Share on Social Media


ஹைலைட்ஸ்:

  • குளிர்காலத்தில் ஓமைக்ரான் பரவல் அதிகமாக இருக்கும்.
  • மக்கள் கொரோனா தடுப்பூசிகளை எடுத்துக் கொள்ள வேண்டியது அவசியமாகும்.
  • பூஸ்டர் ஊசிகளைப் போட்டுக் கொள்வதும் முக்கியம் என்றும் பைடன் பேச்சு.

அமெரிக்காவில் குளிர்காலத்தில் ஓமைக்ரான் கொரோனாவைரஸ் வேகமாக பரவப் போகிறது. அமெரிக்கர்கள் இதன் பாதிப்பிலிருந்து தப்ப தடுப்பூசி மற்றும் பூஸ்டர் ஊசி போட்டுக் கொள்ள வேண்டியது அவசியம் என்று அமெரிக்க அதிபர் ஜோ பைடன் கூறியுள்ளார்.

ஓமைக்ரான் வகை கொரோனாவைரஸ் உலகம் முழுவதும் பரவி வருகிறது. பல நாடுகளில் இது அலை போல பரவி வருகிறது. பெரிய அளவில் பாதிப்பை ஏற்படுத்தவில்லை என்ற போதிலும் கூட பரவல் வேகம் அதிகமாக இருப்பதால் மக்களிடையே பதட்டம் நிலவி வருகிறது. இந்தியாவிலும் அடுத்த 2 மாதங்களில் இது 3வது அலையை தோற்றுவிக்கும் என்று கணிக்கப்பட்டுள்ளது.

இந்த நிலையில், அமெரிக்காவிலும் ஓமைக்ரான் வேகமாகப் பரவப் போவதாக அதிபர் ஜோ பைடன் எச்சரித்துள்ளார். இதுதொடர்பாக அவர் மக்களுக்கு ஒரு செய்தி வெளியிட்டுள்ளார். இதுகுறித்து அவர் கூறுகையில் குளிர்காலத்தில் ஓமைக்ரான் வேகமாகப் பரவக் கூடிய வாய்ப்புகள் பிரகாசமாக உள்ளன. எனவே அமெரிக்கர்கள் மிகுந்த கவனத்துடன் இருக்க வேண்டும். இந்த பாதிப்பிலிருந்து தப்ப தடுப்பூசி போட்டுக் கொள்வதும், பூஸ்டர் ஊசி போட்டுக் கொள்வதும் அவசியமாகும். அதுஒன்றுதான் தற்காப்பு நடவடிக்கையாக உள்ளது.

உலகம் முழுவதும் ஓமைக்ரான் வைரஸால் பரபரப்பும், பதட்டமும் ஏற்பட்டிருப்பதைப் போலவே அமெரிக்காவிலும் பதட்டம் தொற்றிக் கொண்டுள்ளது. டிசம்பர் 1ம் தேதி நிலவரப்படி தினசரி கேஸ்களின் எண்ணிக்கை 86,000 ஆக இருந்தது. டிசம்பர் 14ம் தேதி இது 1,17,000 ஆக இருந்தது. இது 3 5 சதவத உயர்வு ஆகும். அமெரிக்கர்கள் கவனமாக இருக்க வேண்டிய தருணம் இது. தடுப்பூசி மிக மிக முக்கியமானது. அதை அனைவரும் உணர்ந்து கொள்ள வேண்டும் என்றார் பைடன்.

கொரோனாவைரஸ் பரவலால் கடுமையான பாதிப்பை சந்தித்த நாடுகளில் அமெரிக்காவும் ஒன்றாகும். அங்கு முதல் அலையில் மிகப் பெரிய உயிரிழப்புகளை அமெரிக்கா சந்தித்தது. தற்போது குளிர்காலம் கடுமையாக இருப்பதால் அமெரிக்க மக்கள் முன்னெச்சரிக்கை நடவடிக்கைகளில் இறங்கியுள்ளனர். கலை நிகழ்ச்சிகள், கிறிஸ்துமஸ் கொண்டாட்டங்களை பல இடங்களில் ரத்து செய்துள்ளனர். புத்தாண்டையும் கூட அமைதியான முறையில் கொண்டாட மக்கள் தீர்மானித்துள்ளனர். பொது இடங்களில் அதிகம் கூடுவதையும் மக்கள் தவிர்க்க ஆரம்பித்துள்ளனர்.

அமெரிக்க அரசின் வெள்ளை மாளிகையிலும் கூட பல்வேறு கட்டுப்பாடுகள் கொண்டு வரப்பட்டுள்ளன. தீவிரக் கட்டுப்பாடுகள் கொண்டு வரப்படவில்லை என்ற போதிலும் கூட மெல்ல மெல்ல கட்டுப்பாடுகளை அதிகரிக்கத் திட்டமிடப்பட்டுள்ளது.

அமெரிக்காவில் கொரோனாவுக்கு இதுவரை 8 லட்சம் பேர் பலியாகியுள்ளனர் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published.