Share on Social Media


வடிவேலு மீதான பிரச்சினைகள் அனைத்தும் சுமூகமாக பேசி தீர்க்கப்பட்டு மீண்டும் நடிக்கத் தொடங்கியுள்ளார். முதலாவதாக லைகா நிறுவனம் தயாரிப்பில் சுராஜ் இயக்கத்தில் உருவாகும் படத்தில் நடிக்கவுள்ளார் வடிவேலு. இந்நிலையில் ‘நாய் சேகர் ரிட்டன்ஸ்‘ படத்தின் மோஷன் போஸ்டர் தற்போது வெளியாகி இணையத்தில் வைரலாகி வருகிறது.

தமிழ் சினிமாவில் ரீஎன்ட்ரி ஆகியுள்ள வடிவேலு சுராஜ் இயக்கத்தில் நாயகனாக நடிக்கவுள்ளார். இந்தப்படத்திற்கு நாய் சேகர் என டைட்டில் வைக்கப்படும் என்று கூறப்பட்ட நிலையில் சதீஷ் நடித்து வரும் படத்திற்கு ‘நாய் சேகர்’ என டைட்டில் வைத்து படத்தின் பர்ஸ்ட் லுக் போஸ்டரையும் அண்மையில் வெளியிட்டனர். இதனால் வடிவேலு படத்திற்கு என்ன டைட்டில் வைக்கப்படும் என்பதை அறிய ஆர்வமாக இருந்தனர் ரசிகர்கள்.

இந்நிலையில் அண்மையில் வடிவேலு சுராஜ் இயக்கத்தில் நடித்து வரும் படத்திற்கு, ‘நாய் சேகர் ரிட்டர்ன்ஸ்’ என்கிற பெயர் வைத்து, பர்ஸ்ட் லுக் போஸ்டர் ஒன்றையும் வெளியிட்டனர் படக்குழுவினர். வடிவேலு கெத்தாக 5 நாய்களுக்கு நடுவே கோட் சூட்டுடன் அமர்ந்த புகைப்படம் இணையத்தில் வெளியாகி வைரலானது.

‘புஷ்பா’ படக்குழுவினருக்கு இன்ப அதிர்ச்சி: தங்க நாணயம் வழங்கிய அல்லு அர்ஜுன்!
லைகா பிரம்மாண்டமாக தயாரிக்கவுள்ள இந்தப்படத்தில் தமிழ் சினிமாவின் முன்னணி இசையமைப்பாளர்களில் ஒருவரான சந்தோஷ் நாராயணன் இசையமைக்கிறார். ‘நாய் சேகர் ரிட்டர்ன்ஸ்’ படப்பிடிப்பு விரைவில் துவங்கவுள்ளது. இந்தப்படத்தில் வடிவேலுவுடன் நடிக்க முன்னணி நாயகியிடம் பேச்சுவார்த்தை நடைபெற்று வருகிறது.

இந்நிலையில் இந்தப்படத்தின் அட்டகாசமான மோஷன் போஸ்டர் ஒன்று வெளியாகி இணையத்தில் வைரலாகி வருகிறது. இந்த போஸ்டரில் இடம்பெற்றுள்ள வடிவேலுவின் கெட்டப்பும் ரசிகர்களிடம் வரவேற்பை பெற்று வருகிறது. இந்த போஸ்டரை தனது ட்விட்டர் பக்கத்தில் பகிர்ந்துள்ள சந்தோஷ் நாராணயன், ‘எனக்கு எப்போதும் பிடித்த வடிவேலு அவர்களுடன் பணிபுரிவது மிகவும் பெருமை’ என்று குறிப்பிட்டுள்ளார்.

நன்றி தெரிவித்த மாநாடு பட குழுவினர்!



Source link

Share on Social Media

Leave a Reply

Your email address will not be published. Required fields are marked *