Share on Social Media


ஹைலைட்ஸ்:

  • இந்துக்களுக்கு சம உரிமை உண்டு
  • பாகிஸ்தான் தலைமை நீதிபதி பேச்சு

பாகிஸ்தானில் உள்ள கைபர் பக்துங்வா பகுதியில் இருக்கும் தேரி கிராமத்தில் ஒரு நூற்றாண்டு பழைமை வாய்ந்த ஸ்ரீ பரம ஹன்ஸ் மகாராஜ் கோயில் உள்ளது. இக்கோயில் கடந்த ஆண்டு டிசம்பர் மாதம் அரசியல் நோக்கம் கொண்ட அடிப்படைவாத கும்பலால் சூறையாடப்பட்டது.

ஜாமியாத் உலெமா – இ -இஸ்லாம் என்ற அமைப்பைச் சேர்ந்தவர்களின் முன்னிலையில் சில கும்பல்கள் இந்த பழைமை வாய்ந்த கோயிலை தாக்கி சூறையாடினர். இதற்கு சர்வதேச அளவில் கண்டனங்கள் எழுந்தன. இதுகுறித்து பாகிஸ்தான் உச்ச நீதிமன்றத்தில் வழக்கும் தொடரப்பட்டது.

இவ்வழக்கு விசாரணையின்போது, கோயிலை மீண்டும் கட்டமைக்கும்படி தலைமை நீதிபதி குல்சார் அகமது உத்தரவிட்டார். கடந்த சில மாதங்களாக கோயில் மறுகட்டமைப்புப் பணிகள் நடைபெற்றன. இந்நிலையில், நேற்று இக்கோயில் மீண்டும் பக்தர்களுக்கு திறந்துவிடப்பட்டுள்ளது.

போட்டது தடுப்பூசி தான் – ஒரே இரவில் பெண் கோடீஸ்வரி ஆனது எப்படி?
இந்தக் கோயிலை பாகிஸ்தான் உச்ச நீதிமன்ற தலைமை நீதிபதி குல்சார் அகமது திறந்துவைத்தார். இதற்காக நேற்று அக்கோயிலில் மிகப்பெரிய அளவில் விழாவும் நடத்தப்பட்டது. மேலும், திங்களன்று கோயிலில் தீபாவளி பண்டிகையும் கொண்டாடப்பட்டது.

இந்நிகழ்வில் பேசிய உச்ச நீதிமன்ற தலைமை நீதிபதி குல்சார் அகமது, “சிறுபான்மையினரின் உரிமைகளை பாதுகாப்பதற்கு பாகிஸ்தான் உச்ச நீதிமன்றம் எப்போதுமே நடவடிக்கை எடுத்துள்ளது. எதிர்காலத்திலும் சிறுபான்மையினர் உரிமைகளை பாதுகாப்போம்.

பாகிஸ்தான் அரசியலமைப்புச் சட்டத்தின்படி நாட்டில் மற்ற மதங்களைக் கடைப்பிடிப்போருக்கும் இருக்கும் எல்லா உரிமைகளும் இந்துக்களுக்கும் உண்டு” என்று பேசினார். இந்நிகழ்வில் தலைமை நீதிபதிக்கு டிஜிட்டல் குரானும், டர்பனும் பரிசாக அளிக்கப்பட்டது.



Source link

Share on Social Media

Leave a Reply

Your email address will not be published. Required fields are marked *