Share on Social Media


ஹைலைட்ஸ்:

  • பாலியல் குற்றவாளிகளுக்கு ரசாயன கருத்தடை
  • புதிய சட்டத்துக்கு குடியரசுத் தலைவர் ஒப்புதல்

தொடர் பாலியல் வல்லுறவு செயல்களில் ஈடுபடும் குற்றவாளிகளுக்கு ரசாயனம் வாயிலாக கருத்தடை செய்து தண்டனை வழங்கும் சட்டம் பாகிஸ்தான் நாடாளுமன்றத்தில் நிறைவேற்றப்பட்டுள்ளது.

பாகிஸ்தானில் அண்மைக்காலமாக பெண்கள் மற்றும் குழந்தைகள் மீதான பாலியல் வன்கொடுமைகள் தொடர்ந்து அதிகரித்து வருகின்றன. இதைக் கட்டுப்படுத்துவதற்கு கடுமையான தண்டனைகள் வழங்கப்பட வேண்டுமென பொதுமக்களிடையே குரல் வலுப்பெற்றது.

இதையடுத்து, தொடர்ந்து பாலியல் வல்லுறவில் ஈடுபடும் குற்றவாளிகளுக்கு ரசாயனம் மூலம் கருத்தடை செய்யும் தண்டனை வழங்க புதிய சட்டம் தயாரானது. இச்சட்டத்தில், பாலியல் குற்றச்சாட்டு வழக்குகளை விரைந்து விசாரிக்க சிறப்பு நீதிமன்றங்கள் அமைக்கவும் வழிவகை செய்யப்பட்டுள்ளது.

கம்முனு உக்காருங்க.. பிரதமரையே அடக்கிய அவைத் தலைவர்!
இச்சட்டத்துக்கு ஒரு ஆண்டுக்கு முன்பே பாகிஸ்தான் அமைச்சரவை ஒப்புதல் அளித்தது. இந்நிலையில், இச்சட்டத்துக்கு பாகிஸ்தான் குடியரசுத் தலைவர் ஆரிஃப் அல்வி ஒப்புதல் அளித்துள்ளார். இதன்படி, இனி தொடர் பாலியல் குற்றச்செயல்களில் ஈடுபடுவோருக்கு ரசாயனம் மூலம் கருத்தடை செய்யப்படும்.

எனினும், இச்சட்டத்துக்கு சிலர் எதிர்ப்பும் தெரிவித்துள்ளனர். இந்த சட்டம் இஸ்லாமிய மதத்திற்கும், ஷரியா சட்டத்திற்கும் எதிரானது என நாடாளுமன்ற உறுப்பினர் முஷ்தாக் அகமது தெரிவித்துள்ளார். பாலியல் குற்றவாளிகளை பொதுவெளியில் தூக்கிலிடுவதே சரியான தண்டனை என்று அவர் தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *