Share on Social Media


ஹைலைட்ஸ்:

  • ஒருவருக்கு கூட கொரோனா தொற்று கண்டறியப்படவில்லை
  • ஐநாவிடம் வட கொரிய அரசு தெரிவிப்பு

கடந்த ஒன்றரை ஆண்டுகளுக்கு மேலாக உலக நாடுகள் கொரோனா வைரஸுடன் போராடி வருகின்றன. இதுவரை உலகளவில் 17.9 கோடி பேர் கொரோனாவால் பாதிக்கப்பட்டுள்ளனர். அதில் 38.7 லட்சத்துக்கு மேற்பட்டோர் பலியாகியுள்ளனர்.

இந்நிலையில், தங்கள் நாட்டில் இதுவரை ஒருவருக்கு கூட கொரோனா தொற்று கண்டறியப்படவில்லை என வட கொரியா தெரிவித்துள்ளது. கடந்த ஜூன் 10ஆம் தேதி வரை 30 ஆயிரத்துக்கு மேற்பட்டோருக்கு கொரோனா பரிசோதனை செய்யப்பட்டுள்ளதாகவும் அவர் தெரிவித்துள்ளார்.

கொரோனா பரவ தொடங்கியது முதல் வட கொரியா தனது எல்லைகளை அடைத்து வெளிநாட்டு பயணங்களுக்கு தடை விதித்துவிட்டது. ஆனால், சீனாவுக்கு அருகே வடகொரியா இருப்பதாலும், அந்நாட்டின் மருத்துவ உள்கட்டமைப்பு மோசமாக இருப்பதாலும், ஒருவருக்கு கூட கொரோனா இல்லை என வட கொரியா சொல்வதை நம்ப முடியவில்லை என வல்லுநர்கள் தொடர்ந்து சந்தேகம் எழுப்பி வருகின்றனர்.

யோகா எங்களுக்குத்தான் சொந்தம்.. நேபாள பிரதமர் மீண்டும் சர்ச்சை பேச்சு!
கடந்த வாரம் நடைபெற்ற அரசியல் கூட்டத்தில் வட கொரிய அதிபர் கிம் ஜாங் உன் பேசியபோது, கொரோனா கட்டுப்பாடுகள் தொடர்ந்து நீடிக்கும் எனவும், எல்லைகளை விரைவில் தொடங்க வாய்ப்பில்லை எனவும் தெரிவித்தார்.



Source link

Share on Social Media

Leave a Reply

Your email address will not be published. Required fields are marked *