Share on Social Media


ஹைலைட்ஸ்:

  • தென்னாப்பிரிக்காவில் இருந்து இந்த திரிபின் பரவல் தொடங்கியதால், மற்ற நாடுகள் தென்னாப்பிரிகாவில் இருந்து தங்களுடைய நாடுகளுக்குப் பயணங்கள் மேற்கொள்வதில் கட்டுப்பாடுகளை விதிக்கத் தொடங்கியுள்ளன.
  • அதன் காரணமாக கோவிட்-19 தொற்றுப் பரவலைக் கட்டுப்படுத்த புதிய கட்டுப்பாடுகளை விதிக்கத் திட்டமிட்டுள்ளன.
  • இந்தியாவிலும் அதுகுறித்த கட்டுப்பாடுகள் விதிக்க அரசு விவாதித்து வருவதாகக் கூறப்படுகிறது.

கொரோனா வைரஸ்-க்கு எதிரான தடுப்பூசிகளை அதிகம் தயாரித்த நிறுவனங்களில் ஒன்றான அமெரிக்க மருந்து நிறுவனம் மாடர்னா, கோவிட் -19 இன் ஓமிக்ரான் திரிபுக்கு எதிரான தடுப்பூசியை 2022 ஆம் ஆண்டின் தொடக்கத்தில் மறுசீரமைத்துப் பயன்பாட்டுக்குக் கொண்டு வரப்போவதாக அறிவித்துள்ளது.

மாடர்னா நிறுவனத்தின் தலைமை மருத்துவ அதிகாரி பால் பர்டன், பிபிசி நிகழ்ச்சி ஒன்றில் பேசும்போது, “ஏற்கனவே உள்ள தடுப்பூசி இன்னும் சில வாரங்களுக்கு உங்களுக்குப் பாதுகாப்பானதாக இருக்கும். அதைத்தொடர்ந்து ஓமிக்ரான் திரிபைத் தடுப்பதற்கென சிறப்பாக புதிய தடுப்பூசி ஒன்றைத் தயாரிக்க சில வாரங்கள் தேவைப்படும். அதனால் 2022 ஆம் ஆண்டின் தொடக்கப் பகுதியில் இந்த புதிய தடுப்பூசி தயாரிக்கப்பட்டு மக்களின் பயன்பாட்டுக்குத் தயாராக இருக்கும்” என்று தெரிவித்துள்ளார்.

உலகம் முழுவதும் ஓமிக்ரான் மாறுபாடு குறித்து பேசப்பட்டு வருகிற நிலையில், புதிய தடுப்பூசி குறித்த அறிவிப்பும் அதைத் தயாரிப்பதற்காக நூற்றுக்கணக்கான பணியாட்களை வேலைக்கு அமர்த்துவதையும் தடுப்பூசி தயாரிக்கும் நிறுவனங்கள் மேற்கொண்டுள்ளன.

பர்டன் தற்போதைய தடுப்பூசி வைரஸின் திரிபுகளிலிருந்து பாதுகாக்கக்கூடிய வலிமை கொண்டது. அதனால் இதுவரை தடுப்பூசி போடாதவர்கள் அனைவரும் உடனடியாக தடுப்பூசி போட்டுக் கொள்ளுங்கள்.

அதிக ஆபத்தை விளைவிக்கக்கூடிய திரிபுகளில் ஒன்றாக இந்த ஓமிக்ரான் திரிபு இருக்கும் என்று கூறப்படுகிறது.

தென்னாப்பிரிக்காவில் முதன்முதலில் கண்டறியப்பட்ட இந்த ஓமிக்ரான் மாறுபாடு, விரைவாக மிகப்பெரிய அளவில் பரவுவதால் எல்லா நாடுகளும் கோவிட் -19 பற்றிய கட்டுப்பாடுகள் பற்றி விவாதித்து வருகின்றன.



Source link

Share on Social Media

Leave a Reply

Your email address will not be published.