Share on Social Media


நம்முடைய அன்றாட உணவில் பழங்கள், காய்கறிகள், கீரைகள் மற்றும் கடல் உணவுகள் என ஆரோக்கியமான ஊட்டச்சத்துக்கள் நிறைந்த உணவுகளை சேர்ப்பது அவசியம் என ஊட்டச்சத்து நிபுணர்கள் அறிவுறுத்துகின்றனர். அதேசமயம் கொழுப்பு நிறைந்த உணவுகள் உடலுக்கு கேடு என்றும், அது நம் உடல் எடையை அதிகரிக்கும் என்றும் காலம் காலமாக கூறப்பட்டு வருகிறது.

ஆனால் உடலில் கொழுப்புச்சத்து மிகவும் குறைவாக இருந்தால் மூளை இயக்க முதல் உடலியக்கம் வரை அனைத்திலும் பல பிரச்சனைகள் ஏற்படும். இதுபோன்ற பல விதமான கொழுப்பு சத்துக்கள் சம்பந்தப்பட்ட பிரச்சனைக்கு ஒமேகா 3 என்ற கொழுப்பு அமிலமே முக்கிய தீர்வாகவுள்ளது. இது ஆல்பா-லினோலெனிக் அமிலம் (ALA), Eicosapentaenoic அமிலம் (EPA), மற்றும் Docosahexaenoic அமிலம் (DHA ஆகிய மூன்று முக்கியமான கொழுப்பு அமிலங்களைக் கொண்டுள்ளது.

​ஒமேகா-3 இன் முக்கியத்துவம்

உங்கள் உணவில் உள்ள ஒமேகா-3 உடல் வீக்கத்தை எதிர்த்துப் போராடுவது முதல் இருதய நோய்களைக் குறைப்பது வரையும், இதயம் மற்றும் மூளை ஆரோக்கியத்திற்கும், தைராய்டு போன்ற பலவிதமான ஹார்மோன் பிரச்சனைக்கும் தீர்வாக அமைகிறது. மேலும் ஒமேகா -3 கொழுப்பு உணவுகளை அடிக்கடி சாப்பிட்டு வருவதால் வயதான தோற்றத்தை தாமதப்படுத்தவும் முடியும். அதேபோல் ஒவ்வாமை பிரச்சனையால் அவதிப்படுபவர்கள் இது ஒரு சிறந்த மருந்தாகும்.

இதைவிட முக்கியமான ஒன்று உங்கள் இரத்தத்தில் ஒமேகா-3யின் அளவு சரியாக இருக்கும் போது கொரோனா வைரஸின் அறிகுறிகளோடு உடலால் எதிர்த்துப் போராட முடியும் என்பதேயாகும்.

​நமது உடலுக்கு ஏன் ஒமேகா-3 முக்கியம்?

-3-

ஒமேகா-3 என்பது உயிர்வாழ்வதற்குத் தேவையான ஒரு வகை அத்தியாவசிய கொழுப்பாகும். உடலால் இந்த கொழுப்புகளை சொந்தமாக உருவாக்க முடியாது. ஒமேகா-3 கொழுப்பு அமிலங்களை நாம் உண்ணும் உணவுகளில் இருந்து பெறுகிறோம். வால்நட் முதல் ராஜ்மா வரையிலான உணவுகளில் இதனைப் பெறலாம்.

முகம் அடிக்கடி வீங்கிப் போகுதா?… இந்த நோய்கள்ல ஏதாவது ஒன்னோட அறிகுறியாவும் இருக்கலாம்…

​கொரோனா இறப்பை தடுக்கும் ஒமேகா-3

-3

Prostaglandins, Leukotrienes மற்றும் Essential Fatty Acids இதழில் வெளியிடப்பட்ட ஆய்வில், குறைந்த ஒமேகா-3 இன்டெக்ஸ் உள்ளவர்களுக்கு அதிகளவு இருப்பவர்களை காட்டிலும் இறப்பு ஆபத்து 4 மடங்கு அதிகமாக இருப்பதாகவும், இந்த கொழுப்பு அமிலங்கள் (DHA மற்றும் EPA) சக்திவாய்ந்த ஒவ்வாமை எதிர்ப்பு பண்புகளைக் கொண்டுள்ளன.

