Share on Social Media


ஹைலைட்ஸ்:

  • இதை வைத்து ஓமைக்ரானை குறைத்து மதிப்பிட்டு விட முடியாது.
  • குழந்தைகளுக்கு நோய் எதிர்ப்பு சக்தி அதிகம் இருக்கிறது.
  • பெரியவர்கள் மத்தியில் இது பரவும்போதுதான் இதன் தீவிரம் தெரிய வரும்.

ஓமைக்ரான் வைரஸ் குறித்து இன்னும் தெளிவு கிடைக்கவில்லை, முடிவுகள் எட்டப்படவில்லை. எனவே அந்த வைரஸ் பாதிப்பு குறித்து யாரும் எந்த முடிவுக்கும் வர வேண்டாம் என்று தென் ஆப்பிரிக்க விஞ்ஞானிகள் தெரிவித்துள்ளனர்.

தென் ஆப்பிரிக்காவில்தான் முதல் முறையாக ஓமைக்ரான் கண்டறியப்பட்டது. இப்போது அங்கிருந்து பல்வேறு நாடுகளுக்கும் அது பரவத் தொடங்கி விட்டது. அமெரிக்காவுக்கும் பரவி விட்டது. இந்த நிலையில் இந்த வைரஸ் பாதிப்பு குறித்து பல்வேறு வகையான வதந்திகள் அதிக அளவில் பரவுகின்றன. உண்மையான சரியான தகவல்கள் பரவுவதை விட வதந்திகள்தான் அதிகம் பரவுகின்றன. அதேசமயம், இந்த வைரஸால் உயிருக்கு ஆபத்து இல்லை என்ற தகவலும் பரவுகிறது.

இதுகுறித்து தென் ஆப்பிரிக்கா விஞ்ஞானிகள் சில கருத்துக்களை முன்வைத்துள்ளனர். தென் ஆப்பிரிக்க பொது சுகாதார கண்காணிப்பு மையத்தின் தலைவர் மிச்சல் குரூம் கூறுகையில், ஓமைக்ரான் வைரஸ் இதுவரை இளம் வயதினரை, குறிப்பாக குழந்தைகளைத்தான் அதிகம் பாதித்துள்ளது. அவர்களுக்கு பெரியவர்களை விட நோய் எதிர்ப்பு சக்தி அதிகம் இருக்கும் என்பதால் அவர்களுக்கு பெரிய ஆபத்து ஏற்படுவது குறைவு. எனவேதான் இந்த வைரஸ் பாதிப்பால் உயிரிழப்பு இதுவரை ஏற்படவில்லை. ஆனால் இதை வைத்து இந்த வைரஸை குறைத்து மதிப்பிட்டு விட முடியாது. இந்த வைரஸ் குறித்த ஆய்வுகள் தொடர்கின்றன. இறுதியான முடிவு எதுவும் இதுவரை எட்டப்படவில்லை. எனவே அதுவரை இந்த வைரஸ் குறித்த அலட்சியப் போக்குடன் இருக்கக் கூடாது என்றார்.

இதுவரை இளம் வயதினரை மட்டுமே தாக்கி வந்த ஓமைக்ரான் தற்போது வயதானவர்கள் மத்தியிலும் பரவத் தொடங்கியுள்ளதாம். அதேசமயம், அவர்களுக்கு உயிர் ஆபத்து ஏற்படும் வகையிலான சிக்கல் ஏதும் உடனடியாக ஏற்படாமல் இருப்பதால் விஞ்ஞானிகளுக்கே குழப்பமாக இருக்கிறதாம்.

டாக்டர் ரிச்சர்ட் லெஸ்ஸல்ஸ் கூறுகையில், உலகம் முழுவதும் ஏற்கனவே சில வகை கொரோனோவைரஸ்கள் பரவி விட்டன. பெரும்பாலான மனிதர்களுக்கு ஏதோ ஒரு வகையில் இந்த வைரஸ் பாதிப்பு இருந்திருக்கிறது. பலர் தடுப்பூசிகளையும் போட்டுள்ளனர். எனவேதான் ஓமைக்ரான் வைரஸ் பாதிப்பு பெரிய அளவில் பாதகத்தை உண்டாக்காமல் இருப்பதாக நினைக்கிறோம். அதனால்தான் இதன் தீவிரம் பெரிதாக இல்லாமல் இருக்கிறது. ஒரு வேளை தடுப்பூசி போட்டுக் கொள்ளாமல் இருப்போருக்கு இது தீவிர பாதிப்பை ஏற்படுத்தலாம். அதுதான் கவலையைத் தருகிறது என்றார்.

மேற்கத்திய நாடுகளுடன் ஒப்பிடுகையில் தென் ஆப்பிரிக்காவில் தடுப்பூசி போடுவது மெதுவாக நடைபெறுகிறது அதேசமயம், பிற ஆப்பிரிக்க நாடுகளுடன் ஒப்பிடுகையில் தென் ஆப்பிரிக்கா பரவாயில்லை என்று சொல்லலாம். தென் ஆப்பிரிக்கக் கண்டம் முழுவதும் 6.7 சதவீதம் பேர்தான் முழுமையாக தடுப்பூசி போட்டுள்ளனர். காங்கோ நாடுதான் இருப்பதிலேயே மோசம். அங்கு வெறும் 0.1 சதவீதம் பேர்தான் முழு அளவில் தடுப்பூசி போட்டுள்ளனராம்.

இதற்கிடையே, இன்னொரு நிம்மதி செய்தி தென் ஆப்பிரிக்காவிலிருந்து வந்துள்ளது. அதாவது ஓமைக்ரானுக்கு எதிராக அனைத்து தடுப்பூசிகளும் செயல்படாத நிலை ஏற்படாது. சில தடுப்பு மருந்துகள்தான் பயன் அளிக்காமல் போகக் கூடும். அனைத்து மருந்துகளையும் அப்படி சொல்லி விட முடியாது என்று ஆய்வாளர்கள் தெரிவித்துள்ளனர். தற்போது நடைமுறையில் உள்ள பெரும்பாலா தடுப்பு மருந்துகள் ஓமைக்ரானுக்கு எதிராக பலன் தரக் கூடும் என்றும் அவர்கள் கூறுகின்றனர்.

இந்த வைரஸைப் பொறுத்தவரை, பரவுவதில் இது வேகமாக உள்ளது. ஆனால் பாதிப்புகளில் இன்னும் பெரிய அபாயங்களை நாம் காண முடியவில்லை என்றும் ஆய்வாளர்கள் சொல்கிறார்கள். தற்போது இது தென் ஆப்பிரிக்கா முழுவதும் பரவியுள்ளது.



Source link

Share on Social Media

Leave a Reply

Your email address will not be published. Required fields are marked *