Share on Social Media


ஹைலைட்ஸ்:

  • புதிய வகை ஒமைக்ரான் வைரஸ் பரவலால் அச்சத்தில் ஆழ்ந்துள்ள உலக நாடுகள்
  • ஒன்றிணைந்து செயல்பட வேண்டியது அவசியத்தை உணர்ந்த உலக சுகாதார நிறுவனம்
  • நோய்த்தொற்று தொடர்பான ஆராய்ச்சி தகவல்களை பகிர்ந்து கொள்ள புதிய திட்டம்

உலகின் பல்வேறு நாடுகளில் ஒமைக்ரான் எனப்படும் புதிய வகை கொரோனா வைரஸ் குறித்த அச்சம் நாளுக்கு நாள் அதிகரித்து வருகிறது. ஏற்கனவே பரவி வரும் உருமாறிய பல்வேறு வகையான கொரோனா வைரஸ்களுக்கு எதிராக தடுப்பூசிகள் சிறப்பான முறையில் செயல்பட்டு வருகின்றன. ஆனால் ஒமைக்ரான் வைரஸிற்கு எதிராக எவ்வாறு செயல்படும் என்பது கேள்விக்குறியாக இருக்கிறது. இந்நிலையில் வரும் காலங்களில் புதிய வகை தொற்று நோய்களை தடுக்கவும், சமாளிக்கவும் சர்வதேச அளவில் ஒருங்கிணைந்த புரிந்துணர்வு செயல்பாடு அவசியம் என்று உலக சுகாதார நிறுவனம் வலியுறுத்தியுள்ளது.

முன்னதாக 194 உறுப்பு நாடுகளின் முக்கிய அமைச்சர்கள் பங்கேற்ற மூன்று நாட்கள் சிறப்பு பொதுக்கூட்டம் நடைபெற்றது. இதில் கலந்து கொண்டு பேசிய உலக சுகாதார நிறுவனத்தின் டெட்ராஸ் அதானோம், ஒமைக்ரான் வைரஸை எதிர்கொள்ள வேண்டிய சவாலான நிலையில் இருக்கிறோம். இதேபோல் வரும் காலங்களிலும் பல்வேறு பெருந்தொற்றுகளை எதிர்கொள்ள வேண்டிய சூழல் வரலாம்.
மேலும் ஒரு நாட்டிற்கு பரவியது ஒமைக்ரான்; கலக்கத்தில் பொதுமக்கள்!
இதற்கு சர்வதேச நாடுகள் கைகோர்த்து புரிந்துணர்வு ஒப்பந்தம் ஒன்றை மேற்கொள்ள வேண்டும். இதன்மூலம் நோய்த்தொற்று தொடர்பான தகவல்கள், ஜீன்களை வரிசைப்படுத்துதல், தடுப்பூசிகளின் செயல்பாடுகள், ஆராய்ச்சிகள் மூலம் பரிந்துரைக்கப்படும் மருந்துகள் உள்ளிட்ட தகவல்கலை பிற நாடுகளுடன் பகிர்ந்து கொள்ள முடியும்.

இந்த ஒப்பந்தமானது வரும் 2024ஆம் ஆண்டு மே மாதத்தில் இறுதி வடிவம் பெறும் என்று கூறினார். இதற்கு உலக சுகாதார நிறுவனத்தின் உறுப்பு நாடுகள் அனைத்தும் வரவேற்பு தெரிவித்தது குறிப்பிடத்தக்கது. இந்த கூட்டத்தில் பேசிய ஆஸ்திரேலிய தூதுவர் சலி மான்ஸ்பீல்டு, நம்முன் இருக்கும் சவால்களை எதிர்கொள்ள விரிவான விவாதங்கள் செய்யப்பட வேண்டியுள்ளது.

உலக எய்ட்ஸ் தினம் ; கையெழுத்திட்டு விழிப்புணர்வை தொடங்கி வைத்த அமைச்சர்!

திறந்த மனதுடன் தகவல்களை பரிமாறிக் கொள்ள வேண்டும். இதன்மூலம் எதிர்காலத்தை மிகவும் திறம்பட எதிர்கொள்ள முடியும் எனக் குறிப்பிட்டார். கொரோனா வைரஸின் தொடக்கப் புள்ளி குறித்து சில தகவல்கலை சீனா இதுவரை பகிர்ந்து கொள்ளாதது மிகுந்த அதிருப்தி அளிப்பதாக உலக சுகாதார நிறுவனம் தெரிவித்தது. இதன் விளைவாகவே சர்வதேச அளவில் தகவல்களை பகிர்ந்து கொள்ளக்கூடிய ஒப்பந்தத்தின் அவசியம் குறித்து உலக சுகாதார நிறுவனம் பேசியதாக தெரிகிறது.



Source link

Share on Social Media

Leave a Reply

Your email address will not be published. Required fields are marked *