Share on Social Media


காலை உணவு என்பது அன்றைய நாள் முழுவதுக்குமான ஆற்றலை உடலுக்குக் கொடுக்கக் கூடியது. அதனாலேயே புரதம் நிறைந்தஉணவுகளாக காலை நேரத்தில் எடுத்துக் கொள்ள வேண்டும் என்று ஊட்டச்சத்து நிபுணர்கள் பரிந்துரைக்கிறார்கள். அதேபோலத்தான் அனுஷ்கா ஷர்மா தன்னுடைய காலை நேர உணவில் மிகுந்த கவனம் செலுத்துகிறார். அப்படி அவர் என்ன மாதிரியான உணவை காலை நேரத்தில் எடுத்துக் கொள்கிறார். அவற்றில் என்னென்ன மாதிரியான ஊட்டச்சத்துக்கள் நிறைந்திருக்கின்றன. எப்போது, எநத அளவு சாப்பிட வேண்டும் போன்ற விவரங்களைத் தன்னுடைய இன்ஸ்டா பக்கத்தில் விளக்கம் அளித்திருக்கிறார். அது குறித்து இங்கே விளக்கமாகப் பார்க்கலாம்.

​அனுஷ்கா ஷர்மாவின் காலை உணவு

அனுஷ்கா சர்மா அவர்கள் தன்னுடைய இன்ஸ்டாகிராம் ஸ்டோரியில் வெளியிட்டுள்ள வீடியோவில் தன்னுடைய காலை உணவு என்று ஜாரினை காட்டுகிறார். அந்த பிரேக் ஃபாஸ்ட்டில் பழங்கள், பால், சியா விதைகள், நட்ஸ், உலர் பழங்கள் மற்றும் ஓட்ஸ் ஆகியவை அடங்கி இருக்கின்றன.

​வீட்டு உணவு

samayam tamil Tamil News Spot

அனுஷ்கா சர்மா எப்போதும் தன்னுடைய உணவிலும் ஆரோக்கியத்திலும் மிகுந்த கவனத்துடன் இருக்கக்கூடியவர். அதிலும் ஊட்டச்சத்து நிபுணர்களின் பரிந்துரைப்படி, பெரும்பாலான சமயங்களில் வீட்டு உணவையே சாப்பிடுவாராம்.

அவருடைய பல்வேறு நேர்காணல்களில் அவர் உணவின் மீதும் டயட்டின் மீதும் அதிக கவனம் தான் செலுத்துவதாக குறிப்பிட்டிருக்கிறார். சூட்டிங் சமயங்களில் கூட வீட்டு உணவையே நாடுகிறார். வீட்டு உணவு சாப்பிட முடியாத சமயங்களில் சாலட், ஜூஸ், இளநீர், நட்ஸ் போன்றவற்றை அதிகமாக எடுத்துக் கொள்வாராம்.

ஏனெனில் வீட்டில் தயாரிக்கப்படும் உணவுகளில் தான் புரோட்டீன் கார்போஹைட்ரேட் போன்ற முக்கியமான ஊட்டச்சத்து பொருட்கள் உடலுக்கு சேரும் என்பது நிபுணர்களின் கருத்து. எனவேதான் அனுஷ்கா சர்மா தனது உடல் நலனை பாதுகாப்பதில் வீட்டிலேயே தயாரிக்கப்படும் உணவு பொருட்களை உண்பது மிக முக்கியமான ஒன்றாகக் கருதுகிறார்.

beet benefits: பீட்ரூட் அதிகமாக சாப்பிட்டால் உடலில் என்னென்ன மாற்றங்கள் நடக்கும்…

​காலை உணவை ஏன் கட்டாயம்

samayam tamil Tamil News Spot

நம்முடைய உடலில் இரத்தத்தில் இருக்கக்கூடிய சர்க்கரையின் அளவை கட்டுப்படுத்துவதில் காலை உணவு மிக முக்கியப் பங்காற்றுகிறது. நீங்கள் தினமும் காலை உணவினை தவறாமல் சாப்பிட்டு வந்தாலே உடலில் பல்வேறு பிரச்சனைகள் ஏற்படுவதற்கு வாய்ப்புகள் மிகக் குறைவு.

ஏனெனில் இரவில் அதிக ஓய்வு நேரத்திற்குப்பின் காலை நேரத்தில் கட்டாயம் உடலுக்கு உணவு தேவைப்படுகிறது. அன்றைய நாளின் செயல்களைச் செய்வதற்கான ஆற்றல் இந்த காலை உணவின் மூலமாகவே நமக்குக் கிடைக்கிறது.

dates benefits: எடையை குறைக்க நினைப்பவர்கள் பேரிச்சம்பழம் சாப்பிடலாமா? எந்த அளவு சாப்பிடலாம்?

