Share on Social Media

நீங்கள் உண்ணும் உணவு வகைகள், உங்களது உடல் வளர்ச்சிக்கு மட்டுமல்லாது, உடல் ஆரோக்கியத்தையும் மேம்படுத்தும் வகையில் இருக்க வேண்டும். இந்த அரிய விசயத்தை, வெகுசிலரே முழுமையாக புரிந்து வைத்துக் கொண்டு உள்ளனர். நாம் உண்ணும் உணவானது, நமது உடலின் சக்தி அளவு, மனநிலை, ஞாபகச் சக்திக்கு அடிப்படையாக அமைகிறது என்பது பலருக்கு தெரிவதில்லை

​மூளை செயல்பாடு

ஆரோக்கியமான அதேசமயத்தில் சரிவிகித உணவானது, உங்கள் மூளை ஆரோக்கியத்திற்கும் முக்கிய பங்கு வகிக்கிறது என்பதை நீங்கள் அறிவீர்களா?. ஆரோக்கியமான உணவுகள், நமது மூளைக்கு செல்லும் ரத்த ஓட்டத்தை அதிகரிக்க செய்கிறது. ஆன்டி ஆக்சிடண்ட்கள், ஒமேகா 3 கொழுப்பு அமிலங்கள், வைட்டமின்கள் மற்றும் மினரல்கள் உள்ளிட்டவைகள் மூளை ஆரோக்கியத்திற்கு முக்கிய பங்கு வகிக்கின்றன.

மூளையின் செயல்பாட்டை அதிகரிக்க நினைப்பவர்கள், தங்களது டயட்டில், கீழ்க்காணும் உணவு வககளை தவறாது சேர்த்துக்கொள்ள வேண்டுகிறோம். மூளையின் செயல்பாடுகள் சிறந்து விளங்க உதவும் உணவு வகைகள் என்னென்ன என்று பார்க்கலாம்.

​மீன் வகைகள்

samayam tamil Tamil News Spot

மூளையின் செயல்பாட்டிற்கு உதவும் உணவு வகைகளில் சிறந்து விளங்குபவை மீன் உணவுகள் ஆகும். டுனா, சாலமன், சார்டைன் உள்ளிட்ட மீன்களில், ஒமேகா 3 கொழுப்பு அமிலங்கள் அதிகளவில் உள்ளன. ஒமேகா 3 கொழுப்பு அமிலங்கள், மூளையின் செயல்பாடுகள் சிறந்து விளங்கவும், மகிழ்ச்சியான மனநிலை ஏற்படவும் மற்றும் ஞாபக சக்தி அதிகரிக்கவும் முக்கிய காரணமாக அமைகிறது.

​டார்க் சாக்லேட்கள்

samayam tamil Tamil News Spot

டார்க் சாக்லேட்களில் கோகோ உள்ளது. கோகோவில், ஆன்டி ஆக்சிடண்ட்களின் ஒருவகையான பிளேவனாய்டுகள் உள்ளது. ஆன்டி ஆக்சிடண்ட்கள், மூளையின் செயல்பாட்டுக்கு துணைபுரிவதோடு மட்டுமல்லாது, ஞாபக சக்தி தொடர்பான பிரச்சினைகள் ஏற்படாவண்ணம் காக்கின்றன.

​எலும்பு குழம்பு

samayam tamil Tamil News Spot

எலும்பு குழம்பு, சமீபகாலமாகவே, மக்கள் அதிகளவில் தங்களது உணவில் அதிகம் சேர்த்துக்கொள்ள துவங்கி உள்ளனர். எலும்பு குழம்பில் அதிகளவில் புரோட்டீனும் மற்றும் அமினோ அமிலங்களும் உள்ளன. இது மூளையில் ஏற்படும் பல்வேறு அசாதாரண மாற்றங்களை களைய உதவுகிறது.

​பச்சை இலை வகைகள்

samayam tamil Tamil News Spot

பச்சை இலை வகைகளான கீரைகள், காலே, புரோக்கோலி உள்ளிட்டவைகளில் உள்ள அத்தியாவசிய வைட்டமின்கள், மினரல்கள் மற்றும் ஆன்டி ஆக்சிடண்ட்கள் உள்ளிட்டவைகள், மூளையின் வளர்ச்சி மற்றும் செயல்பாடுகளுக்கு சிறந்த முறையில் துணைபுரிகிறது.

