Share on Social Media


ஹைலைட்ஸ்:

  • உலக மக்களுக்கு குட் நியூஸ்
  • ஒமைக்ரானுக்கு எதிராக தடுப்பூசி கண்டுபிடிப்பு!

ஒமைக்ரான் வைரஸ் தொற்றுக்கு எதிராக தடுப்பூசியை கண்டுபிடித்து உள்ளதாக ரஷ்யா அறிவித்துள்ளது.

சீனாவின் வூகான் நகரில், கடந்த 2019 ஆம் ஆண்டு டிசம்பர் மாத இறுதியில் பரவிய, கொரோனா வைரஸ் தொற்று, கடந்த ஒன்றரை ஆண்டு காலமாக உலக மக்களை பாடாய் படுத்தி விட்டது. இந்தியா, அமெரிக்கா, இத்தாலி, பிரான்ஸ், பிரிட்டன், ரஷ்யா, ஆஸ்திரியா, ஆஸ்திரேலியா உள்ளிட்ட நாடுகளில் கடுமையான பாதிப்புகளை ஏற்படுத்தி விட்டது. தற்போது கொரோனா வைரஸ் தொற்றுக்கு எதிராக உலக நாடுகள் தடுப்பூசி போடும் பணியை முடுக்கி விட்டுள்ளன.

இந்நிலையில், தென் ஆப்பிரிக்க நாட்டில், கொரோனா வைரஸ் தொற்று தனது புதிய அவதாரத்தை எடுத்துள்ளது. இந்த வைரஸ் தொற்றுக்கு ஒமைக்ரான் என பெயர் வைக்கப்பட்டு உள்ளது. இந்த வைரஸ் தொற்று டெல்டா வகை கொரோனா தொற்றுகளை ஆபத்தானது என்றும், இது ஏற்கனவே கொரோனா தொற்றால் பாதிக்கப்பட்டவர்களை குறிவைத்து தாக்குவதாகவும் மருத்துவ நிபுணர்கள் எச்சரித்து உள்ளனர்.
இந்தியாவில் அடங்க மறுக்கும் ஒமைக்ரான் – பாதிப்பு 37 ஆக உயர்வு!
கொரோனா வைரஸ் தொற்றுக்கு எதிராக முதன் முதலில் தடுப்பூசியை கண்டுபிடித்த ரஷ்யா, தற்போது, ஒமைக்ரான் வைரஸ் தொற்றுக்கு எதிராகவும் தடுப்பூசியை கண்டுபிடித்து உள்ளதாக அறிவித்துள்ளது. ஸ்புட்னிக் வி தடுப்பூசியை உருவாக்கிய ரஷ்யாவின் கமலேயா தேசிய தொற்று நோயியல் மற்றும் நுண்ணுயிரியல் ஆராய்ச்சி நிறுவனம் தான் ஒமைக்ரான் வைரஸ் தொற்றுக்கும் தடுப்பூசி கண்டுபிடித்து உள்ளது.

இது குறித்து கமலேயா தேசிய தொற்று நோயியல் மற்றும் நுண்ணுயிரியல் ஆராய்ச்சி நிறுவன இயக்குனர் அலெக்சாண்டர் ஜிண்ட்ஸ்பர்க் செய்தியாளர்களிடம் கூறுகையில், தற்போது பயன்பாட்டில் உள்ள பிரதான தடுப்பூசியை மாற்றுவதற்கான காரணம் எதுவும் இல்லை என்றும், முந்தைய அனைத்து உருமாற்றங்களுக்கும் எதிராக இந்த தடுப்பூசி உருவாக்கப்பட்டு உள்ளத என்றும் குறிப்பிட்டார்.



Source link

Share on Social Media

Leave a Reply

Your email address will not be published. Required fields are marked *