Share on Social Media


கொழுப்பு என்றாலே பலருக்கும் நினைவுக்கு வருவது அது உடலுக்கு அவை தீமை செய்யும் என்ற கருத்து தான். ஆனால், எல்லா கொழுப்பும் உடலுக்கு கெட்டது செய்பவை அல்ல. கொழுப்பு என்பது நம்முடைய உடலுக்குத் தேவையான உணவின் ஒரு முக்கியமான பாகம் தான். அதில் ஒமேகா 3 மற்றும் ஒமேகா 6 மிக முக்கியமான கொழுப்பு அமிலங்கள் ஆகும்.

​கொழுப்பு வகைகள்

கொழுப்பில் நல்ல கொழுப்பு மற்றும் கெட்ட கொழுப்பு என இரண்டு வகைகள் உள்ளன. நிறைவுற்ற மற்றும் டிரான்ஸ் கொழுப்புகள் கெட்ட கொழுப்புகள் ஆகும். இவை உள்ள உணவுகளை எடுத்துக் கொள்வது, நமது ஒட்டுமொத்த உடல் ஆரோக்கியத்திற்கு மிகவும் மோசமான விளைவை ஏற்படுத்தும்.

இவை தான் உடலின் கொலஸ்ட்ரால் அளவை உயர்த்தி இதய நோய் அபாயத்தை அதிகரிக்க செய்யும். மோனோ-சாச்சுரேட்டட் மற்றும் பாலி-சாச்சுரேட்டட் கொழுப்புகள் நல்ல கொழுப்புகள் ஆகும். ஏனெனில், இவற்றில் இதய ஆரோக்கியத்துக்கு உதவும் பல மூலங்கள் உள்ளன.

​ஒமேகா 3

-3

ஒமேகா 3 என்பது அனைவராலும் அறியப்பட்ட ஒரு கொழுப்பு அமிலம் ஆகும். இது ஒரு நிறைவுறா கொழுப்பு ஆகும். பெரும்பாலும் ஒமேகா 3 கொழுப்பு மீன் எண்ணெய்களில் அதிகம் காணப்படுகிறது. இவை இதயம், கல்லீரல், நுரையீரல், இரத்த நாளங்கள் மற்றும் நோய் எதிர்ப்பு அமைப்பின் ஆரோக்கியத்தை பராமரிக்க உதவுகின்றன.

ஒமேகா 3 கொழுப்பு அமிலங்களின் மூன்று வகைகள் உள்ளன. அவை ALA – ஆல்ஃபா லினோலெனிக் அமிலம், DHA – டோகோசா ஹெக்ஸெனோயிக் அமிலம், EPA – ஈகோசாபென்டேனோயிக் அமிலம் ஆகும்.

எடையும் ஊளைச்சதையும் குறையணுமா? வாரத்துல ரெண்டு நாள் இந்த சுரைக்காய் சூப் குடிங்க… ரெசிபி இதோ…

​ஒமேகா 3 நிறைந்த உணவுகள்

-3-

ஒமேகா 3 கொழுப்பு அமிலங்களின் முக்கிய ஆதாரமாக கடல் உணவுகள் விளங்குகின்றன. குறிப்பாக, சால்மன் மீன், கானாங்கெளுத்தி மீன், டுனா மற்றும் மத்தி மீன் போன்றவற்றில் ஒமேகா 3 உள்ளது. அதுமட்டுமின்றி, நட்ஸ் வகைகள் மற்றும் சில விதைகள் மற்றும் எண்ணைகளில் கூட ஒமேகா 3 கொழுப்பு அமிலங்கள் நிறைந்துள்ளன. அதாவது ஆளி விதை எண்ணெய், சோயாபீன் எண்ணெய் மற்றும் கனோலா எண்ணெய் போன்றவை ஒமேகா 3 கொழுப்பு அமிலங்களின் சிறந்த ஆதாரங்கள் ஆகும்.

இந்த பழங்களை எல்லாம் சாப்பிடும்முன் தோல் சீவக்கூடாது… ஏன் தெரியுமா?

