1607542147 pic Tamil News Spot
Share on Social Media


இரவு நேரம் உடலுக்கும் ஓய்வு கிடைக்கும் நேரம் சருமமும் இயல்பாகவே தன்னை சுத்திகரிக்க செய்து கொள்ளும் நேரமும் கூட. இந்த நேரத்தில் சரும சுத்தம் செய்யும் பராமரிப்புகள் நன்றாகவே வேலை செய்யும். அதற்காக டோனிங், க்ளென்சிங் என்று இல்லாமல் முகத்துக்கு ஃபேஸ் பேக் போடுவதன் மூலம் சிறப்பாக சருமத்தை பராமரிக்க முடியும். உங்கள் இளமையை தக்க வைத்துகொள்ள, முகத்தை சுத்தம் செய்ய, முகத்துக்கு ஈரப்பதம் அளிக்க, முகத்தை மென்மையாக வைத்திருக்க என பல ஃபேஸ் பேக் உண்டு. இவை எல்லாமே ஒரே இரவில் சருமத்துக்கு மாயாஜாலம் செய்ய கூடியவையே. அப்படியான சூப்பர் டூப்பர் ஃபேஸ் மாஸ்க் குறித்து பார்க்கலாம்.

​ஓட்ஸ் மற்றும் தேன்

samayam tamil Tamil News Spot

ஓட்ஸ் சாப்போனிஸ் என்னும் சேர்மம் உண்டு இது இயற்கை சுத்திகரிப்பு போல் சருமத்தில் செயல்படுகிறது. சருமத்தில் இருக்கும் அதிகப்படியான எண்ணெயை உறிஞ்சு எடுப்பதால் முகப்பருக்கள் தடுக்கப்படுகிறது. அல்லது குறைக்கப்படுகிறது. இது வறண்ட சருமத்திற்கும் உதவும் வகையில் அழற்சி எதிர்ப்பு பண்புகளை கொண்டுள்ளது. சருமத்தில் இருக்கும் இறந்த செல்களும் வெளியேற்றப்படுகிறது.

கை, காலில் அதிகமா முடி இருக்கா ? வீட்ல இருக்கிற இந்த பொருளை யூஸ் பண்ணுங்க, முடி வளராது!

தேன் கூட அப்படிதான் சிறந்த மாய்சுரைசர் ஆக செயல்படுகிறது. வறண்ட சருமங்களில் பல அற்புதங்களை இது நிகழ்த்துகிறது. உங்கள் சருமம் உதடு போன்றவை வறட்சியாக இருந்தலல் தேன் தடவினால் போதுமானது.

என்ன செய்யலாம்

ஓட்ஸ் – 1 டீஸ்பூன்

தேன் – 2 டீஸ்பூன்

இரண்டும் மென்மையாக ஆகும் வரை கலக்கி ஐந்து நிமிடங்கள் ஊறவிடவும். ஓட்ஸை நன்றாக விரல்களாலேயே நசுக்கி முகத்தில் தடவவும். இரவு முழுவதும் அப்படியே விட்டு மறுநாள் காலையில் சருமத்தை குளிர்ந்த நீரில் கழுவவும்.

​மஞ்சள் மற்றும் பால்

samayam tamil Tamil News Spot

சன் டான் பிரச்சனைக்கு சிறந்த தீர்வாக இந்த பேக் இருக்கும். ஆயுர்வேதத்தின் படி மஞ்சள் கலந்த பால் நல்ல தீர்வாக இருக்கும். ஏனெனில் இது ஆன்டி மைக்ரோபியல் மற்றும் அழற்சி எதிர்ப்பு பண்புகளை கொண்டிருக்கிறது. இது சக்தி வாய்ந்த ஆக்ஸிஜனேற்றியாக செயல்படுகிறது.

சரும ஆரோக்கியத்தை மேம்படுத்துகிறது. பாலில் இருக்கும் லாக்டிக் அமிலம் சருமத்தை ஜொலிக்க செய்கிறது. மஞ்சள் கிருமி நாசினி மற்றும் பாக்டீரியா எதிர்ப்பு பண்புகளை கொண்டிருக்கிறது. இது சருமத்தை பிரகாசிக்க செய்கிறது.

என்ன செய்யலாம்

காய்ச்சாத பசும்பால் – 2 அல்லது 3 டீஸ்பூன் அளவு

மஞ்சள்- அரை டீஸ்பூன்

பாலில் மஞ்சள் தூள் கலந்து குழைத்து முகம் முழுக்க தடவிகொள்ளுங்கள். இவை உலரும் வரை காத்திருந்து பிறகு படூக்கைக்கு செல்லுங்கள். தலையணையில் மஞ்சள் கறை படுவதற்கு வாய்ப்புண்டு என்பதால் பழைய தலையணை பயன்படுத்துங்கள். மறுநாள் காலை குளிர்ந்த நீரில் முகத்தை கழுவி விடுங்கள். வாரத்தில் 3 நாட்கள் இதை செய்யலாம்.

​முட்டையின் வெள்ளைக்கரு

samayam tamil Tamil News Spot

வறண்ட சருமம், கடினமான சருமம் மென்மையாக மாற்ற முட்டையின் வெள்ளைக்கரு உதவும். இதை இரவு முழுவதும் பயன்படுத்துவது சிரமமாக இருக்கும். ஆனால் மென்மையான சருமம் தேவையெனில் இதுதான் நல்ல தீர்வாக இருக்கும்.

