Share on Social Media


இந்தியா உள்பட உலகம் முழுவதும் பல்வேறு நாடுகளில் ஒமைக்ரான் வைரஸ் பரவி வருகிறது. ஒமைக்ரான் வைரஸ் மேற்கொண்டு பரவாமல் கட்டுப்படுத்த பல்வேறு முயற்சிகள் மேற்கொள்ளப்பட்டு வருகின்றன. ஒமைக்ரான் வைரஸால் பெரிய பாதிப்பு இருக்காது என சில நிபுணர்கள் கூறுகின்றனர்.

இந்நிலையில், ஜனவரி மாதத்தில் ஐரோப்பாவில் ஒமைக்ரான் வைரஸ் ஆதிக்கம் செலுத்தும் கொரோனா வகையாக இருக்கும் என ஐரோப்பிய ஆணையத்தின் தலைவர் உர்சுலா வான் டெர் லெயன் தெரிவித்துள்ளார். குறிப்பாக, பண்டிகைக்காலத்தில் ஒமைக்ரான் வைரஸ் அதிவேகத்தில் பரவும் என எதிர்பார்க்கப்படுகிறது.

எனினும், ஒமைக்ரான் வைரஸை எதிர்கொள்ள ஐரோப்பிய ஒன்றியம் முழு தயார்நிலையில் உள்ளதாகவும், மக்கள் தொகையில் 66.6% பேருக்கு கொரோனா தடுப்பூசி போடப்பட்டுவிட்டதாகவும் ஐரோப்பிய ஆணையத்தின் தலைவர் உர்சுலா வான் டெர் தெரிவித்துள்ளார்.

தடுப்பூசியால் மட்டுமே ஒமைக்ரானை தடுக்க முடியாது: உலக சுகாதார அமைப்பு எச்சரிக்கை!
ஒமைக்ரான் வைரஸை கடந்து போவதற்கான பலமும், வழிகளும் ஐரோப்பிய ஒன்றியத்துக்கு இருப்பதாக அவர் பெருமையுடன் கூறினார். எனினும், கிறிஸ்துமஸ் பண்டிகை, புத்தாண்டு கொண்டாட்டங்கள் ஒமைக்ரான் வைரஸால் பாதிக்கப்படும் என அவர் வருத்தம் தெரிவித்துள்ளார்.

ஐரோப்பா முழுவதும் பல்வேறு நாடுகளில் ஒமைக்ரான் வைரஸ் வேகமாக பரவி வருகிறது. ஆகவே, ஒமைக்ரான் பரவலைக் கட்டுப்படுத்த ஐரோப்பிய நாடுகளில் கடுமையான கட்டுப்பாடுகள் அமல்படுத்தப்பட்டுள்ளன. இதனால் பண்டிகைக்கால கொண்டாட்டங்கள் பாதிக்கப்படும் என எதிர்பார்க்கப்படுகிறது.



Source link

Share on Social Media

Leave a Reply

Your email address will not be published. Required fields are marked *