Share on Social Media


ஹைலைட்ஸ்:

  • பாகிஸ்தானில் இரட்டை ரயில் விபத்து
  • 62 பேர் உயிரிழந்துவிட்டதாக தகவல்

பாகிஸ்தானில் சிந்த் மாகாணத்தில் இரு ரயில்கள் மோதிக்கொண்ட இரட்டை விபத்து சர்வதேச அளவில் அதிர்ச்சியை ஏற்படுத்தியுள்ளது. இவ்விபத்தில் உயிரிழந்தோர் எண்ணிக்கை 62ஆக உயர்ந்துள்ளது என தகவல்கள் வெளியாகியுள்ளன.

இந்த் மாகாணத்தில் உள்ள ரெதி, தஹார்கி ரயில் நிலையங்களுக்கு இடையே மில்லத் எக்ஸ்பிரஸ் ரயில் தடம் புரண்டது. இப்படி தடம் புரண்டு கிடந்த ரயில் மீது சையது எக்ஸ்பிரஸ் ரயில் மோதியதில் பெரும் விபத்து ஏற்பட்டுள்ளது.

இவ்விபத்தில் குறைந்தது 62 பேராவது உயிரிழந்திருப்பதாகவும், 100க்கும் மேற்பட்டோர் படுகாயமடைந்துள்ளதாகவும் தகவல் வெளியாகியுள்ளது. மீட்பு பணிகள் நிறைவடைந்து இருப்புப் பாதை சீர்செய்யப்பட்டுள்ளதாக ரயில்வே மண்டல கண்காணிப்பாளர் சுகுர் தாரிக் தெரிவித்துள்ளார்.

காந்தியின் கொள்ளுப்பேத்திக்கு சிறைத்தண்டனை!
ரயில் சேவையை மீண்டும் துவங்கும்படி உத்தரவு வந்துள்ளதாகவும் அவர் தெரிவித்துள்ளார். விபத்து குறித்து விசாரணை நடத்தப்படும் என ரயில்வே துறை அமைச்சர் அசாம் ஸ்வாதி தெரிவித்துள்ளார்.

அவர் ராஜினாமா செய்ய வேண்டுமென எழுந்துள்ள குரல்கள் குறித்து, தான் ராஜினாமா செய்தால் இறந்தவர்கள் உயிரோடு மீண்டும் வருவார்கள் என்றால் நிச்சயம் ராஜினாமா செய்ய தயார் என்று அவர் தெரிவித்துள்ளார். விபத்திக்கு யார் பொறுப்பு என கண்டறிய வேண்டுமென அவர் கூறினார்.



Source link

Share on Social Media

Leave a Reply

Your email address will not be published. Required fields are marked *