Share on Social Media


நமது உடல் ஆரோக்கியம் என்பது நாம் உண்ணும் உணவில் துவங்கி பல்வேறு நடவடிக்கைகளை அடிப்படையாகக் கொண்டது. ஆனால் அன்றாடம் நாம் மேற்கொள்ளும் தனிப்பட்ட நடவடிக்கைகளைப் பொறுத்து நமது உடல் ஆரோக்கியத்தில் மாற்றம் ஏற்படுகிறது. நமது உடல் சுகாதாரமானது உடல் ஆரோக்கியத்தில் மாற்றத்தை ஏற்படுத்தும் முக்கிய காரணிகளாக உள்ளன. அன்றாடம் நாம் பல் துலக்குவதில் துவங்கி குளிப்பது வரை பல விஷயங்கள் இந்த சுகாதாரத்தில் அடங்கும். இப்போது அப்படியான சில முக்கியமான உடல் சுகாதார விஷயங்களை பார்க்கலாம்.

​விரல் நகங்களில் உள்ள கிருமிகள்

சிலருக்கு தங்கள் நகங்களை கடிக்கும் பழக்கம் உள்ளது. இது ஒரு மோசமான பழக்கமாகும். பல ஆய்வுகளின்படி விரல் நகங்களுக்கு கீழே ஈரமான நிலையில் இருப்பதால் அங்கு அதிகமாகக் கிருமி வளர்கின்றன.

நகத்தை கடிக்கும்போது அவை வாய்வழியே உள்ளே சென்று உங்கள் உடல் ஆரோக்கியத்தில் பிரச்சனைகளை ஏற்படுத்தலாம்.

எனவே நகம் கடிக்கும் பழக்கம் உள்ளவர்கள் அதை நிறுத்துவது நல்லது. மேலும் நகங்களை நீளமாக வளர்ப்பதும் சுகாதார பிரச்சனைகளை ஏற்படுத்துகின்றன.

​படுக்கையில் உள்ள கிருமிகள்

samayam tamil Tamil News Spot

அதிகமான மக்கள் தங்கள் தலையணை உறைகள் மாற்றுவதே இல்லை. இதனால் நீங்கள் பூச்சிகள் நிறைந்த படுக்கையறையில் படுத்திருக்க வாய்ப்புள்ளது.

அவை நம்முடைய கண்களுக்கு தெரியாதவை. இந்த பூச்சிகள் நமது உடல் ஆரோக்கியத்தில் பிரச்சனைகளை ஏற்படுத்துகின்றன. இதனால் ஆஸ்துமா, தும்மல், இருமல் போன்ற மூச்சு தொடர்பான பிரச்சனைகள் ஏற்பட வாய்ப்புண்டு.

வாரத்திற்கு ஒருமுறை தலையணை உறைகளை துவைப்பதும் மாற்றுவதும் அவசியம்.

beet benefits: பீட்ரூட் அதிகமாக சாப்பிட்டால் உடலில் என்னென்ன மாற்றங்கள் நடக்கும்…

​ஹெட்போன்கள்

samayam tamil Tamil News Spot

ஹெட்போனை பயன்படுத்தி போனில் பேசுகிறோம்; பாடல் கேட்கிறோம். அதிகமாகப் பயன்படுத்துவதால் அவை அழுக்காகின்றன. அதனால் பாக்டீரியாக்கள் அதிகமாக உருவாகின்றன.

ஹெட்போனை சுத்தம் செய்வது அவசியமாகும். ஹெட்போனில் சிறிய எலக்ட்ரானிக் பாகங்கள் இருப்பதால் அவற்றை சேதப்படுத்தாமல் ஹெட்போனை சுத்தம் செய்வது கடினமாகும். எனவே அவற்றை சேதப்படுத்தாமல் சுத்தம் செய்யக் கிருமி நாசினி போன்றவற்றை பயன்படுத்தலாம்.

நீண்ட நாட்களாக ஒரே ஹெட்போனைப் பயன்படுத்தாமல் குறிப்பிட்ட கால இடைவெளியில் அவற்றை மாற்றுவது நல்லது.

​வாய் ஆரோக்கியம்

samayam tamil Tamil News Spot

வாய்ப்பகுதியை நன்கு சுத்தமாக வைத்திருந்தாலும்கூட சில சமயங்களில் வாயில் பாக்டீரியாக்கள் நிறைந்திருக்கும். குறிப்பாக தம்பதிகள் முத்தமிடும்போது பாக்டீரியாக்கள் அதிக அளவில் பரவுகின்றன.

ஒரு ஆய்வில் 10 வினாடிகள் முத்தமிடுவதன் மூலம் 80 மில்லியன் அளவில் பாக்டீரியாக்களை பரவ வாய்ப்பு இருப்பதாகக் கூறப்படுகிறது. ஆனால் இதனால் அதிகமாக நோய்வாய்ப்படுவதற்கான வாய்ப்பு இல்லை.

hair care tips: வறண்ட முடியை பளபளப்பாக மாற்ற வீட்டிலே இருக்கும் நேச்சுரல் ஹேர் கண்டிஷ்னர்கள் என்னென்ன…

​தாடி வளர்க்கலாம்

samayam tamil Tamil News Spot

ஆண்களில் பலருக்கு தாடி வளர்க்க பிடித்திருந்தாலும் கூட அதில் பாக்டீரியா உற்பத்தியாகும் என்பது நிறைய பேருக்குத் தெரிவதில்லை. தாடியை பராமரிப்பது மிக முக்கியம்.

