Share on Social Media


ஹைலைட்ஸ்:

  • கொரோனா 4வது அலை காரணமாக விமானப் பயணக் கட்டுப்பாடுகள் அமல்
  • சி பிரிவு நாடுகளின் பட்டியலை மறுபரிசீலனை செய்த பாகிஸ்தான்
  • இந்தியா உள்ளிட்ட 11 நாடுகளில் இருந்து வரும் விமானப் பயணிகளுக்கு அனுமதி

பாகிஸ்தான் நாட்டில் கடந்த ஆண்டு மார்ச் மாதத்தில் இருந்து கொரோனா வைரஸ் பாதிப்புகள் பதிவாகி வருகின்றன. முதல்முறை 2020 ஜூனில் தினசரி தொற்று உச்சம் தொட்டது. அதன்பிறகு டிசம்பர் மற்றும் நடப்பாண்டின் ஏப்ரல் ஆகிய மாதங்களில் உச்சம் தொட்டது. இதையடுத்து சரியத் தொடங்கிய கொரோனா பாதிப்புகள், ஜூலை மாதத் தொடக்கத்தில் இருந்து வேகமாக அதிகரித்து வருகின்றன.

கொரோனா 4வது அலை

இதன்மூலம் கொரோனா நான்காவது அலையை பாகிஸ்தான் எதிர்கொண்டு வருவதாக புள்ளிவிவரங்கள் தெரிவிக்கின்றன. இந்நிலையில் கொரோனா பரவலை தடுக்கும் நடவடிக்கையாக கடந்த ஜூன் மாதம் இந்தியா உட்பட 26 நாடுகளில் இருந்து வரும் பயணிகளுக்கு பாகிஸ்தான் நேஷனல் கமாண்ட் மற்றும் ஆபரேஷன் சென்டர் தடை விதித்தது.
மர்ம நபர் துப்பாக்கிச் சூடு: 3 வயது பெண் குழந்தை உட்பட 6 பேர் பலி!
உள்நாட்டு பயணக் கட்டுப்பாடுகள்

மேலும் உள்நாட்டு விமானப் போக்குவரத்து கட்டுப்பாடுகளையும் அமல்படுத்தியது. அதன்படி, தடுப்பூசி போடாத மக்கள் உள்நாட்டு விமானங்களில் பயணிக்க அனுமதி இல்லை என்று அறிவிக்கப்பட்டது. இந்நிலையில் பாகிஸ்தான் நாட்டின் சிவில் விமானப் போக்குவரத்துத் துறை ஆணையம் தங்களது சர்வதேச விமானப் பயணத் தடை பட்டியலை நேற்று மறுபரிசீலனை செய்தது.

பஸ் டிக்கெட் இலவசமா தரவேண்டாம் | இது மக்கள் கருத்து

இந்தியர்களுக்கு அனுமதி

அதன்படி, இந்தியா, அர்ஜென்டினா, பூடான், மாலத்தீவுகள், பிரேசில் உள்ளிட்ட 11 நாடுகளில் இருந்து வரும் பயணிகள் அனுமதிக்கப்படுவர். ஆனால் வங்கதேசம், ஈரான், ஈராக், தென் ஆப்பிரிக்கா, நேபாளம் உள்ளிட்ட 11 நாடுகளில் இருந்து வரும் பயணிகளுக்கு அனுமதியில்லை. இவை இன்னும் ’சி’ பிரிவு பட்டியலில் தான் வைக்கப்பட்டுள்ளன.
tamil samayam Tamil News Spotதலிபான்களுக்கு அதிகாரப் பகிர்வு வழங்க முடிவு!
அதேசமயம் ’சி’ பிரிவு நாடுகளில் இருந்து வரும் பாகிஸ்தானை சேர்ந்த குடிமக்கள் அனுமதிக்கப்படுவர். அவர்கள் கட்டாய கொரோனா பரிசோதனை மற்றும் தனிமைப்படுத்துதல் அவசியம் என்று தெரிவிக்கப்பட்டது. இந்த அறிவிப்பு பாகிஸ்தான் செல்லும் வெளிநாட்டு பயணிகளுக்கு மகிழ்ச்சியை ஏற்படுத்தியுள்ளது.



Source link

Share on Social Media

Leave a Reply

Your email address will not be published. Required fields are marked *