Share on Social Media


மலச்சிக்கல் தொடங்கும் போதே நீண்ட நாட்களாக இருக்காது. ஆரம்பத்தில் தற்காலிகமாகத்தான் இருக்கும். இதை அலட்சியம் செய்யும் போது அது வீக்கம், எரிச்சல் போன்ற விளைவுகளை உண்டாக்கும். நீண்ட கால மலச்சிக்கல் உடல் ஆரோக்கியத்துக்கு நல்லதல்ல. ஆரம்ப கட்டத்தில் மலச்சிக்கலை கண்டறிந்தால் உடனடியாக அதை போக்க சில விஷயங்களில் கவனம் செலுத்த வேண்டும். அதற்கு ஆரஞ்சு சாறு உதவலாம்.

​மலச்சிக்கல்

மலச்சிக்கல் என்பது நீண்ட காலமாக தொடரும் போது அது செரிமான பாதைக்கும் கல்லீரலுக்கும் சேதத்தை உண்டாக்கும். மலச்சிக்கலை ஆரம்ப கட்டத்தில் குணப்படுத்த வீட்டு வைத்தியம் மட்டுமே போதுமானது. ஆனால் சரியானதாக இருக்க வேண்டும்.

ஆண் மலட்டுத்தன்மை : விந்தணுக்களின் எண்ணிக்கையும் வீரியமும் அதிகமாக இதை செய்யுங்க!

ஆரஞ்சு சாறு மலச்சிக்கலில் இருந்து நிவாரணம் அளிக்கும். இந்த எளிமையான சாறு எப்படி மலச்சிக்கலை கட்டுப்படுத்துகிறது என்பதை தெரிந்துகொள்ள தொடர்ந்து படியுங்கள்.

ஆரஞ்சு பழச்சாறு மலச்சிக்கலுக்கு நல்லதா

samayam tamil Tamil News Spot

ஆரஞ்சு சாறு மலச்சிக்கலை போக்க உதவும். இது நன்மையும் செய்யகூடும். இந்த சுவையான நன்மை பயக்கும் சாறு நார்ச்சத்து நிறைந்தது. இது குடல் இயக்கத்தை எளிதாக்குவதில் முக்கிய பங்கு வகிக்கிறது. உணவில் போதுமான நார்ச்சத்து அளவு கிடைக்காத போது அது செரிமான அமைப்பில் பாதிப்பை உண்டாக்குகிறது.

ஆரஞ்சு சாறு குடிப்பதன் மூலம் உடலுக்கு தேவையான நார்ச்சத்து கிடைக்கிறது. மேலும் குடல் அசைவை தூண்டுகிறது. இதனால் எந்த பிரச்சனையும் இல்லாமல் மலம் கழிக்க முடிகிறது.

ஆரஞ்சு சாறு குடலில் பபெரிஸ்டால்டிக் செயல்பாட்டை மேம்படுத்துகிறது, மேலும் குடல் இயக்கத்தையும் தூண்டுகிறது. இது பெருங்குடல் வழியாக உணவின் மிச்சத்தை வெளியேற்றுகிறது.

ஆரஞ்சு சாற்றை எப்படி எதனுடன் எடுத்துகொள்வதன் மூலம் அதன் பலன்களை பெறலாம் என்பதை பார்க்கலாம்.

​மலச்சிக்கலுக்கு ஆரஞ்சு ஆலிவ் எண்ணெய் சாறு

samayam tamil Tamil News Spot

ஆரஞ்சு சாறு- ஒரு டம்ளர் வடிகட்டாமல் அதன் சுளைகளோடு இருக்கட்டும்

ஆலிவ் எண்ணெய் – 1 டீஸ்பூன்

ஆரஞ்சு சாறுடன் ஆலிவ் எண்ணெய் கலந்து இதை குடிக்கவும். அதிகமான மலச்சிக்கல் பிரச்சனை இருந்தால் ஆலிவ் எண்ணெய்க்கு பதிலாக விளக்கெண்ணெய் சேர்க்கலாம். ஆலிவ் எண்ணெய் மாற்றாக ஆளி விதை எண்ணெய் பயன்படுத்தலாம். தேவைப்படும் போது மட்டும் பயன்படுத்துங்கள்.

