Share on Social Media

​புதிய மாற்றமடைந்த கொரோனா எவ்வளவு ஆபத்தானவை?

கால சூழ்நிலை மற்றும் பல்வேறு காரணங்களால் கொரோனா வைரஸில் மாற்றம் ஏற்படுகிறது. உலக சுகாதார அமைப்பின் கருத்துப்படி “ஒரு வைரஸ் பரவும்போது அதன் நகல்களை அது உருவாக்குகிறது.

இவை கொஞ்சம் கொஞ்சமாக மாற்றமடைகின்றன. இயல்பாகவே வைரஸ்கள் இந்த பண்பை கொண்டுள்ளன. இந்த மாற்றங்கள் “பிறழ்வுகள்” என அழைக்கப்படுகின்றன. இந்த பிறழ்வுகள் வைரஸின் மாறுப்பாடு அல்லது மாற்றமடைந்த வைரஸ் என அழைக்கப்படுகின்றன.

கோவிட்- 19 என்பது ஒரு வகை கொரோனா வைரஸ் ஆகும். இந்த வைரஸ் பெரிய வைரஸ் குடும்பத்தை சேர்ந்தது. இந்த கோவிட் வைரஸில் ஏற்படும் பிறழ்வுகள் காரணமாக அவை மாற்றமடைகின்றன. இந்த பிறழ்வுகள் காரணமாக இவற்றின் பண்புகள் மாறுப்படுகின்றன. இதனால் இது ஒரு நபரை தாக்கும் திறனில் வேறுப்படலாம். மேலும் வைரஸை தடுக்கும் ஆண்டிபாடிகளின் வீரியத்திலும் இவை மாற்றத்தை ஏற்படுத்தலாம்.

கோவிட் வைரஸை பொறுத்தவரை விஞ்ஞானிகள் அதன் தீவிரம் குறித்த சரியான அனுமானத்திற்கு வர முடியவில்லை என்றாலும் தற்சமயம் அதன் வேகமான பரவல் காரணமாக ஒரு பேரழிவிற்கு இது காரணமாக இருக்கலாம் என நினைக்கின்றனர்.

​இதுவரை அடையாளம் காணப்பட்ட கொரோனா வைரஸ் வகைகள்

samayam tamil Tamil News Spot

சார்ஸ் கோவ் 2 (SARs-COV-2) வைரஸை பொறுத்தவரை இவை உலகம் முழுவதும் பரவி வரும் ஒரு வைரஸாக உள்ளது என்பது அனைவரும் அறிந்ததே. நோய் கட்டுப்பாடு மற்றும் தடுப்பு மையத்தின் ஆய்வுப்படி கோவிட்-19 மூன்று விஷயங்களை கொண்டு வேறுப்படுத்தப்படுகின்றன.

அவை வேரியண்ட் ஆஃப் இண்டரஸ்ட் (VOI), வேரியண்ட் ஆஃப் கண்செர்ன் (VOC), மற்றும் வேரியண்ட் ஆஃப் ஹை காண்சீக்வண்ஸ் (VOHC) ஆகும்.

இங்கிலாந்தின் தென் கிழக்கில் தற்போது மாறுப்பட்ட (VOC) வகை தொற்று இருப்பதாக கண்டறியப்பட்டுள்ளது. இந்த வகையானது 40 முதல் 70 சதவீதம் வரை அதிகமாக தொற்ற கூடிய வகையாகவும் 60 சதவீதம் இறப்பிற்கான வாய்ப்பை ஏற்படுத்துவதாகவும் நிபுணர்கள் கூறுகின்றனர். இந்த இங்கிலாந்தில் மாறுப்பாடு அடைந்த வகையானது பி.1.1.7 எனவும் அறியப்படுகிறது.

பிரேசிலில் மாறுப்பாடு அடைந்த பி1 (இ484கே) என்ற பிறழ்வு அடைந்த கொரோனா வைரஸானது மற்றதை விட ஆபத்தானதாக பார்க்கப்படுகிறது. இந்த பிறழ்வில் இருந்து தப்பிக்க ஆண்டிபாடிகளை தவிர்க்குமாறு அறிவுறுத்தப்படுகிறது.

