Share on Social Media


மெகா ஸ்டார் சிரஞ்சீவியின் தம்பி நாகேந்திர பாபுவின் மகள் நிஹாரிகாவுக்கும், குண்டூர் ஐஜியின் மகன் சைதன்யா ஜொன்னலகட்டாவுக்கும் கடந்த ஆகஸ்ட் மாதம் ஹைதராபாத்தில் நிச்சயதார்த்தம் நடந்தது. இதையடுத்து ராஜஸ்தான் மாநிலம் உதய்பூரில் இருக்கும் உதய்நிவாஸ் மாளிகையில் நிஹாரிகா, சைதன்யா திருமணம் இன்று நடைபெற்றது.
திருமணத்தில் சிரஞ்சீவி, பவன் கல்யாண், அல்லு அர்ஜுன், ராம் சரண் தேஜா உள்ளிட்டோர் குடும்பத்துடன் கலந்து கொண்டு மணமக்களை வாழ்த்தினார்கள். முன்னதாக சங்கீத், மெஹந்தி, ஹல்தி ஆகிய நிகழ்ச்சிகளும் நடந்தது.

உதய்பூர் மாளிகையில் நிஹாரிகா தன் அண்ணன் தோளில் அமர்ந்து டான்ஸ் ஆடியபோது எடுக்கப்பட்ட வீடியோ வெளியானது. நிஹாரிகா ராம் சரண் தேஜாவுடன் சேர்ந்து நடனமாடிய வீடியோவும் வெளியாகி ரசிகர்களை மகிழ்ச்சி அடைய வைத்தது.

மெகா குடும்பத்துக்கு நடிகைக்கு ரூ. 1.5 கோடி மதிப்புள்ள நகையை பரிசளித்த சிரஞ்சீவி

திருமணத்தையொட்டி நிஹாரிகாவுக்கு ரூ. 1.5 கோடி மதிப்புள்ள நகையை பரிசளித்துள்ளார் சிரஞ்சீவி.
நிஹாரிகாவின் திருமணத்திற்கு குடும்பத்தினர் அனைவரும் தனி விமானங்களில் உதய்பூர் சென்றனர். மெகா குடும்பத்தை சேர்ந்த அனைவரையும் ஒரே இடத்தில் பார்ப்பதற்கு சந்தோஷமாக இருப்பதாக ரசிகர்கள் தெரிவித்துள்ளனர்.

திருமணத்திற்கு முன்பு தெலுங்கு, தமிழ் படங்களில் நடித்து வந்தார் நிஹாரிகா. விஜய் சேதுபதியின் ஒரு நல்ல நாள் பாத்து சொல்றேன் படத்தில் நடித்திருந்தார். திருமணம் முடிந்த பிறகு நடிகையின் மார்க்கெட் அடிவாங்கும், திருமதியான பிறகும் தொடர்ந்து வெற்றிகரமாக இருக்க நான் சமந்தா இல்லை. அதனால் திருமணத்திற்கு முன்பு முடிந்த அளவுக்கு நிறைய படங்களில் நடிக்க வேண்டும் என்றார் நிஹாரிகா.

கொரோனா வைரஸ் பிரச்சனையால் அவரின் ஆசை நிறைவேறவில்லை.



Source link

Share on Social Media

Leave a Reply

Your email address will not be published. Required fields are marked *