Share on Social Media


ஜெயசூர்யா, அதிதி ராவ் ஹைதரி உள்ளிட்டோரை வைத்து சூஃபியும் சுஜாதையும் படத்தை இயக்கி லாக்டவுன் நேரத்தில் ஓடிடியில் வெளியிட்டார் கேரள மாநிலத்தை சேர்ந்த நாரணிபுழா ஷாநவாஸ். அந்த படத்தை அடுத்து அவர் காந்திராஜன் என்கிற படத்தை இயக்கி வந்தார்.

பாலக்காடு மாவட்டத்தில் கடந்த வாரம் படப்பிடிப்பு நடந்து வந்தது. அப்பொழுது ஷாநவாஸுக்கு மாரடைப்பு ஏற்பட்டது. இதையடுத்து கோவையில் இருக்கும் கே.ஜி. மருத்துவமனையின் தீவிர சிகிச்சை பிரிவில் அனுமதிக்கப்பட்டார்.

அவர் உடல்நலனில் முன்னேற்றம் இல்லாமல் இருந்து வந்தது. கடந்த சனிக்கிழமையில் இருந்து அவர் லைஃப் சப்போர்ட்டில் இருந்து வந்தார். இந்நிலையில் இன்று அவர் சிகிச்சை பலனின்றி உயிரிழந்தார் என்று மருத்துவமனை நிர்வாகம் அறிவித்துள்ளது.

அவரின் மரண செய்தி அறிந்த மலையாள திரையுலகினரும், ரசிகர்களும் அதிர்ச்சி அடைந்துள்ளனர். மலப்புரத்தில் உள்ள நாரணிபுழாவை சேர்ந்தவர் ஷாநவாஸ். இயக்குநர் ஆவதற்கு முன்பு எடிட்டராகவும், குறும்படங்களை இயக்கியும் வந்துள்ளார்.

இரண்டு படங்கள் இயக்கியுள்ள ஷாநவாஸ் மூன்றாவது பட வேலையில் ஈடுபட்டிருந்தார் என்பது குறிப்பிடத்தக்கது. முன்னதாக மலையாள நடிகர் நிவின் பாலியின் மேக்கப் மேன் ஷபு புல்பள்ளி(37) தன் வீட்டில் கிறிஸ்துமஸ் மரத்தை அலங்காரம் செய்த போது கீழே விழுந்து தலையில் அடிபட்டு உயிரிழந்தார். இந்நிலையில் ஷாநவாஸின் மரண செய்தி அறிந்த ரசிகர்கள் இந்த 2020ம் ஆண்டு முடிவதற்குள் எத்தனை உயிரை தான் காவு வாங்குமோ என்று தெரிவித்துள்ளனர்.

கிறிஸ்துமஸ் மரத்தை அலங்கரித்தபோது பிரபல ஹீரோவின் மேக்கப் மேன் கீழே விழுந்து பலி

திரையுலகை சேர்ந்தவர்கள் வயது வித்தியாசமின்றி மாரடைப்பால் மரணம் அடைவது ரசிகர்களை அதிர்ச்சி அடைய வைத்துள்ளது.

36 வயதே ஆன டாக்டர் சேதுராமன் கடந்த மார்ச் மாதம் மாரடைப்பால் மரணம் அடைந்தார். 39 வயதான கன்னட நடிகர் சிரஞ்சீவி சார்ஜா கடந்த ஜூன் மாதம் மாரடைப்பால் மரணம் அடைந்தார் என்பது குறிப்பிடத்தக்கது.



Source link

Share on Social Media

Leave a Reply

Your email address will not be published. Required fields are marked *