​நன்மைகள்

samayam tamil Tamil News Spot

ஒமேகா 3 கொழுப்பு அமிலம் நிறைந்த உணவுகளை எடுத்துக் கொள்வதன் மூலம் இதயம் மற்றும் நுரையீரல் ஆரோக்கியத்தை உறுதி செய்யலாம். இந்த உணவுகள் இரத்தத் தட்டுக்கள் ஒரே இடத்தில் ஒன்றாகக் குவிவதைத் தடுக்கும் என்பதால், இதய நோய்கள் உள்ளவர்களுக்கும் இது நன்மை பயக்கும். அதுமட்டுமின்றி, கண் ஆரோக்கியம், குழந்தைகளுக்கு ஏற்படும் மனநல கோளாறுகளான ஹைபராக்டிவிட்டி டிஸ்ஆர்டர் மற்றும் மனச்சோர்வு போன்றவற்றை பராமரிக்க உதவும்.

உங்க எலும்பெல்லாம் ரொம்ப பலவீனமா இருக்கா… எப்படி இயற்கையா வலுப்படுத்தலாம்… இதோ உங்களுக்கான டிப்ஸ்…

​ஒமேகா 6

-6

ஒமேகா 3 கொழுப்பு அமிலம் பற்றி பெரும்பாலானவர்களுக்கு தெரிந்திருந்தாலும், ஒமேகா 6 பற்றி பலருக்கும் தெரியாது. ஒமேகா 6 என்பது ஆரோக்கியமான நிறைவுறா கொழுப்புகளின் ஒரு வகை ஆகும். ஒமேகா 3 கொழுப்புகளைப் போலவே, நம் உடலுக்கு ஒமேகா 6 கொழுப்பு அமிலங்களும் தேவைப்படும்.

இவை நம் உடலின் மரபணுக்களை ஒழுங்குபடுத்துவதோடு, நோய் எதிர்ப்பு அமைப்பின் ஆரோக்கியத்தையும் மேம்படுத்துகிறது. ஒமேகா 6 கொழுப்பு அமிலத்தில் நான்கு வகைகள் உள்ளன. அவை LA – லினோலிக் அமிலம், ARA – அராச்சிடோனிக் அமிலம், GLA – காமா லினோலெனிக், CLA – இணைக்கப்பட்ட லினோலெனிக் அமிலம் ஆகும்.

​ஒமேகா 6 நிறைந்த உணவுகள்

-6-

சணல், சூரியகாந்தி போன்ற விதைகளில் ஒமேகா 6 கொழுப்பு அமிலம் நிறைந்துள்ளது. மேலும், வெண்ணெய், குங்குமப்பூ மற்றும் முட்டை போன்றவற்றிலும் ஒமேகா 6 நிறைந்துள்ளது. அதுமட்டுமின்றி, அக்ரூட் பருப்புகள், முந்திரி உள்ளிட்ட சில நட்ஸ்களில் நம் உடலுக்குத் தேவையான அளவு ஒமேகா 6 கொழுப்பு அமிலங்கள் உள்ளன.

ஓமிக்ரான் தாக்கத்திலிருந்து நீரிழிவு நோயாளிகள் எப்படி தங்களை காத்துக் கொள்ளலாம்…

​நன்மைகள்

samayam tamil Tamil News Spot

ஒமேகா 6 கொழுப்பு அமிலம் இதய ஆரோக்கியத்தை பராமரிக்க உதவுவதோடு, உடல் வளர்ச்சி மற்றும் மூளையின் செயல்பாட்டை ஒழுங்குபடுத்தும் முக்கிய காரணியாகவும் விளங்குகிறது. அதோடு, ஒமேகா 6 நிறைந்துள்ள உணவுகள் தோல் மற்றும் முடி வளர்ச்சியைத் தூண்டவும், எலும்பு ஆரோக்கியத்தை பராமரிக்கவும், வளர்சிதை மாற்றத்தை ஒழுங்குபடுத்தவும், இனப்பெருக்க அமைப்பை பராமரிக்க உதவுகின்றன. .



Source link

Share on Social Media

Leave a Reply

Your email address will not be published.