Share on Social Media


பெண்களின் இனப்பெருக்க சுழற்சியில் அண்ட விடுப்பு என்பது ஒரு முக்கியமான செயல்முறையாகும். இந்த அண்ட விடுப்பின் போது ஒவ்வொரு மாதமும் கருப்பையில் இருந்து கருமுட்டை ஆனது வெளியிடப்படுகிறது. இப்படி வெளிப்படும் கருமுட்டையானது விந்தணுவுடன் இணைந்து கருவுறுதல் நிகழ்கிறது. இதுவே விந்தணு இல்லாத சமயங்களில் கருமுட்டை உடைந்து மாதவிடாய் இரத்த போக்காக வெளியேற்றப்படுகிறது.

​பெண் கருத்தரித்தல்

பெண்களின் மாதவிடாய் சுழற்சியானது 29-32 நாட்கள் நடைபெறும். இதில் ஒவ்வொரு மாதவிடாய் தொடக்கத்தில் 13-15 நாட்களுக்குள் அண்ட விடுப்பு ஆனது நடைபெறுகிறது. மாதவிடாய் சுழற்சி 28 நாட்களாக கொண்ட பெண்களுக்கு அண்ட விடுப்பு 14 நாட்களில் நடைபெறும். கருத்தரிக்க சரியான நாளாக 2 நாட்களுக்கு முன்பும் 2 நாட்களுக்கு பின்பும் இருக்கும். எனவே வெற்றிகரமான கருத்தரிப்பை பெற வேண்டும் என்றால் அதற்கு அண்ட விடுப்பு மிகவும் அவசியம். ஆனால் இந்த அண்ட விடுப்பு குறித்து மக்களிடையே நிறைய கட்டுக்கதைகள் நிலவி வருகிறது.

​கட்டுக்கதை 1 :

-1-

அண்ட விடுப்பு கடுமையான வலியுடன் இருக்கும் :

உண்மை :

இது முற்றிலும் தவறானது. நிறைய பெண்களுக்கு அண்ட விடுப்பு வலியற்றதாகவே உள்ளது. சில பெண்கள் மட்டுமே அண்ட விடுப்பின் போது அடிவயிறு மற்றும் கீழ் முதுகில் வலியை சந்திக்கின்றனர். இதனால் அவர்கள் சிறிது அசெளகரியத்தை சந்திக்கின்றனர்.

​கட்டுக்கதை 2:

-2

ஒழுங்கற்ற மாதவிடாய் கொண்ட பெண்கள் கருவுறுதல் கடினம் :

உண்மை :

மாதவிடாய் சுழற்சி சரியாக இருக்கும் போது கருவுறுதல் எளிதாக நடைபெறுகிறது. ஒழுங்கற்ற மாதவிடாய் சுழற்சி கொண்ட பெண்களுக்கு அண்ட விடுப்பு சரியாக தெரியாது என்பதால் கருத்தரித்தல் கடினமாக உள்ளது. இருப்பினும் சரியான சிகிச்சை முறை மூலம் இதை நாம் சரி செய்யலாம்.

​கட்டுக்கதை 3:

-3

14 வது நாளில் மட்டுமே அண்ட விடுப்பு ஏற்படும் :

உண்மை :

ஒவ்வொரு பெண்ணுக்கும் மாதவிடாய் சுழற்சி மாறுபடும் போது அண்ட விடுப்பும் மாறுபடும். எனவே எல்லா பெண்களுக்கும் 14 வது நாளில் அண்ட விடுப்பு ஏற்படும் எனக் கூற இயலாது. பல ஆய்வுகள் 17 வது நாளில் கூட பெண்களுக்கு அண்ட விடுப்பு நிகழ்கிறது என்கிறது. ஒவ்வொரு மாதவிடாய் சுழற்சியின் போதும் ஒரு கருமுட்டை மட்டுமே விடுவிக்கப்படுகிறது.

​கட்டுக்கதை 4:

-4

நாட்குறிப்பு மூலம் அண்ட விடுப்பைக் கண்டறிய முடியுமா

உண்மை :

ஒவ்வொரு பெண்ணுக்கும் மாதவிடாய் சுழற்சி வேறுபடுவதால், அண்டவிடுப்பின் அளவும் மாறுபடும். நாட்குறிப்புகள் இதற்கு பயன்பட்டாலும் சரியாக நாட்களை கணக்கிட்டு அண்ட விடுப்பைக் கணிக்க இயலாது. எனவே அண்ட விடுப்பை கணிக்க காலண்டர்கள் பயன்பாடு சரிவராது என்கிறார்கள் மருத்துவர்கள்.

இருப்பினும் வெற்றிகரமான கருத்தரித்தலுக்கு அண்ட விடுப்பு அவசியம் என்பதால் மருத்துவர் உதவியுடன் அதை அறிந்து சிகிச்சை பெறுவது அவசியம்.



Source link

Share on Social Media

Leave a Reply

Your email address will not be published. Required fields are marked *