Share on Social Media


ஹைலைட்ஸ்:

  • சவுதி அரேபிய நாட்டில் முதல்முறை ஒமைக்ரான் வகை கொரோனா தொற்று உறுதி
  • ஏற்கனவே 15 நாடுகளில் வைரஸ் தொற்று பரவிய நிலையில் மேலும் ஒரு நாட்டிற்கு ஆபத்து
  • ஒமைக்ரான் பற்றி விரிவான ஆய்வுகளை முடுக்கி விட்டுள்ள உலக சுகாதார நிறுவனம்

உலகின் பல்வேறு நாடுகளில் கொரோனா வைரஸின் உருமாறிய புதிய வைரஸ்கள் அடுத்தடுத்து தாக்கி வருகின்றன. சமீபத்தில் தென் ஆப்ரிக்காவில் ஒமைக்ரான் எனப்படும் புதிய வகை கொரோனா கண்டறியப்பட்டுள்ளது. இது டெல்டா வைரஸை விட 10 மடங்கு ஆபத்தானது என்றும், தடுப்பூசிக்கு கட்டுப்படுவது கடினம் என்றும் வல்லுநர்கள் எச்சரித்துள்ளனர். இதற்கு முன் பார்த்திராத வகையில் மிக மோசமான பாதிப்பை ஏற்படுத்தக் கூடும் என்றும், ஏற்கனவே கொரோனா தொற்றால் பாதிக்கப்பட்டவர்களை தாக்க அதிக வாய்ப்புள்ளதாகவும் கூறப்பட்டுள்ளது.

இதுதொடர்பான விரிவான ஆய்வுகள் மேற்கொள்ள வேண்டிய தேவை ஏற்பட்டுள்ளதாக உலக சுகாதார நிறுவனம் தெரிவித்துள்ளது. அதுமட்டுமின்றி ஒமைக்ரான் வைரஸின் அறிகுறிகள் குறித்தும் சில தகவல்களும் வெளியிடப்பட்டுள்ளன. தற்போது வரை தென் ஆப்ரிக்கா, போட்ஸ்வானா, பெல்ஜியம், ஹாங்காங், இஸ்ரேல், இங்கிலாந்து, நெதர்லாந்து, ஜெர்மனி, செக் குடியரசு, ஆஸ்திரியா, டென்மார்க்,
15 நாடுகளை தாக்கியது ஒமைக்ரான்; ஏன் தாமதிக்கிறது இந்தியா?
ஆஸ்திரேலியா, இத்தாலி, கனடா, பிரான்ஸ் ஆகிய 15 நாடுகளில் ஒமைக்ரான் வைரஸ் பரவியிருப்பதாக தெரிவிக்கப்பட்டிருந்தது. இந்நிலையில் சவுதி அரேபியாவில் முதல் ஒமைக்ரான் தொற்று இன்று கண்டறியப்பட்டுள்ளதாக அந்நாட்டு அரசின் அதிகாரப்பூர்வ செய்தி நிறுவனமான சவுதி பிரஸ் ஏஜென்சி அறிவித்துள்ளது. இதன்மூலம் ஒமைக்ரான் பரவிய நாடுகளின் எண்ணிக்கை 16ஆக அதிகரித்துள்ளது.

மேலும் அரபு நாடுகளில் முதல்முறை ஒமைக்ரான் வைரஸ் கண்டறியப்பட்டிருப்பதும் குறிப்பிடத்தக்கது. அதாவது, வட ஆப்ரிக்காவில் உள்ள நாட்டில் இருந்து வந்த சவுதி அரேபிய குடிமகனுக்கு நோய்த்தொற்று உறுதி செய்யப்பட்டுள்ளது. இவர் தனிமைப்படுத்தப்பட்ட நிலையில், அவருடன் நெருங்கிய தொடர்பில் இருந்தவர்களும் தனிமைப்படுத்திக் கொள்ள அறிவுறுத்தப்பட்டுள்ளது.

உலக எய்ட்ஸ் தினம்; பதாகைகள் ஏந்தியவாறு விழிப்புணர்வு ஊர்வலம்!

பல்வேறு நாடுகளும் ஒமைக்ரான் வைரஸ் குறித்த ஆய்விற்கு புதிய ஆய்வகங்களை கட்டமைத்து வருகின்றன. வேகமாக தங்களது ஆய்வையும் மேற்கொண்டு வருகின்றனர். இந்த சூழலில் அடுத்த இரண்டு முதல் நான்கு வாரங்களில் புதிய வைரஸ் குறித்து விரிவான தகவல்கள் கிடைக்கும் என்று அமெரிக்க தொற்று நோயியல் பிரிவு வல்லுநர் டாக்டர் அந்தோனி பவுசி தெரிவித்துள்ளார்.



Source link

Share on Social Media

Leave a Reply

Your email address will not be published.