Share on Social Media


ஹைலைட்ஸ்:

  • பெண்ணை நிர்வாணப்படுத்தி நடனம் ஆட வைத்த பெண் போலீஸ் இன்ஸ்பெக்டர்
  • பணியிலிருந்து டிஸ்மிஸ்!

பாகிஸ்தான் நாட்டில், காவல் நிலையத்துக்கு விசாரணைக்காக அழைத்து வந்த பெண் ஒருவரை, பெண் போலீஸ் இன்ஸ்பெக்டர் ஒருவர் மிரட்டி, அவரின் ஆடைகளை களைந்து நிர்வாணமாக்கி அங்கிருந்தவர்கள் முன்னிலையில் நிர்வாண நடனமாட வைத்த சம்பவம் அதிர்ச்சியை ஏற்படுத்தி உள்ளது.

அண்டை நாடான பாகிஸ்தானின், பலுசிஸ்தான் மாகாணத்தின் தென்மேற்கு பகுதியில் அமைந்துள்ள குவெட்டா நகரில், ஜின்னா டவுன் காவல் நிலைய சரகத்தில் உள்ள குடியிருப்பு வளாகம் ஒன்றில் குழந்தை ஒன்று கொலை செய்யப்பட்டது. இந்த விவகாரம் குறித்து விசாரிப்பதற்காக பெண் ஒருவரை பெண் போலீஸ் இன்ஸ்பெக்டர் ஷபானா இர்ஷத் தலைமையிலான பெண் போலீசார் காவல் நிலையத்துக்கு அழைத்து வந்தனர்.

விசாரணை என்ற பெயரில், இன்ஸ்பெக்டர் ஷபானா இர்ஷத் மற்றும் போலீசார் அந்த பெண்ணை மிரட்டி அவரின் ஆடைகளை களைந்து நிர்வாணமாக்கியதுடன், பாடல் ஒன்றை ஒலிக்கச் செய்து, அங்கிருந்தவர்கள் முன்னிலையில் நிர்வாணமாக நடனமாட வைத்திருக்கின்றனர். இதை அவர்கள் வீடியோவாகவும் எடுத்துள்ளனர்.
இந்தியர்களுக்கு செம ஹேப்பி நியூஸ் – பைடன் அரசு சூப்பர் அறிவிப்பு!
இது குறித்து போலீஸ் துணை ஐ.ஜி., முகமது அசாருக்கு புகார் சென்றதையடுத்து சிறப்பு அதிகாரி மூலம் விசாரிக்கப்பட்டது. விசாரணையில், பெண் போலீஸ் இன்ஸ்பெக்டர் ஷபானா இர்ஷத், விசாரணைக்காக அழைத்து வரப்பட்ட பெண்ணை நிர்வாணமாக்கி நடனமாட வைத்தது உறுதி செய்யப்பட்டது.

இதை அடுத்து இன்ஸ்பெக்டர் ஷபானா இர்ஷத்தை உடனடியாக பணிநீக்கம் செய்த காவல் துறை, அவரை பணியில் இருந்து நிரந்தரமாக கட்டாய ஓய்வு பெற வைத்தது. இன்ஸ்பெக்டர் ஷபானா இர்ஷத்துக்கு உடந்தையாக இருந்த புஷ்ரா அப்சல், ஹூமா பைசல், உஸ்மா நஸ்ரின், பாரா கலீல் மற்றும் சமீனா மன்சூர் ஆகிய 5 பெண் போலீசார் பணியில் இருந்து நீக்கப்பட்டனர்.



Source link

Share on Social Media

Leave a Reply

Your email address will not be published. Required fields are marked *