Share on Social Media


ஹைலைட்ஸ்:

  • உலக மக்களுக்கு குட் நியூஸ்
  • ‘ஒமைக்ரான்’ வைரசின் தீவிரம் குறைவு!

டெல்டா வைரசை விட தீவிரம் குறைந்ததாகவே ஒமைக்ரான் வைரஸ் இருப்பதாக, அமெரிக்க அதிபரின் மருத்துவ ஆலோசகர் மருத்துவர் அந்தோனி ஃபாசி தெரிவித்து உள்ளார்.

தென் ஆப்பிரிக்காவில் கொரோனா வைரசின் உருமாற்றமான ஒமைக்ரான் வைரஸ் கண்டுபிடிக்கப்பட்டது. அமெரிக்காவில், 3 மாகாணங்களில் தற்போது ஒமைக்ரான் பரவி உள்ளது. எனினும் ஆபத்தான டெல்டா வைரசை விட, ஒமைக்ரான் வைரசால் ஏற்படும் பாதிப்பின் தீவிரம் குறைவாகவே இருப்பதாக அமெரிக்க மருத்துவ அதிகாரிகள் தெரிவித்துள்ளனர்.

இது தொடர்பாக அமெரிக்க அதிபர் ஜோ பைடனின் தலைமை மருத்துவ ஆலோசகர் மருத்துவர் அந்தோனி ஃபாசி கூறியதாவது:
ஒமைக்ரான் வைரஸ் குறித்தும், அதன் தீவிரத்தன்மை குறித்தும் முடிவுக்கு வருவதற்கு அதிகமான தகவல்கள் தேவைப்படுகின்றன. ஆனால், முதல் கட்ட புள்ளி விவரங்கள் அடிப்படையில் பார்த்தால் டெல்டா வைரசின் தீவிரத்தை விட, ஒமைக்ரான் வைரஸ் தீவிரம் குறைவாகத் தான் இருக்கிறது. ஆனால், தீவிரம் குறைந்ததா அல்லது உண்மையிலேயே ஏதேனும் பாதிப்பு ஏற்படுத்துமா, டெல்டாவுடன் ஒப்பிடும் போது ஆபத்து குறைவானதா அல்லது ஆபத்து மிகுந்ததா என்பதை மிகுந்த கவனத்துடன் ஆய்வு செய்தே முடிவு செய்ய வேண்டும்.
குழந்தைகளுக்கு அதிக அளவில் பரவும் ஒமைக்ரான்!
தற்போது ஆப்ரிக்க மக்கள் அமெரிக்காவுக்குள் நுழைய தடை விதிக்கப்பட்டுள்ளது. விரைவில் இந்த தடைகள் நீக்கப்படும். தென் ஆப்ரிக்கா மற்றும் பிற ஆப்ரிக்க நாடுகளுக்கு விதிக்கப்பட்ட தடை உண்மையில் கடினமான சூழலைத்தான் ஏற்படுத்தும்.
இவ்வாறு அவர் கூறினார்.



Source link

Share on Social Media

Leave a Reply

Your email address will not be published. Required fields are marked *