​அவகேடோ

samayam tamil Tamil News Spot

மூளையின் செயல்பாட்டிற்கு துணைபுரியும் மற்றொரு முக்கியமான உணவு அவகேடோ ஆகும். இதில் நார்ச்சத்து மற்றும் மோனோசாச்சுரேடட் கொழுப்பு அதிகளவில் உள்ளது. இது மூளைக்கு செல்லும் ரத்தத்தின் அளவை அதிகரிக்க செய்கிறது.

​காபி

samayam tamil Tamil News Spot

காபி பிரியர்களுக்கு நற்செய்தியாக இது விளங்குகிறது என்பதில் எள்ளளவும் சந்தேகம் இல்லை. காபியில் உள்ள காஃபின் வேதிப்பொருள், சிறந்த ஆன்டி ஆக்சிடண்ட் பண்புகளை கொண்டுள்ளதால், இது நமது கற்றல் திறன், ஈடுபாடு, மற்றும் விழிப்புணர்வு தன்மையை அதிகரிக்க செய்கிறது.

​பெர்ரி பழங்கள்

samayam tamil Tamil News Spot

ஸ்ட்ராபெர்ரிகள், புளுபெர்ரிகள் மற்றும் பிளாக்பெர்ரிகள் சாப்பிடுவது நமது உடலுக்கு பல்வேறு நன்மைகளை ஏற்படுத்துபவையாக உள்ளன. இதில் உள்ள ஆந்தோசயனின்கள் சிறந்த ஆன்டி இன்பிளமேட்டரி மற்றும் ஆன்டி ஆக்சிடண்ட் பண்புகளை கொண்டுள்ளன. இந்த பழங்கள், உங்கள் மூளையில் ஏற்படும் மன அழுத்தத்தை கட்டுப்படுத்த உதவுகிறது.

​முட்டையின் மஞ்சள் கரு

samayam tamil Tamil News Spot

ஆரோக்கியமான மூளை என்றதும் நமக்கு முதலில் முட்டை தான் நினைவிற்கு வர வேண்டும். முட்டையில் வைட்டமின் பி அதிகளவில் உள்ளது. இதுமட்டுமல்லாது போலிக் அமிலம், வைட்டமின் பி6, பி12, உள்ளது. முட்டையில் உள்ள கோலின், ஞாபக சக்தியை அதிகரித்து, மகிழ்ச்சியான மனநிலை ஏற்பட பேருதவி புரிகிறது.

​கொட்டைகள்

samayam tamil Tamil News Spot

பாதாம் மற்றும் முந்திரி கொட்டைகளை நாம் தினசரி சாப்பிட்டு வந்தால், அதில் உள்ள வைட்டமின் இ, ஒமேகா 3 கொழுப்பு அமிலங்கள், மினரல்கள் உள்ளிட்டவைகள் வயது மூப்பின் காரணமாக ஏற்படும் அறிவு இழப்பை ஈடு செய்ய உதவுகின்றன. பாதாம் மற்றும் வால்நட் கொட்டைகள், மூளையின் செயல்பாட்டை அதிகரிக்க உதவுகின்றன.

​மஞ்சள்

samayam tamil Tamil News Spot

மஞ்சளில் உள்ள ஆன்டி ஆக்சிடண்ட் மற்றும் ஆன்டி இன்பிளமேட்டரி பண்புகள், மூளையை, நியுரோடிஜெனரேட்டிவ் நோயில் இருந்து காப்பது மட்டுமல்லாமல், மூளைக்கு செல்லும் ஆக்சிஜனின் அளவை அதிகரிக்க பயன்படுகிறது. இது மூளையின் செல்களை பேணிக்காத்து, ஞாபக சக்தியை அதிகரிக்க உதவுகிறது.

இந்த உணவு வகைகளை, உங்களது டயட்டில் சேர்த்துக்கொண்டு, மூளையின் நலனை அதிகரிப்பதோடு மட்டுமல்லாது, ஞாபகச் சக்தியையும் அதிகரித்துக் கொள்வீர்களாக..

Thanks for the Source

Share on Social Media

Leave a Reply

Your email address will not be published. Required fields are marked *