இதில் ஒரு சுவாரஸ்யடான விஷயம் என்னவென்றால், ஒரு ஆய்வின்படி தாடி வளர்ப்பவர்களை விட அடிக்கடி ஷேவ் செய்யும் ஆண்களின் சருமத்தில் பாக்டீரியா தொற்று அதிகம் இருப்பதாகக் கண்டறியப்பட்டுள்ளது.

தாடி வளர்ப்பதில் இன்னொரு முக்கியமான நல்ல விஷயம் என்னவென்றால், அது புற ஊதா கதிர்களிலிருந்து சருமத்தைப் பாதுகாக்கிறது.

​காண்டாக்ட் லென்ஸ்கள்

samayam tamil Tamil News Spot

சிலர் கண்களுக்கு காண்டாக்ட் லென்ஸ்களைப் பயன்படுத்துவது உண்டு. காண்டாக்ட் லென்ஸ்களைக் கையாளும்போதும், அவற்றை சுத்தம் செய்யும்போதும் உங்களது கைகள் சுத்தமாக இருக்க வேண்டும்.

அப்போது உங்கள் கைகளைச் சுத்தமாகக் கழுவிக் கொள்வது நல்லது. இல்லையெனில் உங்கள் சருமத்திலிருந்து கண்களுக்கு பாக்டீரியா கடத்தப்படுவதற்கான வாய்ப்புள்ளது.

சர்க்கரை நோயாளிகள் தேங்காய், தேங்காய்ப்பால் சாப்பிடலாமா?

​மோதிரங்கள்

samayam tamil Tamil News Spot

சில பெண்கள் தாங்கள் அணியும் மோதிரத்தை எப்போதும் அகற்றுவதே இல்லை. ஆனால் உண்மையில் மோதிரத்தை அடிக்கடி கழுவி சுத்தம் செய்வது நல்லது.

பாக்டீரியா தொற்று குறித்து மேற்கொள்ளப்பட்ட ஓர் ஆய்வில் மோதிரங்களில் ஆபத்தான அளவில் பாக்டீரியாக்கள் இருப்பது தெரிய வந்தது.

மோதிரம் அணியும் இடமானது ஈரப்பதமாக இருப்பதால் அங்கு பாக்டீரியாக்கள் எளிதாக உருவாகுகின்றன.

​வீட்டில் காலணி அணிதல்

samayam tamil Tamil News Spot

சிலர் வீட்டிற்குள் செருப்பு அணிவதைப் பழக்கமாக கொண்டிருப்பார்கள். ஆனால் இந்த நடைமுறையானது உங்கள் ஆரோக்கியத்திற்கு தீங்கு விளைவிக்கலாம்.

ஒரு ஆய்வில் 4,21,000 பாக்டீரியாக்கள் காலணிகளின் வெளிப்புறத்தில் இருப்பதாக கண்டறியப்பட்டது. இவை குடல் தொற்றுநோய்களை ஏற்படுத்தக்கூடியவை. எனவே வீட்டிற்குள் காலணி அணிவதை தவிர்ப்பது நல்லது.

வைட்டமின் டி அதிகமுள்ள டாப் 10 உணவுகள் என்னென்ன…

​பர்ஸ்

samayam tamil Tamil News Spot

ஆண்கள், பெண்கள் இருவருமே ஒரே பர்ஸை நீண்ட நாட்களாக வைத்திருப்பார்கள். விலை அதிகம் கொடுத்து வாங்குவதாலேயே அதை தூக்கிப் போட மனசு வருவதில்லை.

ஆனால் அதிக நாட்கள் ஒரே பர்ஸை பயன்படுத்துவது ஆரோக்கிய பிரச்சனைகளை ஏற்படுத்தும் என ஒரு ஆய்வில் கண்டறியப்பட்டுள்ளது.

இவை பாக்டீரியாவை உற்பத்தி செய்கின்றன. எனவே அடிக்கடி பர்ஸை சுத்தம் செய்வதை பழக்கமாக்கி கொள்ளவும்.

​அழகு சாதனப் பொருட்கள்

samayam tamil Tamil News Spot

காலாவதியான அழகுசாதனப் பொருட்களைத் தவிர்ப்பது நல்லது. காலாவதியான அழகுசாதன பொருட்களைப் பயன்படுத்துவது கடுமையான அபாயத்தை ஏற்படுத்தக்கூடும்.

காலாவதியான லிப் ஸ்டிக் போன்ற ஐந்து அழகு சாதனப் பொருட்களை ஆய்வு செய்த போது, அவற்றின் வாயிலாக மூளைக்காய்ச்சல் மற்றும் இரைப்பை குடல் அழற்சி போன்ற கடுமையான நோய்களை ஏற்படுத்தும் பாக்டீரியாக்கள் அவற்றில் இருப்பது கண்டறியப்பட்டது.



Source link

Share on Social Media

Leave a Reply

Your email address will not be published. Required fields are marked *