​அனுஷ்காவின் சத்தான காலை உணவு

samayam tamil Tamil News Spot

அனுஷ்கா சர்மா இன்ஸ்டாகிராம் ஸ்டோரியில், நிறைய ஊட்டச்சத்துக்கள் அடங்கிய தன்னுடைய காலை உணவை மிக எளிமையாக எப்படி தயாரிக்க வேண்டும் என்பது குறித்து விளக்கியிருக்கிறார்.

தேவையான பொருட்கள்

  • ஓட்ஸ் – அரை கப்
  • சியா விதைகள் – இரண்டு டீஸ்பூன்
  • பாதாம் பால் ஒரு கப்
  • மப்பிள் சிரப் (அ) தேன் – 2 டீஸ்பூன்
  • வெண்ணிலா எசன்ஸ் – ஒரு டீஸ்பூன்
  • உப்பு – ஒரு சிட்டிகை

தயாரிக்கும் முறை

ஓட்ஸ் மற்றும் அதனுடன் மற்ற பொருட்களையும் சேர்த்து ஒரு ஜாரில் போட்டு நன்கு மிக்ஸ் செய்து கொள்ள வேண்டும். அந்த ஜாரினை நன்றாக மூடி குலுக்க வேண்டும். பின் அவற்றினை இரண்டு மணி நேரத்திற்கு ஃப்ரிட்ஜில் வைக்க வேண்டும். அதில் சேர்க்கப்படும் சியா விதைகள் பாதாம பாலில் ஊறி, புட்டிங் போல மாறியிருக்கும். அதை அப்படியே எடுத்து சாப்பிடலாம். இன்னும் கூடுதலாக பாதாம் பால் தேவைப்பட்டாலும் சேர்த்துக் கொள்ளலாம். சிலருக்கு ஓவர் நைட் ஓட்ஸ் பிடிக்கும். அவர்கள் 2 மணி நேரத்திற்கு பதிலாக இரவு முழுக்க பிரிட்ஜில் வைத்துப் பின் காலையில் நன்கு ஊறிய பின் சாப்பிடலாம்.

இதற்கு பாதாம் பால் தான் சேர்க்க வேண்டும் என்ற கட்டாயம் இல்லை. அதற்கு பதிலாக பசும்பால், தயிர், யோகர்ட் என உங்களுக்குப் பிடித்தவற்றைச் சேர்த்துக் கொள்ளலாம்.

weight loss diet: ஆலியா பட் இந்த சிறுதானியத்தை அதிகமாக சாப்பிட்டுதான் உடல் எடையை குறைத்திருக்கிறார்

​ஆரோக்கிய நன்மைகள்

samayam tamil Tamil News Spot

காலை நேரத்தில் ஓட்ஸ் எடுத்துக் கொள்வது மிகுந்த பலன் அளிக்கும். உடலில் நார்ச்சத்து அதிகப்படுத்துவதற்கு மற்றும் இரத்த வெள்ளை அணுக்களின் உற்பத்தியை அதிகரிப்பதற்கு ஓட்ஸ் பெரிதும் பயன்படும்.

பாதாம் பால் உடலின் கலோரி அதிகரிப்பதை கட்டுப்படுத்தும் மற்றும் இதய நோய் வருவதினை குறைக்கும்.

விட்டமின் டி இதில் அதிகம் காணக் கிடைக்கிறது. சியா விதையில் இருக்கக்கூடிய அதிகளவிலான பைபர் ஊட்டச்சத்தின் காரணமாக உடல் ஆரோக்கியம் அடைகிறது.

ரத்த அழுத்தம் மற்றும் இதய நோய் ஏற்படாமல் தடுப்பதற்கு இவை பெரிதும் பயன்படுகிறது. மேப்பிள் சிரப் என்பது உடலில் மாங்கனீசு சத்து அதிகப்படுத்துவதில் கவனம் செலுத்துகிறது.

இந்த எனர்ஜி நிறைந்த பொருட்களைக் கொண்டு நீங்கள் உங்கள் காலை உணவினைத் தயாரித்து சாப்பிடுவதால், அது உடலுக்கு அதிக அளவிலான ஆற்றலை வழங்குகிறது.



Source link

Share on Social Media

Leave a Reply

Your email address will not be published. Required fields are marked *