Share on Social Media


ஹைலைட்ஸ்:

  • தடுப்பூசி போட்டுக்கொள்ள கட்டுப்பாடுகளை தளர்த்த வேண்டும்
  • மத்திய சுகாதார அமைச்சருக்கு திமுக எம்.பி வில்சன் கடிதம்

கொரோனாவுக்கு எதிரான போராட்டத்தில் மக்கள் தடுப்பூசி போட்டுக்கொள்ள வேண்டுமென அறிவுறுத்தப்படுகிறது. இந்தியாவில் தற்போது கோவாக்சின், கோவிஷீல்டு ஆகிய தடுப்பூசிகள் போடப்பட்டு வருகின்றன. 45 வயதுக்கு மேற்பட்டோர் தடுப்பூசி போட ஆதார் கார்டு கட்டாயம். 45 வயதுக்கு கீழானவர்கள் கோவின் ஆப்பில் பதிவு செய்ய வேண்டியது கட்டாயம்.

இந்நிலையில், ஆதார் கார்டு இல்லாதவர்களும், ஸ்மார்ட்போன் வசதிகள் இல்லாதவர்களும் தடுப்பூசி போடும் வகையில் மேற்கூறிய கட்டுப்பாடுகளை தளர்த்த வேண்டுமென மத்திய அரசிடம் திமுக ராஜ்ய சபா எம்.பி வில்சன் வலியுறுத்தியுள்ளார்.

இதுகுறித்து மத்திய சுகாதாரத் துறை அமைச்சர் ஹர்ஷ் வர்தனுக்கு வில்சன் அனுப்பியுள்ள கடிதத்தில், “தடுப்பூசி .போட வருவோரிடம் கேட்கப்படும் ஆதார் கார்டு, கோவின் பதிவு ஆகியவை சமூகத்தின் பல பிரிவினருக்கு தடையாக இருக்கின்றன.

சீனாவில் கிளம்பிய இன்னொரு ஆபத்து.. மறுபடியும் மொதல்ல இருந்தா!

கிராமங்களில் வசிப்போர், குறிப்பாக ஏழைகள், சேரிகளிலும், வீதிகளிலும் வசிப்போர், வீடற்றவர்கள், பிச்சை எடுப்போர் உள்பட ஸ்மார்ட்போன், இண்டர்நெட் வசதி இல்லாதவர்களால் தடுப்பூசி போட்டுக்கொள்ள பதிவு செய்துகொள்ள முடியாது.

இதனால் பணக்காரர்களுக்கு தடுப்பூசி கிடைப்பதும், ஏழைகளுக்கு கிடைக்காமல் போகும் நிலை உருவாகியுள்ளது. இது அரசியலமைப்பு சட்டத்தின் கோட்பாடுகளுக்கு எதிரானது. எனவே, தடுப்பூசி போட்டுக்கொள்வோருக்கு கோவின் பதிவு கட்டாயமில்லை என அரசு அறிவிக்க வேண்டும்.

ஆதார் கார்டை பொறுத்தவரை அரசு காப்பகங்களிலும், தனியார் காப்பகங்களிலும் வசிக்கும் ஆதரவற்றோரிடம் ஆதார் கார்டு இல்லை. மனநலம் பாதிக்கப்பட்டோரிடம் ஆதார் கார்டு இல்லை. இவர்களுக்கும் தடுப்பூசி போட வேண்டியது அவசியம். இவர்கள் அருகில் உள்ள காவல் நிலையத்திலோ, சம்பந்தப்பட்ட அதிகாரிகளிடமோ பதிவு செய்யப்பட வேண்டும்.

மேலும், ஆதார் அட்டை, அரசு அடையாள அட்டை இல்லாமல் புலம்பெயர் தொழிலாளர்கள் இருக்கின்றனர். எனவே, தடுப்பூசி போடுவதற்கு கோவின் பதிவு மற்றும் ஆதார்அட்டை தேவைகளை தளர்த்த வேண்டும். தடுப்பூசி பணக்காரர்களின் பாதுகாப்பாக மட்டுமே இருக்கக்கூடாது” என்று வலியுறுத்தியுள்ளார்.



Thanks for the source

Share on Social Media

Leave a Reply

Your email address will not be published. Required fields are marked *