Share on Social Media


ஹைலைட்ஸ்:

  • தமிழகத்தில் ஊரடங்கு காலத்தில் விலைவாசி உயர்வு
  • முதல்வர் மு.க.ஸ்டாலினுக்கு ஓ.பன்னீர்செல்வம் கொடுத்த யோசனை

கொரோனா நெருக்கடி காலத்தில் விலைவாசி உயர்வை கட்டுப்படுத்த நடவடிக்கை எடுக்க வேண்டுமென முதல்வர் மு.க.ஸ்டாலினிடம் அதிமுக தலைமை ஒருங்கிணைப்பாளர் ஓ.பன்னீர்செல்வம் வலியுறுத்தியுள்ளார்.

இதுகுறித்து ஓ.பன்னீர்செல்வம் இன்று வெளியிட்டுள்ள அறிக்கையில், “கொரோனா தாக்கம் மக்களை வாட்டி வதைகும் சூழலில் விலைவாசி உயர்வு அதைவிட மோசமான தாக்கத்தை ஏற்படுத்தியுள்ளது. முழு ஊரடங்கு அறிவிக்கப்பட்டதால் மக்கள் வேலைவாய்ப்பையும், வருமனத்தையும் இழந்து வாழ்வாதாரம் கேள்விக்குறியாகியுள்ளது.

இந்த சூழலில் அத்தியாவசியப் பொருட்களின் விலை உயர்வு பொதுமக்களை விழிபிதுங்க வைத்துள்ளது. குறிப்பாக மக்களின் அன்றாட தேவைகளான அரிசி, கோதுமை, பருப்பு வகைகள், சமையல் எண்ணெய், கடலை எண்ணெய், நல்லெண்ணெய் ஆகியவற்றின் விலை உச்சத்தில் உள்ளதாக செய்திகள் வந்துள்ளன.

மால்களில் பார்க்கிங் கட்டண கொள்ளை – சென்னை மாநகராட்சிக்கு உயர்நீதிமன்றம் நோட்டீஸ்
கடந்த ஆண்டு மார்ச் முதல் கொரோனா தாக்கம் இருந்தாலும், இந்த மாதம்தான் அத்தியாவசிய பொருட்களின் விலை உயர்ந்துள்ளதாக தெரிகிறது. விலைவாசி உயர்வுக்கு பல்வேறு பொருளாதார காரணங்கள் இருந்தாலும், இச்சூழலில் விலைவாசி உயர்வுக்கு காரணம் அத்தியாவசியப் பொருட்கள் கடத்தப்படுவதும், பதுக்கப்படுவதும்தான்.

அம்மா ஆட்சியின்போது வெளிச்சந்தையில் விற்கப்படும் உணவுப் பொருட்களின் விலையை கட்டுப்படுத்தும் வகையில், விலைநிறுத்தல் நிதி (Price Stabilisation Fund) உருவாக்கி அதற்கு 100 கோடி நிதி ஒதுக்கி அத்தியாவசியப் பொருட்களின் விலையை வெகுவாக குறைத்தார்.

எனவே, விலைவாசி உயர்வுக்கு முக்கிய காரணமான கடத்தலையும், பதுக்கலையும் தடுக்கவும், சமுதாயத்தின் அடித்தளத்தில் உள்ள மக்கள் நியாயமான விலையில் அத்தியாவசியப் பொருட்களை பெறவும், தேவைப்பட்டால் விலைநிறுத்தல் நிதியத்தை உருவாக்கி அதன்மூலம் நியாயமான விலையில் பொருட்கள் கிடைக்க ஏற்பாடு செய்ய வேண்டும்” என முதல்வர் ஸ்டாலினிடம் கேட்டுக்கொண்டுள்ளார்.



Thanks for the source

Share on Social Media

Leave a Reply

Your email address will not be published. Required fields are marked *