Share on Social Media


ஹைலைட்ஸ்:

  • பிலிப்பைன்ஸ் நாட்டில் ராணுவம் விமானம் தரையிறங்கும் போது விபத்து
  • ஓடுதளத்தில் இருந்து விலகியதால் பயங்கரம், 17 பேர் பலி
  • 40 பேர் மீட்கப்பட்டு மருத்துவமனைகளில் அனுமதிக்கப்பட்டுள்ளனர்

பிலிப்பைன்ஸ் நாட்டிற்கு அமெரிக்கா ராணுவ உதவிகள் வழங்கியதன் மூலம் இரண்டு யு.எஸ் ஏர்போர்ஸ் விமானங்கள் கிடைத்தன. அதில் ஒன்று லாக்ஹூட் சி-130 ராணுவ விமானமும் ஒன்று. இந்த விமானம் 92 பேருடன் தெற்கு ககயான் டி ஓரோ சிட்டியில் இருந்து இன்று காலை புறப்பட்டது. இந்நிலையில் சுலு மாகாணத்தின் படிகுல் நகரின் மலைப் பகுதிக்கு அருகேவுள்ள பங்க்கால் கிராமத்தில் எதிர்பாராத விபத்தில் சிக்கியது.

அபு சாயப் பயங்கரவாதக் குழு

இதில் 17 பேர் பலியானதாக முதல்கட்ட தகவல்கள் தெரிவிக்கின்றன. அதேசமயம் 40 பேர் மீட்கப்பட்டுள்ளனர். இதுகுறித்து ராணுவத் தளபதி சிரிலிடோ சோபேஜனா கூறுகையில், இஸ்லாமியர்கள் அதிகம் வசிக்கும் சுலு மாகாணத்தில் அபு சாயப் என்ற பயங்கரவாத குழுவினர் நீண்ட காலமாக தொல்லை அளித்து வருகின்றனர். இந்த குழுவினர் வெடிகுண்டு தாக்குதல், கடத்தல், கொலை உள்ளிட்ட குற்றச் செயல்களில் ஈடுபட்டு கொண்டிருக்கின்றனர்.
கடலுக்கு அடியில் பயங்கரம்.. பரபரப்பு வீடியோ!
நீடிக்கும் அச்சுறுத்தல்

இதன் காரணமாக அபு சாயப் குழுவினரை பயங்கரவாதிகள் என்று பிலிப்பைன்ஸ் மற்றும் அமெரிக்கா ஆகிய நாடுகள் கறுப்பு பட்டியலில் வைத்திருக்கின்றன. இவர்களை எதிர்த்து அரசுப் படைகள் தாக்குதல் நடத்தி வருகின்றன. கடந்த சில ஆண்டுகளாக இந்த குழுவினரின் செயல்பாடுகள் பெரிய அளவில் இல்லாத போதிலும் தொடர் அச்சுறுத்தலாக இருந்து வருகின்றனர்.

17 பேர் பலியான சோகம்

இந்நிலையில் அபு சாயப் குழுவினருக்கு எதிரான நடவடிக்கைக்காக ஏர்போர்ஸ் சி-130 என்ற விமானம் ராணுவ வீரர்களை ஏற்றுக் கொண்டு தெற்கு ககயான் டி ஓரோ சிட்டியில் இருந்து இன்று புறப்பட்டுச் சென்றது. விமானம் தரையிறங்கும் போது எதிர்பாராத வகையில் விபத்தில் சிக்கிக் கொண்டது. ஓடுதளத்தில் இருந்து வெளியேறி கட்டுப்பாட்டை இழந்துள்ளது.

தியேட்டரில் பயங்கர தீ விபத்து!

இதன் காரணமாக விபத்து ஏற்பட்டிருக்கலாம் என்று சந்தேகிக்கப்படுகிறது. இருப்பினும் சரியான காரணம் குறித்து விசாரிக்கப்பட்டு வருகிறது. 40 பேர் வரை மீட்கப்பட்டு மருத்துவமனைகளில் சேர்க்கப்பட்டுள்ளனர். எஞ்சியவர்களை மீட்கும் பணி முடுக்கிவிடப்பட்டுள்ளதாக தெரிவித்தார்.



Source link

Share on Social Media

Leave a Reply

Your email address will not be published. Required fields are marked *