Share on Social Media


ஹைலைட்ஸ்:

  • கொச்சியில் அம்மாவுடன் இருக்கும் நயன்தாரா
  • வீட்டு சாப்பாட்டை ருசித்து சாப்பிடும் நயன்தாரா
  • புதுப் படங்களுக்கு ஓகே சொல்லியிருக்கும் நயன்தாரா

தமிழ் திரையுலகின் பிசியான நடிகையாக இருப்பவர் நயன்தாரா. அவர் தன் காதலரான இயக்குநர் விக்னேஷ் சிவனுடன் சேர்ந்து தனி விமானம் மூலம் அண்மையில் கொச்சிக்கு சென்றார். விஷூ பண்டிகையை கொண்டாட சென்றார் என்று கூறப்பட்டது.
நயன்தாராவுக்கு என்ன தான் பிரச்சனை விக்னேஷ் சிவன்?: ரசிகர்கள் கவலைவிஷூ அன்று எடுக்கப்பட்ட புகைப்படங்களும் வெளியாகி ரசிகர்களை கவர்ந்தது. அந்த புகைப்படங்களில் நயன்தாரா அநியாயத்துக்கு ஒல்லியாக இருந்ததை பார்த்து ரசிகர்கள் அதிர்ச்சி அடைந்தனர். நயன்தாராவுக்கு என்னாச்சு விக்னேஷ் சிவன், ஏன் இப்படி நாளுக்கு நாள் எலும்பும் தோலுமாக ஆகிக் கொண்டிருக்கிறார் என்று கேட்டார்கள்.

நயன்தாரா விஷூ பண்டிகையை கொண்டாட மட்டும் கொச்சிக்கு போகவில்லையாம். எப்பொழுது பார்த்தாலும் படங்களில் பிசியாகவே இருப்பதால் தன் அம்மாவுடன் நேரம் செலவிட முடிவு செய்து கொச்சிக்கு சென்றிருக்கிறாராம்.

படப்பிடிப்புகளில் இருந்து பிரேக் எடுத்துக் கொண்டு அம்மா கையால் சமைக்கும் சாப்பாட்டை சாப்பிட்டு, சந்தோஷமாக இருக்கிறாராம். மகள் பல மாதங்கள் கழித்து ஊருக்கு வந்து தன்னுடன் இருப்பதில் நயன்தாராவின் அம்மாவும் மகிழ்ச்சியில் இருக்கிறாராம்.

சிறுத்தை சிவா இயக்கி வரும் அண்ணாத்த படத்தில் நடிக்கிறார் நயன்தாரா. அண்ணாத்த படப்பிடிப்பு ஹைதராபாத்தில் இருக்கும் ராமோஜிராவ் ஃபிலிம் சிட்டியில் நடந்து வருகிறது. இது தவிர்த்து விக்னேஷ் சிவன் இயக்கத்தில் விஜய் சேதுபதியுடன் சேர்ந்து காத்து வாக்குல ரெண்டு காதல் படத்தில் நடிக்கிறார் நயன்தாரா.

அந்த படத்தில் இன்னொரு ஹீரோயினாக சமந்தா நடிக்கிறார். நயன்தாராவுடன் சேர்ந்து நடிப்பது மகிழ்ச்சியாக இருக்கிறது என்றார் சமந்தா.

இந்நிலையில் நயன்தாரா மேலும் இரண்டு புதுப் படங்களில் நடிக்க ஓகே சொல்லியிருக்கிறாராம். ஹீரோவுடன் டூயட் பாடிவிட்டு நடையை கட்டும் படங்கள் இல்லையாம். மாறாக ஹீரோயினை மையமாக வைத்து எடுக்கப்படும் படங்களாம். அதனால் தான் கதையை கேட்டதும், நான் நடிக்கிறேன் என்று கூறிவிட்டாராம் நயன்தாரா.

நயன்தாரா டூயட் பாடிவிட்டு ஓரமாக நிற்கும் கதாபாத்திரங்களில் நடிப்பது அவரின் ரசிகர்களுக்கு சுத்தமாக பிடிக்கவில்லை. இந்நிலையில் தான் தனக்கு வெயிட்டான கதாபாத்திரம் இருக்கும் படங்களை தேர்வு செய்திருக்கிறார்.
tamil samayam Tamil News Spotஊருக்கு மட்டும் தான் உபதேசமா மிஸ்டர் சமுத்திரக்கனி?



Source link

Share on Social Media

Leave a Reply

Your email address will not be published. Required fields are marked *