Share on Social Media

இந்த கொரோனா வைரஸ் தொற்று காலம் நமக்கு சில வாழ்க்கை முறை மாற்றங்களை கற்று தந்துள்ளது. அவை தான் சுய பாதுகாப்பு மற்றும் ஆரோக்கியமான உணவு முறையை பின்பற்றுவது ஆகும். சமீபத்தில் நம்முடைய இந்திய உணவு பாதுகாப்பு மற்றும் தர நிர்ணய ஆணையம் (FSSAI) தன்னுடைய ட்விட்டர் பக்கத்தில் உணவுப் பாதுகாப்பு மற்றும் ஊட்டச்சத்து பற்றிய கட்டுக்கதைகளை பதிவு செய்துள்ளது. இதன் படி பெரும்பாலான கட்டுக்கதைகள் இன்றளவும் மக்களிடையே நிலவி வருவதாகவும், அதை மக்கள் நம்பி வருகிறார்கள் என்று தெரிவித்து உள்ளது. குறிப்பாக உடல் எடையை குறைக்க வேண்டும் என்ற விஷயத்தில் மக்கள் உணவை தவிர்ப்பது குறைந்த கலோரி உணவை எடுப்பது போன்ற விஷயங்களை பின்பற்றி வருகிறார்கள். ஆனால் உண்மையில் இந்த மாதிரியான செயல்கள் உங்க உடல் எடையை குறைக்காது என்றும் இது ஒரு கட்டுக்கதை என்றும் உணவு பாதுகாப்பு நிர்ணயம் கூறியுள்ளது. இப்படி மக்களிடையே உணவைப் பற்றி நிலவும் கட்டுக்கதைகளை பற்றித் தான் நாம் இப்பொழுது பார்க்க போகிறோம்.

உணவு பாதுகாப்பு மற்றும் ஊட்டச்சத்து பற்றிய கட்டுக்கதைகள் :

​கட்டுக்கதை 1:

குறைந்த கலோரி உணவு மற்றும் உணவை தவிர்ப்பது எடையை குறைக்கும்

உண்மை :

சமச்சீரான உணவு, சிறு பகுதி உணவுகளை எடுத்துக் கொள்வது, சரியான நேர இடைவெளியில் உணவை சாப்பிடுவது, தொடர்ச்சியான உடற்பயிற்சி இவைகள் தான் உடல் எடையை குறைக்க உதவும். நீங்கள் உணவைத் தவிர்த்தாலோ அல்லது குறைந்த கலோரி உணவுகளை எடுத்துக் கொள்வது போன்றவை எந்த பலனையும் அளிக்காது. இது உங்களுக்கு ஊட்டச்சத்து பற்றாக்குறையை ஏற்படுத்தி பல வித உடல் பிரச்சினைகளுக்கு வழி வகுத்துவிடும் என்ற உண்மையை புரிந்து கொள்ளுங்கள்.

​கட்டுக்கதை 2:

-2

லேபிள்களை பார்த்து உணவை தேர்ந்தெடுப்பது

உண்மை :

குறைந்த கொழுப்பு இருப்பதாக லேபிள்களை பார்த்து தேர்ந்தெடுக்கும் உணவுகளில் அதிக சர்க்கரை, உப்பு இருக்கலாம் ஏன் கண்ணுக்கு தெரியாத கொழுப்பு பொருட்களும் இருக்கலாம். எனவே லேபிள்களை மட்டும் வைத்து ஒரு உணவுப் பொருட்களை தேர்ந்தெடுக்க முடியாது.

​கட்டுக்கதை 3:

-3

தாவர உணவுகளில் புரதம் குறைவு

உண்மை :

பொதுவாக மக்களிடையே புரதச்சத்து உணவுகள் என்று வரும் போது இறைச்சிகளில் தான் புரதம் அதிகம் இருக்கின்றன என்ற எண்ணம் இருக்கிறது . ஆனால் பருப்பு வகைகள், நட்ஸ் வகைகள், விதைகள், சோயா பொருட்கள், தினை, மற்றும் சில காய்கறிகள் போன்ற தாவர அடிப்படையிலான உணவுகளில் கூட புரதம் காணப்படுகிறது.

