Share on Social Media


ஃபைசர் நிறுவனம் தயாரித்துள்ள கோவிட்-19 தடுப்பூசியை பொதுமக்கள் பயன்பாட்டுக்கு கொண்டுவர இங்கிலாந்து அண்மையில் அனுமதி அளித்திருந்தது. இதைத்தொடர்ந்து, நேற்று முதல் இங்கிலாந்தில் பொதுமக்களுக்கு தடுப்பூசி போடும் பணி தொடங்கியுள்ளது.

முதற்கட்டமாக வயது முதிர்ந்தோருக்கும், தீவிர நோய்களால் அவதிப்படுவோருக்கும் தடுப்பூசி போடப்பட்டு வருகிறது. இந்நிலையில், அலர்ஜியால் பாதிக்கப்படுவோர் ஃபைசர் தடுப்பூசியை தவிர்க்க வேண்டுமென இங்கிலாந்து அரசு எச்சரிக்கை விடுத்துள்ளது.

கோவிட்-19 தடுப்பூசிக்கு ஹலால் சான்றிதழ்

தடுப்பூசி போடப்பட்ட இருவருக்கு அலர்ஜி ஏற்பட்டுள்ளது கண்டறியப்பட்டதை தொடர்ந்து, இங்கிலாந்து மருந்துகள் மற்றும் சுகாதார பொருட்கள் ஒழுங்குமுறை முகமை விடுத்துள்ள எச்சரிக்கையில், அலர்ஜியால் பாதிக்கப்பட வாய்ப்பிருப்போர் ஃபைசர் தடுப்பூசியை தவிர்க்க வேண்டுமென தெரிவித்துள்ளது.

அலர்ஜியால் பாதிக்கப்பட்ட இருவரும் சுகாதார ஊழியர்கள் என்பது குறிப்பிடத்தக்கது. இதையடுத்து, தடுப்பூசி போடும் அனைத்து முகாம்களுக்கும் எச்சரிக்கை விடுக்கப்பட்டுள்ளது. அலர்ஜியால் பாதிக்கப்பட வாய்ப்பிருப்போருக்கு தடுப்பூசி போட வேண்டாம் என அறிவுறுத்தப்பட்டுள்ளது.

அதிகம் கூகுள் செய்யப்பட்ட திரைப்படங்களில் ‘சூரரைப் போற்று’ சாதனை

தடுப்பூசியால் அலர்ஜி ஏற்பட்ட இரு சுகாதார ஊழியர்களுக்கும் உரிய சிகிச்சை அளிக்கப்பட்டு குணமடைந்துள்ளனர். அவர்கள் இருவருக்கும் ஏற்கெனவே அலர்ஜி பிரச்சினை இருந்துள்ளது. இதன் விளைவாக தோலில் சொறி, மூச்சு விடுவதில் சிரமம், சில சமயம் ரத்த அழுத்தம் குறைதல் ஆகியவை ஏற்படும் என்று கூறப்படுகிறது.



Source link

Share on Social Media

Leave a Reply

Your email address will not be published. Required fields are marked *