பி.1.351 என்ற தென்னாப்பிரிக்காவில் மாறுப்பாடு அடைந்த வைரஸ் ரகமானது ஐக்கிய நாடுகள் உட்பட குறைந்தது 20 நாடுகளில் காணப்படுகிறது. பிரேசில் மாறுப்பாடைந்த வைரஸிற்கு ஒத்த இயல்புள்ள இ484கே பிறழ்வானது ஆண்டிபாடிகளை தடுக்கிறது.

இந்தியாவில் மாற்றமடைந்த வைரஸானது அறிவியல் பூர்வமாக பி.1.617 என அழைக்கப்படுகிறது. இது முதன் முதலில் மார்ச் மாத இறுதியில் மகாராஷ்டிரா மாநிலத்தில் அடையாளம் காணப்பட்டது. மேலும் இதுவே இந்தியாவில் இரண்டாவது அலை கொரோனா தாக்கத்தை ஏற்படுத்தியுள்ளது. இந்த வைரஸ் E484Q மற்றும் L452R ஆகிய பிறழ்வுகளை கொண்டுள்ளது. மேற்கு வங்கம், டெல்லி, மற்றும் மகாராஷ்ட்ராவில் சில பகுதிகளில் மும்முறை மாற்றமடைந்த கொரோனா வைரஸ் கண்டறியப்பட்டுள்ளது.

இந்நிலையில் மிக சமீபத்தில் மாறுப்பாடு அடைந்த கோவிட் 19 வைரஸானது. இது இந்தியா மற்றும் இங்கிலாந்து இரண்டு நாடுகளிலும் பரவும் வைரஸினால் உருவான கலப்பினமாகும்.

​ஏன் முன்னெச்சரிக்கை நடவடிக்கை

samayam tamil Tamil News Spot

கொரோனா தொற்றானது அதன் வகைகள் காரணமாக மாறுப்பட்ட பரவும் தன்மையையும் அதே சமயம் ஆபத்தானதாகவும் உள்ளன. இந்தியாவில் கொரோனா இரண்டாம் அலையின் தீவிரத்தை பற்றி கூறும்போது இந்த மாறுப்பட்ட கலவைகளே நாட்டின் பேரழிவிற்கு காரணமாக உள்ளன என நிபுணர்கள் கூறுகின்றனர்.

இயற்கையாகவே வைரஸ்கள் இந்த மாற்றமடையும் குணத்தை பெற்றுள்ளன. அதனால் கொரோனாவின் இந்த மாற்றமானது அதிக சாத்தியத்தை கொண்டுள்ளது அதே சமயம் நம்மால் தடுக்க முடியாது என கூறப்படுகிறது. எனவே இந்த வைரஸில் இருந்து நம்மை நாமே பாதுக்காத்து கொள்வதே இதற்கான ஒரே வழியாக உள்ளது.

​சமூக இடைவெளி

samayam tamil Tamil News Spot

கொரோனா சோதனை செய்வதன் மூலம் மட்டுமே நீங்கள் எந்த வகையான வைரஸால் பாதிக்கப்பட்டு உள்ளீர்கள் என்பதை அறிய முடியும். இருப்பினும் இந்த வைரஸ் பரவுவதை தடுப்பதற்கான எளிய வழி என்றால் அது சமூக இடைவெளியை பின்பற்றுவதுதான்.

ஒன்றுக்கு மேற்பட்ட நபர்களுடன் சரியான இடைவெளி இல்லாமல் இருப்பது கொரோனா பரவுவதற்கான வாய்ப்பை அதிகரிக்கின்றன. எனவே பொது கூட்டங்கள் மற்றும் நெரிசலான இடங்களில் சமூக இடைவெளியை கடைப்பிடிப்பது மிக முக்கியமாகும்.

​இரட்டை முகமூடி

samayam tamil Tamil News Spot

கொரோனா காரணமாக அறுவை சிகிச்சை முகமூடிகள், துணி முகமூடிகள், மற்றும் என் 95 ரக முகமூடிகள் என பலவகை முகமூடிகள் பயன்படுத்தப்பட்டு வருகின்றன. ஆனால் இந்த புதிய கொரோனா தொற்று காரணமாக நாம் இரட்டை முகமூடியை அணிவது அவசியமாகும். முக்கியமாக அதிக நெரிசலான பகுதிகளுக்கு செல்லும் போது இரட்டை முகமூடி அணிவது அவசியமாகும்.

