Share on Social Media


ஹைலைட்ஸ்:

  • மருத்துவ படிப்புகளான MBBS/MD/MS/Diploma/BDS/MDS ஆகியவற்றில் நடப்பாண்டு 2021-22 முதல் அமல்
  • உயர் நீதிமன்றம் உத்தரவிட்டபோது, ஓபிசி பிரிவினருக்கான இட ஒதுக்கீட்டை ஒன்றிய அரசு பின்பற்றாமல் இருந்தது
  • மருத்துவ கவுன்சில் விதிகளில் மாநில இடஒதுக்கீடு பின்பற்றக் கூடாது என எந்த விதிகளும் இல்லை

இந்தியாவில் உள்ள மாநிலங்கள், யூனியன் பிரதேசங்களில் உள்ள அரசு மருத்துவக் கல்லூரிகளில் இளங்கலை, முதுநிலை மருத்துவப் படிப்புகளுக்கான இடங்களில் 50 சதவீதம் அகில இந்திய தொகுப்புக்கு மத்திய அரசால் பெறப்படுகிறது. இப்படிப்புகளுக்கான இடங்களை நிரப்பும்போது, இதர பிற்படுத்தப்பட்டோருக்கான (ஓபிசி) அகில இந்திய ஒதுக்கீடான 27 சதவீத இடங்களை ஒதுக்கீடு செய்ய வேண்டும்.

ஆனால், கடந்த மூன்று ஆண்டுகளுக்கும் மேலாக இந்த இடங்கள் ஒதுக்கீடு செய்யப்படவில்லை. இருப்பினும், உயர்சாதி ஏழைகளுக்கான அதாவது பொருளாதாரத்தில் நலிந்த முன்னேறிய பிரிவினருக்கான 10 சதவீத இட ஒதுக்கீட்டை மட்டும் ஒன்றிய அரசு பின்பற்றியதாகவும் குற்றச்சாட்டு எழுந்தது.

இதையடுத்து, மருத்துவ மேற்படிப்பில் இதர பிற்படுத்தப்பட்ட பிரிவினருக்கு 50 சதவீத இட ஒதுக்கீடு வழங்க கோரி அதிமுக, திமுக, பாமக, மதிமுக, விசிக, கம்யூனிஸ்ட்டுகள், காங்கிரஸ் கட்சிகள் உச்ச நீதிமன்றத்தில் வழக்கு தொடர்ந்தன. இதனை விசாரித்த உச்ச நீதிமன்றம் இந்த வழக்கை சென்னை உயர் நீதிமன்றம் விசாரிக்க அறிவுறுத்தியது.

அதன்படி, சென்னை உயர் நீதிமன்றத்தில் நடைபெற்ற இந்த வழக்கு மீதான தீர்ப்பு கடந்த ஆண்டில் வழங்கப்பட்டது. அதில், மருத்துவ படிப்புகளில் அகில இந்திய ஒதுக்கீட்டின் கீழ் இதர பிற்படுத்தப்பட்ட வகுப்பினர் இட ஒதுக்கீடு கோர உரிமை உள்ளது என்று அதிரடியாக உத்தரவிட்டது. இட ஒதுக்கீடு குறித்து உச்ச நீதிமன்றம் தான் முடிவெடுக்க வேண்டும் என்ற இந்திய மருத்துவ கவுன்சில் வைத்த வாதம் ஏற்க முடியாது என்று தெரிவித்த சென்னை உயர் நீதிமன்றம், மருத்துவ கவுன்சில் விதிகளில் மாநில இடஒதுக்கீடு பின்பற்றக் கூடாது என எந்த விதிகளும் இல்லை என்றும் தெரிவித்தது.

உயர் நீதிமன்றம் உத்தரவிட்டபோது, ஓபிசி பிரிவினருக்கான இட ஒதுக்கீட்டை ஒன்றிய அரசு பின்பற்றாமல் இருந்தது. இதையடுத்து, திமுக தரப்பில் நீதிமன்ற அவமதிப்பு வழக்கும் தொடரப்பட்டது. இந்த நிலையில், மருத்துவ படிப்பில் ஓபிசி பிரிவினருக்கு 27 சதவீத இடஒதுக்கீட்டையும், பொருளாதாரத்தில் நலிந்த முன்னேறிய பிரிவினருக்கான 10 சதவீத இட ஒதுக்கீட்டையும் நடப்பாண்டிலேயே வழங்க ஒன்றிய அரசு முடிவு செய்து அறிவித்துள்ளது.

அதன்படி, ஒன்றிய அரசால் மருத்துவப் படிப்புகளுக்கு பெறப்படும் தொகுப்பில், அகில இந்திய ஒதுக்கீட்டில், இளங்கலை, முதுகலை மருத்துவ படிப்புகளான MBBS/MD/MS/Diploma/BDS/MDS ஆகியவற்றில் நடப்பாண்டு 2021-22 முதல் மேற்கண்ட இடஒதுக்கீடு முறை பின்பற்றப்படவுள்ளது.

மீண்டும் கொரோனா: ஸ்டாலின் அறிவிக்கும் ஊரடங்கு!
சட்டபூர்வமாக தர வேண்டியதை தராமல் பல ஆண்டுகாலம் வஞ்சித்து வந்த ஒன்றிய அரசு, தமிழ்நாட்டின் போராட்டம், உயர்நீமன்றத் தீர்ப்பு, அவமதிப்பு வழக்குகளை அடுத்து, அமல்படுத்தியே ஆக வேண்டிய நிர்பந்தத்தால் இறங்கி வந்திருப்பதாகவும், சமூக நீதி நிலைநாட்டப்பட்டிருப்பதாகவும் பலரும் கருத்துகளை பதிவிட்டு வருகின்றனர்.



Thanks for the source

Share on Social Media

Leave a Reply

Your email address will not be published. Required fields are marked *