Share on Social Media


சர்வதேச அளவில் பிரபலமான ட்விட்டர் நிறுவனத்தில் மிகப் பெரிய மாற்றம் நடைபெற்றுள்ளது.

இந்நிறுவனத்தின் தலைமை செயல் அதிகாரி (சிஇஓ) பதவியை ஜேக் டார்ஸி ராஜினாமா செய்துள்ளார். அவருக்குப் பதிலாக தொழில்நுட்ப தலைவராக பணியாற்றி வந்த பரக் அக்ரவால் சிஇஓவாக தேர்வு செய்யப்பட்டுள்ளார்.

பரக் அக்ரவால் (parag agrawal) மும்பை ஐஐடியில் பயின்றவர். பின்னர் ஸ்டாண்ட்ஃபோர்ட் பல்கலைக்கழகத்திலும் பயின்றார். தற்போது ட்விட்டர் நிறுவனத்தில் சிஇஓ பொறுப்பை ஏற்றுள்ளார். ட்விட்டர் நிறுவனமே இதனை அதிகாரபூர்வமாக அறிவித்துள்ளது.

பரக் அக்ரவால் தன் மீது நம்பிக்கை வைத்து வழங்கிய பொறுப்புக்காக ஜேக் டார்சிக்கு இதயம் கனிந்த நன்றியதைத் தெரிவித்துள்ளார்.
மற்றுமொறு நாட்டுக்கு பரவியது ஒமைக்ரான் வைரஸ்!
ஜேக் டார்ஸி தனது ட்விட்டர் பக்கத்தில், “இந்த விஷயம் யாருக்கும் தெரியுமா என்று தெரியவில்லை. நான் ட்விட்டரில் இருந்து ராஜினாமா செய்துவிட்டேன்” என்று தெரிவித்துள்ளார். அத்துடன் ஒரு நீண்ட கடிதத்தையும் இணைத்துள்ளார்.

டார்ஸி ட்விட்டர் நிறுவனத்தின் மீது சரிவர கவனம் செலுத்தவில்லை என்றும் மாறாக அவர் தான் நடத்தும் ஸ்கொயர் இன்க் நிறுவனத்தின் மீதே அதிக கவனம் செலுத்துவதாகவும் புகார் எழுந்தது குறிப்பிடத்தக்கது.
tamil samayam Tamil News Spotமீண்டும் ஊரடங்கு: புதிய வகை வைரஸ் தொற்றால் அரசு முடிவு!
இந்தியரான பரக் அக்ரவால் மும்பையில் உள்ள ஐஐடியில் பி.டெக் கணினி அறிவியல் பட்டம் பெற்றார். அத்துடன் ஸ்டான்போர்ட் பல்கலைக்கழகத்தில் கணினி அறிவியலில் முனைவர் பட்டம் பெற்றார். 2011ஆம் ஆண்டு அக்டோபரில் ட்விட்டரில் விளம்பரப் பொறியாளராகச் சேர்ந்தார். விரைவில் அந்நிறுவனத்தின் ‘சிறந்த மென்பொருள் பொறியாளர்’ என்ற இடத்தைப் பிடித்தார்.

ட்விட்டர் நிறுவனம் 2018ஆம் ஆண்டு அதன் தலைமை தொழில்நுட்ப அதிகாரியாக பரக் அக்ரவாலை நியமித்தது.

ட்விட்டர் நிறுவனத்தில் இணைவதற்கு முன்பு, அவர் ஏடி & டி, மைக்ரோசாஃப்ட் மற்றும் யாஹூ ஆகியவற்றில் ஆராய்ச்சி பயிற்சிகளை மேற்கொண்டார்.



Source link

Share on Social Media

Leave a Reply

Your email address will not be published. Required fields are marked *