​கைகளை அடிக்கடி கழுவ வேண்டும்

samayam tamil Tamil News Spot

சமூக இடைவெளியை கடைப்பிடித்தல். மற்றும் முகமூடி அணிதல் ஆகியவை கொரோனாவில் இருந்து நம்மை பாதுக்காத்து கொள்வதற்கான முக்கிய நடவடிக்கையாக உள்ளன. மேலும் நல்ல சுகாதாரத்தை பின்பற்றுவதும் முக்கியமாகும்.

உங்கள் கைகளை அடிக்கடி கழுவுதல் மற்றும் அடிக்கடி தொடப்படும் பகுதிகளை கிருமி நாசினி கொண்டு சுத்தம் செய்வது போன்ற செயல்ப்பாடுகளும் கொரோனா பரவலை கட்டுப்படுத்த கூடிய விஷயங்களாக உள்ளன.

​தடுப்பூசிகள் நோய் பரவலின் அபாயத்தை குறைக்கின்றன

samayam tamil Tamil News Spot

மேற்கண்ட முன்னெச்சரிக்கை நடவடிக்கைகள் நோய் பரவலை தடுக்க உதவுகின்றன. ஆனால் உங்களுக்கு உடலில் தீவிர மருத்துவ சிகிச்சை எடுத்துக்கொள்ள கூடிய பிரச்சனைகள் இல்லாதப்பட்சத்தில் தடுப்பூசியே நீங்கள் கொரோனாவை எதிர்க்கும் நோய் எதிர்ப்பு சக்தியை பெறுவதற்கான ஒரே வாய்ப்பு ஆகும்.

ஏனெனில் தடுப்பூசிகள் நமக்கு கொரோனா பரவுவதற்கான வாய்ப்பை கணிசமாக குறைக்கின்றன.

​இந்த தடுப்பூசிகள் எவ்வாறு பயன் தரும்?

samayam tamil Tamil News Spot

கொரோனா தடுப்பூசிகளை பொறுத்தவரை அவற்றின் செயல்திறன் தொடர்பாக பல்வேறு கேள்விகள் எழுப்பப்பட்டு வருகின்றன. சமீபத்திய ஆய்வின்ப்படி இந்தியாவில் போடப்படும் தடுப்பூசிகளான கோவிஷீல்டு மற்றும் கோவாக்சின் ஆகிய இரண்டும் பி.1.617 என அழைக்கப்படும் மாறுப்பாடு அடைந்த இந்திய கொரோனா வைரஸிற்கு எதிராக நன்றாக செயல்படுகின்றன என நிரூபிக்கப்பட்டுள்ளன.

இந்த தடுப்பூசிகளில் ஒன்றை மற்றும் பெற்றவர்கள் நோய்த்தொற்றுக்கான லேசான அறிகுறிகளை பெற்றதாக ஜெனோமிக்ஸ் அண்ட் இண்டகிரேட்டிவ் பயாலஜி (IGIB) நிறுவனத்தின் இயக்குனர் அனுராக் அகர்வால் கூறுகிறார்.

​குழந்தைகள் பாதுகாப்பு

samayam tamil Tamil News Spot

பல பெற்றோர்கள் தங்கள் குழந்தைகள் குறித்து மிகுந்த கவலையுடன் உள்ளனர். ஏனெனில் குழந்தைகளுக்கு இன்னும் தடுப்பூசி வெளியாகவில்லை. மேலும் கொரோனா இரண்டாம் அலையானது குழந்தைகளை வெகுவாக பாதித்துள்ளது. எனவே புதிய வகை கொரோனா வைரஸில் இருந்து அவர்களை காப்பது மிக முக்கியமாகும். இது போன்ற சமயங்களில் குழந்தைகளை வெளியே கூட்டி போகும் போதெல்லாம் முகமூடிகளை அணிய செய்யுங்கள்.

குழந்தைகள் வெளியில் விளையாடுவதை முடிந்த அளவு குறைத்து கொள்ள செய்யவும். அவர்கள் கைகளை தொடர்ந்து கழுவி விடவும். இந்த முன்னெச்சரிக்கை நடவடிக்கைகளை முடிந்த அளவு பின்பற்றுவதன் மூலம் நாம் கொரோனா பரவலில் இருந்து விலகி இருக்க முடியும்.

Thanks for the Source

Share on Social Media

Leave a Reply

Your email address will not be published. Required fields are marked *