Share on Social Media


ஹைலைட்ஸ்:

  • ஜன. 14 வரை மீண்டும் முழு ஊரடங்கு
  • பிரதமர் அறிவிப்பு!

ஒமைக்ரான் வைரஸ் அச்சுறுத்தி வருவதை அடுத்து, அமலில் உள்ள ஊரடங்கை, வரும் ஜனவரி மாதம் 14 ஆம் தேதி வரை நீட்டித்து பிரதமர் உத்தரவிட்டு உள்ளார்.

சீனாவின் வூகான் நகரின், கடந்த 2019 ஆம் ஆண்டு டிசம்பர் மாத இறுதியில், கொரோனா வைரஸ் தொற்று பரவியது. இந்த வைரஸ் தொற்று, இந்தியா, அமெரிக்கா, பிரிட்டன், பிரான்ஸ், இத்தாலி, ஆஸ்திரியா, நெதர்லாந்து, ஜெர்மனி, பிரேசில் உள்ளிட்ட நாடுகளுக்கு பரவி கடும் பாதிப்புகளை ஏற்படுத்தி விட்டது.

தற்போது கொரோனா வைரஸ் தொற்றுக்கு எதிராக தடுப்பூசி கண்டுபிடிக்கப்பட்டு விட்டாலும், அது பல்வேறு வகைகளில் உருமாற்றம் அடைந்து சுகாதாரத் துறையினரை அச்சுறுத்தி வருகிறது. தென் ஆப்பிரிக்க நாட்டில், கொரோனா வைரஸ் தொற்று தனது புதிய அவதாரத்தை எடுத்து. ஒமைக்ரான் என பெயரிடப்பட்டுள்ள இந்த வைரஸ் தொற்று, இஸ்ரேல், அமெரிக்கா, இந்தியா, பிரிட்டன், நெதர்லாந்து உள்ளிட்ட நாடுகளுக்குப் பரவி விட்டது.
குழந்தைகளுக்கு தடுப்பூசி எப்போது? – பிரபல நிறுவனம் தகவல்!
இந்நிலையில், நெதர்லாந்து நாட்டில் அமலில் உள்ள ஊரடங்குக் கட்டுப்பாடுகளை, ஒமைக்ரான் வைரஸ் தொற்று அச்சுறுத்தல் காரணமாக, வரும் ஜனவரி மாதம் 14 ஆம் தேதி வரை நீட்டித்து, அந்நாட்டு காபந்து பிரதமர் மார்க் ரூட்டே உத்தரவிட்டு உள்ளார்.

இது தொடர்பாக பிரதமர் மார்க் ரூட்டே பேசியதாவது:
கிறிஸ்துமஸ் நேரத்தில் பொது மக்கள் எதிர்பார்க்கும் நல்ல செய்தி இதுவல்ல. குழந்தைகளை ஒமைக்ரான் தொற்று அதிக அளவில் தாக்குவதால், பள்ளிகளுக்கு விடப்பட்ட இரண்டு வார விடுமுறை தற்போது மூன்று வாரமாக நீட்டிக்கப்படுகிறது. கொரோனா தொற்று அதிகரிப்பதால் கட்டுப்பாடுகளை விதிக்க வேண்டிய நிலைமைக்கு அரசு தள்ளப்பட்டு உள்ளது. ஒமைக்ரான் வைரஸ் தொற்று, டெல்டா வகை கொரோனாவை விட மிகவும் வேகமாகப் பரவி வருகிறது.
இவ்வாறு அவர் கூறினார்.
tamil samayam Tamil News Spotமீண்டும் லாக்டவுன் – அரசு வெளியிட்ட பரபரப்பு தகவல்!
நெதர்லாந்து நாட்டில் கடந்த நவம்பர் 28 ஆம் தேதி முதல் உணவகங்கள், பொது இடங்கள், திரையரங்குகள் போன்றவை மாலை 5 மணி வரை மட்டுமே செயல்பட அனுமதி அளிக்கப்பட்டு உள்ளது. தற்போது விடுமுறைக் காலத்திலும் கட்டுப்பாடுகள் நீட்டிக்கப்பட்டு உள்ளதால் மக்கள் ஏமாற்றம் அடைந்துள்ளனர்.



Source link

Share on Social Media

Leave a Reply

Your email address will not be published.