Share on Social Media



உலக அளவில் 29 நாடுகளில் மொத்தம் 373 பேருக்கு ஒமைக்ரான் வைரஸ் திரிபு உறுதி செய்யப்பட்டிருந்த நிலையில், இந்தியாவில் பரவுமா என்ற அச்சம் இருந்து வந்த நிலையில், தற்போது கர்நாடகாவைச் சேர்ந்த 2 பேருக்கு ஒமைக்ரான் தொற்று இருப்பது உறுதி செய்யப்பட்டிருக்கிறது.

ஒமிக்ரான் திரிபு குறித்த பல முக்கிய செய்திகளை மத்திய சுகாதாரத் துறை அறிவித்திருக்கிறது. இதுகுறித்து அரசின் சிறப்பு மருத்துவக் குழுவைக் சேர்ந்த மருத்துவர்கள் குறிப்பிடுகையில்,

டெல்டா திரிபு இரண்டு முறை உருமாறியது. ஆனால் இந்த ஒமைக்ரான் 32 முறை உருமாறியிருக்கிறது. ஆனால் இரண்டு வாரங்களுக்கு முன்பாக கண்டறியப்பட்ட இந்த திரிபால் பாதிக்கப்பட்டவர்களுக்கு காய்ச்சல், உடல் வலி போன்ற பிரச்சினைகள் தான் பெரும்பான்மையாக ஏற்படுவது கண்டறியப்பட்டிருக்கிறதே தவிர, கொரோனா டெல்டா திரிபுகளைப் போல இதுவரை இன்னும் நுரையீரலை பாதித்ததாகத் தெரியவில்லை.

வைரஸ் ஏன் உருமாறுகிறது என்றால், சுற்றுப்புறத்தில் உள்ள எதிர்த்து தன்னைத் தக்க வைத்துக் கொள்வதற்காக வைரஸ் உருமாறுகிறது. இதுதான் பொதுவாக வைரஸின் தன்மை இப்படித்தான் இருக்கும். வைரஸ் மனித உடலுக்குப் புகுந்து தன்னை உருப்பெருக்கிக் கொள்ளும்.

இந்த ஒமிக்ரானின் தாக்கம் என்பது டெல்டா போன்று உயிரிழப்புகளை அதிகமாக ஏற்படுத்துமா, அதிக தாக்கம் இருக்குமா என்று இப்போதே சொல்லி விட முடியாது.

எப்படி இருக்கும்?

இந்த ஒமிக்ரான் திரிபின் தாக்கம் எப்படி இருக்கும் என்பதை மூன்று வழிகளில் புரிந்து கொள்ள வேண்டும்.

1. மக்கள் மத்தியில் இதன் பரவல் விகிதம் எப்படி இருக்கும் என்பதை கவனிக்க வேண்டும்.

2. வேகமாகப் பரவினாலும் எப்படி அது நோயை உற்பத்தி செய்யும், எவ்வளவு வீரியத்துடன் இருக்கும் என்பதையும் உற்று நோக்க வேண்டும்.

3. கோவிட் தொற்றை எதிர்த்துப் போராட நாம் போட்டுக் கொண்ட தடுப்பூசியிலிருந்து இது தப்பிச் செல்லுமா அல்லது நம்முடைய தடுப்பூசிகளால் இந்த தொற்றை தடுக்க முடியுமா என்று ஆராய வேண்டும்.

corona virus: ஓமிக்ரான் வைரஸ் திரிபு பற்றிய சந்தேகங்களும் அதற்கான பதில்களும்

பரவும் வேகம்

பரவல் வேகம் டெல்டாவை விட 5 மடங்கு அதிகமாக இருக்கும். ஆனால் அதைப் போன்று வீரியம் இருக்கும் என்று எதிர்பார்க்க முடியாது. ஏனெனில் கண்டறியப்பட்ட ஒரு வாரத்தில் இதுபோன்ற அறிகுறிகள் எதுவும் தெரியவில்லை. பீட்டாவை விட டெல்டா அதிகமாக இருந்தது. அதைவிட இது வேகமாகப் பரவும் என்பது தான் அச்சப்பட வேண்டிய நிலையாக இருக்கிறது. இதற்கான ஆய்வுகள் நடந்து கொண்டிருக்கின்றன என்று தெரிவிக்கிறார்கள்.

எப்படி பாதுகாத்துக் கொள்ளலாம்?

நம்முடைய கண்ணெதிரில் இருக்கிற, வைரஸின் கொடும் தொற்றை தடுக்க முக்கியமான விஷயம் தடுப்பூசி தான். அதை முடிந்தவரை எல்லோரும் கட்டாயமாக செலுத்திக் கொள்ள வேண்டும்.

முகக்கவசம் அணிவது 95 சதவீதம் தொற்றுப் பரவலை தடுப்பதாகக் கூறப்படுகிறது. அதனால் முகக் கவசம் அணிவதைக் கட்டாயம் பின்பற்றுவது நல்லது.

சமூக இடைவெளியைக் கடைபிடிப்பது நல்லது.

கைகளை கழுவுவது போன்ற தனி சுகாதாரத்தைப் பின்பற்றினால் இந்த தொற்றுப் பரவலைக் கட்டுப்படுத்த முடியும்.

Covid vaccine: ஓமிக்ரான் திரிபுக்கு புதிய தடுப்பூசி 2022-ன் தொடக்கத்தில் வெளிவரும் – மாடர்னா அறிவிப்பு

அறிகுறிகள் என்ன?

சளி, காய்ச்சல் போன்ற அறிகுறிகள் இரண்டு திரிபின் 12 வயதுக்கு மேல் உள்ளவர்கள் அனைவருக்கும் மூன்றாவது டோஸ் தடுப்பூசி கொடுப்பதற்கான நடவடிக்கைகள் மேற்கொள்ளப்பட்டு வருகின்றன.

டெல்டா கொரோனா திரிபைப் போல கடுமையான அறிகுறிகள் எதுவும பாதிக்கப்பட்டவர்களுக்கு இருக்கவில்லை.

லேசான காய்ச்சல்,
இருமல்
உடல் வலி
உடல் வெப்பநிலை சராசரி அளவை விட குறைவாக இருப்பது போன்ற மென்மையான அறிகுறிகளே இதுவரை கண்டறியப்பட்டுள்ளன.

அதனால் இதுவரை தடுப்பூசி போடாதவர்கள் கட்டாயம் போட்டுக் கொள்ள, மருத்துவ அறிஞர்களாலும் அரசாலும் உலக சுகாதார நிறுவனத்தாலும் அறிவுறுத்தப்படுகிறது.



Source link

Share on Social Media

Leave a Reply

Your email address will not be published. Required fields are marked *