ஏனெனில் முட்டையின் வெள்ளைக்கரு வைட்டமின் ஏ நிறைந்துள்ளது. இது சருமத்தை இறுக்கமாக்குகிறது, சருமத்துளைகளை அடைக்க செய்கிறது, வயதான எதிர்ப்பு பிரச்சனைகளை எதிர்த்து போராடுகிறது.

என்ன செய்யலாம்

முட்டை – 1 முட்டையின் வெள்ளைக்கரு மட்டும்

டீன் ஏஜ் வயசிலயும் ஸ்ட்ரெச் மார்க் விழும்? என்ன காரணம்?

முட்டையின் வெள்ளைக்கருவை முகம் முழுக்க தடவுங்கள். இதை முகத்தில் உலரவிடுங்கள். இரவு முழுவதும் அப்படியே விட்டுவிடுவது நல்ல பலன் கொடுக்கும். உங்களுக்கு இதன் வாடை பிடிக்கமால் இருந்தால் 2 மணி நேரம் கழித்து குளிர்ந்த நீரில் முகத்தை கழுவலாம். அல்லது மறுநாள் காலையில் குளிர்ந்த நீரில் கழுவலாம். வாரத்தில் 2 அல்லது மூன்று முறை இதை செய்து வரலாம்.

​க்ரீன் டீ மற்றும் உருளைக்கிழங்கு சாறு

samayam tamil Tamil News Spot

க்ரீன் டீ பாலிபினால்களை கொண்டிருக்கிறது. இது சூரியனிடமிருந்து வரக்கூடிய புற ஊதாக்கதிர்களால் அழற்சிக்குள்ளான சருமத்தை காக்கிறது. உருளைக்கிழங்கு சாறு எண்ணெய் சருமத்துக்கு நல்லது. இது சரும வெடிப்புகளை போக்க கூடும்.

முகப்பருக்களால் உண்டான கறையை போக்கும். கண்களுக்கு கீழ் இருக்கும் கருவளையத்தையும் போக்கும். வீங்கிய கண்ணத்தை குறைக்கும். சருமத்தை தெளிவாக வைத்திருக்க உதவும். என்ன செய்யலாம்

க்ரீன் டீ – 2 டீஸ்பூன்

உருளைக்கிழங்கு சாறு – 2 டீஸ்பூன்

இரண்டையும் சம அளவு கலந்து சுத்தமான பருத்தி உருண்டையை நனைத்து முகம் முழுக்க தடவி விடவும். இவை உலர உலர இரண்டு முறை தடவி பிறகு அப்படியே விட்டு மறுநாள் காலையில் முகத்தை கழுவ வேண்டும். வாரத்துக்கு மூன்று நாட்கள் இதை செய்யலாம். இயன்றால் ஒரு நாள் விட்டு ஒரு நாள் இதை செய்யலாம்.

​தக்காளி

samayam tamil Tamil News Spot

கண்டிப்பாக வீட்டில் இருக்க கூடிய பொருள் தக்காளி. இது முகப்பருவை போக்கி சருமத்தை பளிச்சென்று வைக்க உதவும். முகம் மந்தமாக சோர்வாக இருந்தால் அதை பளபளப்பாக்க தக்காளி உதவும். குறிப்பாக சூரிய ஒளியால் பாதிக்கப்பட்ட சருமத்துக்கு தக்காளி சிறந்தது. எளிதான பராமரிப்பும் கூட.

என்ன செய்யலாம்

தக்காளி – 1 அதிக பழமாகவும் அதிக காயாகவும் இல்லாமல் இருக்கட்டும்

காய்ச்சாத பால் – 3 டீஸ்பூன்

தக்காளியை இரண்டாக நறுக்கி அதை பாலில் தோய்த்துமுகம் முழுக்க தடவுங்கள். காய்ந்ததும் மீண்டும் அதன் மேல் இன்னொரு அடுக்காக இதை செய்யுங்கள். தக்காளியை காய்ச்சாத பாலுடன் கலந்து தேய்க்கவும். மறுநாள் காலை குளிர்ந்த நீரில் கழுவி விடவும். வாரம் மூன்று முறை இதை செய்யலாம்.

​கற்றாழை

samayam tamil Tamil News Spot

உங்களது சருமம் எண்ணெய்ப்பசையாக இருந்தால் கவலையை விடுங்கள். உங்களுக்கு கற்றாழை நல்ல தீர்வாக இருக்கும். கற்றாழை சரும எரிச்சலை போக்குகிறது. முகப்பரு வடுக்களை குறைக்க செய்கிறது. சருமத்தை ஈரப்பதமாகவும் பிரகாசமாகவும் வை

கற்றாழையில் வைட்டமின் ஏ, சி, இ அமினோ அமிலங்கள் சாலிசிலிக் அமிலம், லிக்னின் மற்றும் நன்மை செய்யும் நொதிகள் உண்டு. இது சரும எரிச்சல் மற்றும் வீக்கத்தை போக்குகிறது.

முகத்துக்கு ஆவாரம்பூ கடலைமாவு யூஸ் பண்ணுங்க, பாலீஷ் போட்டமாதிரி பளபளன்னு இருக்கும்!

கற்றாழையுடன் வைட்டமின் இ மாத்திரை கலந்து முகத்தில் வட்ட வடிவ இயக்கத்தில் மசாஜ் செய்தால் போதும்.

சிலருக்கு சருமத்தில் இது ஒவ்வாமையை உண்டாக்க செய்யும் என்பதால் முதலில் சருமத்தில் தடவி பரிசோதனை செய்து பிறகு பயன்படுத்துங்கள்.

.

Thanks for the Source

Share on Social Media

Leave a Reply

Your email address will not be published. Required fields are marked *