக்கும் என் ஊர்க்காரர். உடன்பிறப்பு என தலைவர் கலைஞரால் புகழப்பட்டவர். திருவாரூர் மண்ணில் இருந்து புறப்பட்டு திரையிசையில் தனக்கென தனியிடம் பிடித்த கவிஞர் கலைமாமணி பிறைசூடன் மறைவு அதிர்ச்சி அளிக்கிறது.

பல தலைமுறை இசையமைப்பாளர்களுடன் பணிபுரிந்து காலத்தால் அழியாத ஆயிரக்கணக்கான பாடல்களை எழுதிய அவரது மறைவு தமிழ் திரையியுலகுக்கு பேரிழப்பாகும். அவரை இழந்து வாடும் குடும்பத்தினர், ரசிகர்கள் அனைவருக்கும் எனது ஆழ்ந்த இரங்கலை தெரிவித்துக் கொள்கிறேன் என்று குறிப்பிட்டு உள்ளார்.

பீஸ்ட் அப்டேட் கேட்ட தொகுப்பாளர்; நெல்சன் சொன்ன பதில்!



Source link

Share on Social Media

Leave a Reply

Your email address will not be published. Required fields are marked *