​கட்டுக்கதை 4:

-4

சமைத்த உணவு நோயை ஏற்படுத்தாது

உண்மை :

பொதுவாக மக்களிடையே சமைத்த உணவு எந்தவித தீங்கையும் ஏற்படுத்தாது என நினைக்கின்றனர். ஆனால் சமைத்த உணவும் மாசுபட ஏராளமான வழிகள் உள்ளன.

சமைத்த உணவை நீங்கள் சரியாக சேமித்து பராமரிக்காமல் இருப்பது

அசுத்தமான மேற்பரப்பு அசுத்தமான பாத்திரங்கள் இவற்றுடன் உணவானது தொடர்பு கொள்ளும் போது உணவு தயாரிப்பவர்கள் மற்றும் பரிமாறுபவர்கள் தனிப்பட்ட சுகாதாரத்தை கடைபிடிக்காத போது சமைக்காத உணவில் உள்ள மாசுபாட்டால் போன்ற பல காரணிகளால் சமைத்த உணவு கூட மாசுபட வாய்ப்பு உள்ளது.

எனவே சமைத்த உணவாக இருந்தாலும் அதில் மீந்து போன உணவை முறையாக பராமரிக்க வேண்டும். அவற்றை பிரிட்ஜில் வைத்து 5 டிகிரி செல்சியஸ்க்கு கீழ் உள்ள வெப்பநிலையில் வைத்து பராமரிக்க வேண்டும். தயாரித்த 2 மணி நேரத்திற்குள் பிரிட்ஜில் வைப்பது நல்லது.

​கட்டுக்கதை 5:

-5

சமையல் எண்ணெய் வெறும் கலோரியை மட்டும் வழங்குகிறது ஊட்டச்சத்துக்கள் வழங்குவதில்லை

உண்மை :

நாம் சமையலில் பயன்படுத்தும் எண்ணெய்யில் ஒமேகா -3 (மீ -3) மற்றும் ஒமேகா -6 (என் -6) கொழுப்பு அமிலங்கள் போன்ற அத்தியாவசிய கொழுப்பு அமிலங்கள் காணப்படுகிறது. இந்த நல்ல கொழுப்புகள் இதய நோய் அபாயத்தை குறைக்கிறது. அறிவாற்றலை மேம்படுத்துகின்றன. வீக்கம் மற்றும் மூட்டு வலியைக் குறைக்கின்றன. எனவே சமையலில் சரியான அளவு எண்ணெய்யை பயன்படுத்துவது நல்லது.

​கட்டுக்கதை 6:

-6

குழந்தைகள் அதிக கலோரி மற்றும் சர்க்கரை உணவை எவ்வளவு வேண்டுமானாலும் சாப்பிடலாம்

உண்மை :

நல்ல ஊட்டச்சத்து தான் குழந்தையின் உடல் நலத்தையும், அறிவாற்றல் வளர்ச்சியையும் மேம்படுத்தும் இளம் வயதில் அதிகப்படியான சர்க்கரை உணவு உட்கொள்வது உடல் பருமன், நீரிழிவு மற்றும் இதய நோய்கள் போன்ற நாள்பட்ட நோய்களை ஏற்படுத்த வாய்ப்பு உள்ளது. எனவே உங்க குழந்தைகளை சீரான உணவை எடுத்துக் கொள்ள ஊக்குவியுங்கள்.

​கட்டுக்கதை 7:

-7

உணவு நன்றாகவும் நறுமணமாகவும் இருந்தால் சாப்பிட பாதுகாப்பானது

உண்மை :

உணவில் இருந்து கெட்ட துர்நாற்றம் மற்றும் ஏதேனும் அறிகுறிகள் இருந்தால் அது உணவு கெட்டுப் போனதை குறிக்கும். இருப்பினும் இந்த அறிகுறிகள் எதுவும் தெரியா விட்டாலும் ஒரு உணவுப் பண்டத்தின் காலாவதி தேதியை அறிவது நல்லது. அந்த உணவை எப்படி எந்த வெப்பநிலையில் சேமிக்க வேண்டும் என்பதை அறிவதும் நன்மை அளிக்கும் என்கிறது இந்திய உணவு பாதுகாப்பு மற்றும் தர நிர்ணய ஆணையம்.

Thanks for the Source

Share on Social Media

Leave a Reply

Your email address will not be published. Required fields are marked *