ஆலிவ் எண்ணெய் மலச்சிக்கலுக்கான வீட்டு வைத்தியத்தில் சிறந்தது. இது செரிமான அமைப்பை தூண்டுவதற்கு உதவுகிறது. பெருங்குடல் வழியாக நச்சை வெளியேற்றுகிறது. ஆலிவ் எண்ணெய் தவறாமல் எடுத்துகொள்ளும் போது மலச்சிக்கல் வருங்காலத்தில் வராமல் அல்லது தீவிரமாகாமல் தடுக்கலாம்.

​மலச்சிக்கலுக்கு ஆரஞ்சு மற்றும் புருனே சாறு

samayam tamil Tamil News Spot

உலர் ப்ளம் பழம் ( புருனே) – அரை கப்

ஆரஞ்சு சாறு – அரை கப் ( சுளையை வடிகட்ட வேண்டாம்)

இரண்டையும் ஒன்றாக கலந்து குடியுங்கள். நீங்கள் அடிக்கடி குடிக்கலாம். தேவைப்பட்டால் சில மணி நேரம் கழித்து மீண்டும் குடிக்கலாம்.

புருனே சாறு பொதுவாகவே மலச்சிக்கலுக்கு தீர்வளிக்க உதவுகிறது. இது நார்ச்சத்து மர்றும் சார்பிடால் நிறைந்தவை. இது மலத்தை மென்மையாக்குகின்றன. உடலில் இருந்து அதை வெளியேற்றவும் செய்கின்றன.

​மலச்சிக்கலுக்கு ஆரஞ்சு மற்றும் கற்றாழை சாறு

samayam tamil Tamil News Spot

ஆரஞ்சு சாறு – ஒரு கப்

கற்றாழை ஜெல் – 2 டீஸ்பூன்

கற்றாழை மடல்களிலிருந்து அதன் ஜெல்லை எடுத்து நன்றாக கழுவி பிறகு ஆரஞ்சு சாறில் கலந்து விடவும். இதை அடிக்கடி செய்ய வேண்டும். மலச்சிக்கல் நிவாரனம் கிடைக்கவில்லையெனில் 4 முதல் 5 மணி நேரத்துக்கு பிறகு மீண்டும் இதை செய்யவும்.

Gallbladder Stones :பித்தப்பை கற்களை 20 நாட்களில் வெளியேற்ற ஆயுர்வேத மருத்துவர் சொல்லும் எளிய குறிப்பு!

கற்றாழை மலத்தை இறுக்கமாக வைத்திருப்பதை தடுத்து நீர் வைத்திருக்கும் திறனை மேம்படுத்தும். இதனால் மலப்பாதைக்குள் வெளியேற்றுவது எளிதானதாக இருக்கும். கற்றாழை ஜெல் குடல்களின் செயல்பாட்டை சீராக்குகிறது. குடல் இயக்கத்தை மென்மையாக்குகிறது.

மலச்சிகலுக்கு தீர்வளிக்க ஆரஞ்சு பழம் உதவும். நீங்கள்தினமும் இரண்டு ஆரஞ்சு சாப்பிடுவதன் மூலம் மலச்சிக்கல் இல்லாமல் தடுக்க உதவும். செரிமான அமைப்பு சீராக செயல்பட ஆரஞ்சு அல்லது ஆரஞ்சு சாற்றை எடுத்துகொள்வது பலனளிக்கும்.

குறிப்பு

மலச்சிக்கலில் மலம் கழிப்பது கடினமாக இருக்கு என்னும் போது இந்த சாறை இரண்டு நாட்கள் குடித்து வந்தாலே மலம் இளகி சிரமமில்லாமல் வெளியேறும். ஆனால் தீவிர மலச்சிக்கல் பிரச்சனைக்கு வீட்டு வைத்தியம் காட்டிலும் மருத்துவரை அணுகுவதுதான் நல்லது.

Thanks for the Source

Share on Social Media

Leave a Reply

Your email address will not be published. Required fields are marked *