மேலும் இதுதொடர்பாக கொரோனா நோயால் மருத்துவமனையில் அனுமதிக்கப்பட்ட சுமார் 100 நோயாளிகளிடம் ஆய்வு நடந்த ஆய்வில், அவர்களின் மருத்துவ முடிவுகள் பெறப்பட்டு ஒமேகா-3 இன்டெக்ஸ், ஒமேகாகுயண்ட் தரவுகள் மூலம் இரத்தம் பகுப்பாய்வு செய்யப்பட்டது. இதில் நோயாளிகளில் 14 பேர் இறந்தனர்.

வயது மற்றும் பாலினம் தொடர்பான முடிவுகளில் மற்ற மூன்று காலாண்டுகளில் உள்ளவர்களுடன் ஒப்பிடும்போது எந்த காலாண்டில் அதிக நோயாளிகள் உள்ளார்களோ அவர்கள் இறப்பதற்கான வாய்ப்பு 75 சதவீதம் குறைவாக உள்ளது என கூறப்படுகிறது.

பனி காலம் தொடங்கிடுச்சு… குதிகால் வெடிப்பு அதிகமாகாம தடுப்பது எப்படி?

​ஒமேகா-3 குறைபாட்டின் அறிகுறிகள்

-3-

ஒமேகா -3 உங்கள் ஆரோக்கியத்திற்கு எவ்வளவு முக்கியம் என்பதை இப்போது நீங்கள் அறிவீர்கள். இந்த முக்கியமான கொழுப்பு அமிலத்தின் அளவு குறைவதால் உடலில் கீழ்க்காணும் அறிகுறிகள் ஏற்படுகிறது.

1. முடி, தோல் மற்றும் நகங்களின் ஆரோக்கியம் மோசமான நிலையை அடைகிறது.

2. எப்போதும் சோர்வாகவும், தூக்கமாகவும் உணர்வீர்கள்.

3. செறிவு மற்றும் கவனம் இழப்பு.

4. காதில் மெழுகின் அதிகப்படியான உற்பத்தி.

5. பெண்களுக்கு ஒழுங்கற்ற மாதவிடாய் சுழற்சி ஆகிய பாதிப்புகள் ஏற்படும். இதனைத் தவிர எடை அதிகரிப்பு, தூக்கமின்மை, கூந்தல் பிரச்சினைகள், மூட்டு வலி ஆகியவை உண்டாகலாம்.

​ஒமேகா-3 கிடைக்க என்ன செய்யலாம்?

-3-

உங்களுடைய தினசரி உணவில் சேர்க்கக்கூடிய கீழ்க்காணும் சில பொருட்கள் நீங்கள் ஒமேகா-3 கொழுப்பு அமிலத்தை பெறுவதை உறுதிசெய்யும். அவை,

1. ஆளிவிதைகளை அதிகம் சேர்த்துக்கொள்ளலாம்.

2. சியா விதைகள் கலந்த ஒரு கிளாஸ் வெதுவெதுப்பான நீரைப் பருகலாம்.

3. கீரை, பாசிப்பருப்பு, காய்கறிகளை அதிகம் சாப்பிடலாம்.

4. பசி எடுக்கும் போதெல்லாம் வால்நட் பருப்புகள், பாதாம், ப்ளூபெர்ரி போன்ற கொட்டைகள் மற்றும் பெர்ரிகளை சாப்பிடலாம்.

5. கடல் உணவுகள் சாப்பிட்டால் ஒவ்வாமை இருக்காது என்பவர்கள் சால்மன், மத்தி, சிப்பிகள் போன்றவற்றை முயற்சி செய்யலாம்.

6. தினமும் ஒரு அவகேடா பழத்தை சாப்பிடுங்கள்.

7. தினமும் குறைந்தது ஒரு முட்டையாவது சாப்பிட வேண்டும்.

8. சோயாபீன், சோயாபீன் எண்ணெய் ஆகிய அனைத்தும் ஒமேகா -3 இன் சிறந்த மூலமாகும்.

இதன்மூலம் ஒமேகா-3 கொழுப்பு அமிலத்தை பெற்று கொரோனா மட்டுமல்லாமல் இன்னபிற உடல்நல பாதிப்புகளிலும் இருந்து உங்களை பாதுகாத்துக் கொள்ளுங்கள்.



Source link

Share on Social Media

Leave a Reply

Your email address will not be published.