Share on Social Media


ஹைலைட்ஸ்:

  • கண்காணிப்புக்கு உள்ளானவர்கள் குறித்த கூடுதல் விவரங்கள் வரும் நாட்களில் வெளியாகும்
  • மொபைலின் மைக்ரோபோன்களையும் பெகாசஸ் ஸ்பைவேர் மூலம் ரகசியமாக இயக்க முடியும்
  • சர்வதேச செய்தி நிறுவனங்களின் பணியாற்றும் பத்திரிகையாளர்களின் செல்போன்களும் ஒட்டுக் கேட்கப்பட்டுள்ளது

இஸ்ரேலைச் சேர்ந்த என்எஸ்ஓ எனும் நிறுவனத்தின் பெகாசஸ் என்ற ஸ்பைவேர் மூலம் உலகெங்கும் உள்ள பத்திரிகையாளர்கள், சமூக ஆர்வலர்கள், எதிர்க்கட்சியை சேர்ந்தவர்கள், வழக்கறிஞர்களின் செல்போன் தரவுகள் ஒட்டுக் கேட்கப்பட்டு அவர்களின் தகவல்கள் அரசிடம் விற்கப்பட்டுள்ளதாக செய்திகள் வெளியாகியுள்ளன. இஸ்ரேலிய நிறுவனத்தால் உலகெங்கிலும் கண்காணிப்புக்கு உட்பட்டதாகக் கருதப்படும் 50,000 தொலைபேசி எண்களின் பட்டியல் சகிந்துள்ளது.

இந்தியாவைச் சேர்ந்த 40 பத்திரிக்கையாளர்கள் உட்பட உலகெங்கும் உள்ள 200 பத்திரிகையாளர்கள், சமூக ஆர்வலர்கள், எதிர்க்கட்சியை சேர்ந்தவர்களின் தரவுகள் ஒட்டுக் கேட்கப்பட்டுள்ளது. இந்துஸ்தான் டைம்ஸ், இந்தியா டுடே, நெட்வர்க் 18, தி இந்து, இந்தியன் எக்ஸ்பிரஸ் போன்ற செய்தி நிறுவனங்களின் பணியாற்றும் முன்னணி பத்திரிகையாளர்கள் கண்காணிக்கப்பட்டுள்ளதாக தி வயர் செய்தி இணையதளம் தெரிவித்துள்ளது. ஏஃப்பி, சிஎன்என், தி நியூயார்க் டைம்ஸ், அல் ஜசீரா உள்ளிட்ட பல சர்வதேச செய்தி நிறுவனங்களின் பணியாற்றும் பத்திரிகையாளர்களின் செல்போன்களும் ஒட்டுக் கேட்கப்பட்டுள்ளது.

இந்தியாவில் 40 பத்திரிகையாளர்கள் தவிர, மூன்று எதிர்க்கட்சி தலைவர்கள், பிரதமர் மோடியின் அமைச்சரவையில் இடம்பெற்றுள்ள இரண்டு அமைச்சர்கள் மற்றும் பல தொழிலதிபர்களின் செல்போன் ஒட்டுக்கேட்கப்பட்டதாக தெரிவிக்கப்பட்டுள்ளது.

பிரான்ஸை சேர்ந்த ஊடக நிறுவனமான ஃபர்பிடன் ஸ்டோரிஸ் நிறுவனத்துடன் உலகம் முழுவதும் உள்ள பல்வேறு பத்திரிகைகள் இணைந்து இந்த தகவலை புலனாய்வு செய்து வெளியிட்டுள்ளது. பெகாசஸ் ஸ்பைவேர் மூலம், ஐபோன்கள், ஆண்ட்ராய்டு போன்களில் ஊடுருவி குறிப்பிட்ட நபர்களின் மெசேஜ்கள், இமெயில்கள், தொலைபேசி அழைப்புகள் ஒட்டுக் கேட்கப்பட்டுள்ளது. மேலும் தாக்குதலுக்கு உள்ளான மொபைலின் மைக்ரோபோன்களையும் பெகாசஸ் ஸ்பைவேர் மூலம் ரகசியமாக இயக்க முடியும்.

கொரோனா 3வது அலை ஆரம்பம்: உலக சுகாதார அமைப்பு எச்சரிக்கை

கண்காணிப்புக்கு உள்ளானவர்கள் குறித்த கூடுதல் விவரங்கள் வரும் நாட்களில் வெளியாகும் என்று எதிர்பார்க்கப்படும் நிலையில், இந்த விவகாரத்துக்கு பல்வேறு நாடுகளை சேர்ந்த மனித உரிமை ஆர்வலர்கள் உள்பட பலரும் கடும் கண்டனம் தெரிவித்துள்ளனர். அதேசமயம், பெகாசஸ் மென்பொருள் குழந்தைகளை பாலியல் தொழிலில் ஈடுபடுத்தும், போதைப் பொருள் கடத்தலில் ஈடுபடும் குற்றவாளிகள் உள்பட குற்ற செயல்களில் ஈடுபடுவோர் மற்றும் பயங்கரவாதிகளுக்கு எதிரான பயன்பாட்டிற்காக வடிவமைக்கப்பட்டுள்ளது என்றும் இந்தச் செய்தியில் உள்ள பொய்யான குற்றச்சாட்டுகளை நாங்கள் உறுதியாக மறுக்கிறோம் என்றும் என்எஸ்ஓ விளக்கமளித்துள்ளது.



Source link

Share on Social Media

Leave a Reply

Your email address will not be published. Required fields are marked *