Share on Social Media


ஹைலைட்ஸ்:

  • ஒமைக்ரானுக்கு எதிராக தடுப்பூசிகள் மற்றும் பூஸ்டர் தடுப்பூசியின் செயல்பாடுகள் குறித்து மதிப்பீடு
  • ஒமைக்ரான் அதிகம் பரவுவதற்கான வாய்ப்பை தடுப்பூசிகள் தடுக்கும்
  • புதிய தொற்றுக்கள் பரவுவதை தடுப்பூசிகள் முழுமையாக தடுக்காது என்பதை அறிவது முக்கியம்

கொரோனாவுக்கு தடுப்பூசி மட்டுமே தீர்வு என்ற நிலையில், உலகம் முழுவதும் தடுப்பூசி போடும் பணிகள் தீவிரப்படுத்தப்பட்டுள்ளன. பெரும்பாலான உலக நாடுகள் அனைத்து மக்களுக்கும் இரண்டு தவணை தடுப்பூசியை போடும் பணியை நிறைவு செய்வதற்கு அருகில் உள்ளன. சில நாடுகளில் பூஸ்டர் டோஸ் போடப்பட்டு வருகிறது.

இதனிடையே, தென் ஆப்பிரிக்காவில் தோன்றியுள்ள கொரோனா வேரியண்ட் ஒமைக்ரான் உலகம் முழுவதும் வேகமாக பரவி வருகிறது. ஒமைக்ரான் திரிபு தற்போது 38 நாடுகளுக்கும் மேலாக பரவியுள்ளது. மேலும், கொரோனாவின் இந்த ஒமைக்ரான் திரிபுக்கு எதிராக தற்போது பயன்படுத்தப்பட்டு வரும் தடுப்பூசிகள் குறைவான செயல் திறனைத் தான் கொண்டிருக்கும் எனவும் விஞ்ஞானிகள் சிலர் தெரிவித்துள்ளதால் அச்சம் ஏற்பட்டுள்ளது. ஏற்கனவே தடுப்பூசி போட்டுக் கொண்டவர்களையும் ஒமைக்ரான் விட்டு வைப்பதில்லை.

டெல்டாவை விட வேகமாக பரவும் ஒமைக்ரான் தொற்றை கட்டுக்குள் கொண்டு வர உலக நாடுகள் கடுமையான கட்டுப்பாடுகளை மீண்டும் அமல்படுத்தி வருகின்றன. இதனை பொறுத்தவரை, அதன் பரவும் தன்மை, தடுப்பூசி செயல்திறன் குறித்து எந்த முடிவான ஆதாரமும் இல்லை. எனவே, பொதுமக்கள் கவனமாக இருக்க வேண்டும் எனவும் மருத்துவர்கள் எச்சரிக்கை விடுத்து வருகின்றனர்.
இந்தியாவில் அடுத்த லாக்டவுன்: இரவு நேர ஊரடங்கு, கூடுதல் கட்டுப்பாடுகள்!
இந்த நிலையில், ஒமைக்ரானுக்கு எதிராக தடுப்பூசி செயல்படும் விதம் பற்றி உலக சுகாதார நிறுவனம் விளக்கம் அளித்துள்ளது. இதுகுறித்து உலக சுகாதார அமைப்பின் தென்கிழக்கு ஆசியாவிற்கான இயக்குனர் மருத்துவர் பூனம் கேட்ரபால் கூறுகையில், “கொரோனா தற்போது பல பிறழ்வுகளாக உருவெடுத்து வருகிறது. உலக நாடுகள் கொரோனாவிலிருந்து தடுப்பூசியின் மூலம் விடுபட்டு வருகிறது. தற்போது செலுத்தப்பட்டு வரும் தடுப்பூசிகள், ஒமைக்ரான் அதிகம் பரவுவதற்கான வாய்ப்பை தடுக்கும். அதே நேரத்தில் புதிய தொற்றுக்கள் பரவுவதை முழுமையாக தடுக்காது என்பதை அறிவது முக்கியம்” என்று தெரிவித்துள்ளார்.

மின்சாரப் பொருட்கள் குறித்து விழிப்புணர்வு பிரச்சாரம்!

ஒமைக்ரானுக்கு எதிராக தடுப்பூசிகள் மற்றும் பூஸ்டர் தடுப்பூசியின் செயல்பாடுகள் குறித்து மதிப்பீடு செய்யப்பட்டு வருவதாக தெரிவித்துள்ள பூனம் கேட்ரபால், நோய்த்தொற்றினால் கடுமையான பாதிப்பினை எதிகொள்ளும் நபர்கள் மற்றும் குறைவான நோய் எதிர்ப்பு திறன் கொண்ட நபர்களுக்கு தடுப்பூசியின் கூடுதல் டோஸ் தேவைப்படுகிறது என்றும் தெரிவித்துள்ளார்.



Source link

Share on Social Media

Leave a Reply

Your email address will not be published. Required fields are marked *