Share on Social Media


ஹைலைட்ஸ்:

  • புதிய தளர்வுகளின் படி இன்று காலை முதல் தொடங்கியது பேருந்து சேவை
  • சென்னை பணிமனையில் போக்குவரத்து துறை அமைச்சர் நேரில் ஆய்வு
  • பஸ் பாஸ் வரும் ஜூலை 15ஆம் தேதி வரை செல்லுபடியாகும் என்று அறிவிப்பு

தமிழகத்தில் கொரோனா வைரஸ் பாதிப்பு வேகமாக குறைந்து வருவதாக புள்ளிவிவரங்கள் தெரிவிக்கின்றன. நேற்று ஒரேநாளில் புதிதாக 7,817 பேருக்கு நோய்த்தொற்று உறுதி செய்யப்பட்டுள்ளது. 17,043 பேர் குணமாகி வீடு திரும்பியுள்ளனர். 182 பலியாகி இருக்கின்றனர். தற்போது 69,372 பேர் கொரோனாவிற்கு சிகிச்சை பெற்று வருகின்றனர். தினசரி பாதிப்புகள் குறைந்து வருவதை கருத்தில் கொண்டு இன்று காலை முதல் புதிய தளர்வுகள் அமலுக்கு வந்துள்ளன.

நான்கு மாவட்டங்களில் பேருந்து சேவை

அதன்படி, சென்னை, காஞ்சிபுரம், செங்கல்பட்டு, திருவள்ளூர் ஆகிய நான்கு மாவட்டங்களில் மட்டும் பொது போக்குவரத்திற்கு அனுமதி அளிக்கப்பட்டுள்ளது. இந்த மாவட்டங்களுக்கு இடையிலான போக்குவரத்திற்கும் அனுமதிக்கப்பட்டுள்ளது. முகக்கவசம் அணிந்த படி 50 சதவீத இருக்கைகளில் மட்டும் பயணிகள் அமர்ந்து பயணிக்க அறிவுறுத்தப்பட்டுள்ளது.
பெரிய ஏமாற்றம், திமுக அரசு நல்லா ஏமாற்றிவிட்டது; ஈபிஎஸ் பேச்சால் பரபரப்பு!
போக்குவரத்து துறை அமைச்சர் நேரில் ஆய்வு

இன்று காலை சென்னை பல்லவன் சாலையில் உள்ள மத்திய பேருந்து பணிமனைக்கு சென்று போக்குவரத்து துறை அமைச்சர் ஆர்.எஸ் ராஜகண்ணப்பன் ஆய்வு செய்தார். அவருடன் மூத்த போக்குவரத்து துறை அதிகாரிகளும் உடன் சென்றனர். பின்னர் செய்தியாளர்களிடம் பேசிய அமைச்சர், சென்னை மாநகரில் 50 சதவீதத்திற்கும் அதிகமான பேருந்துகள் (1,792) இயக்கப்படுகின்றன.

உயிர்காக்கும் ஆம்புலன்ஸ் சேவையை துவக்கி வைத்தார் தமிழக முதலவர் முக ஸ்டாலின் !

பஸ் பாஸ் செல்லுபடியாகும் தேதி நீட்டிப்பு

சென்னை மாநகர பேருந்துகள் செல்லாத காஞ்சிபுரம், செங்கல்பட்டு, திருவள்ளூர் ஆகிய மாவட்ட பகுதிகளுக்கு விழுப்புரம் போக்குவரத்து கழகத்தின் 750 பேருந்துகள் இயக்கப்பட்டு வருகின்றன. பயணிகளின் வருகையை பொறுத்து வரும் நாட்களில் பேருந்துகளின் எண்ணிக்கை அதிகரிக்கப்படும். சென்னை மாநகர பேருந்துகளில் விருப்பம் போல் பயணிக்க மாதாந்திர சலுகை பயணச்சீட்டு ரூ.1,000 என்று வழங்கப்பட்டு வருகிறது.
tamil samayam Tamil News Spotஇடஒதுக்கீடும், தமிழுக்கான முக்கியத்துவமும் – சர்ப்ரைஸ் கொடுத்த ஆளுநர் உரை!
இதைக் கொண்டு சொகுசு, சாதாரண கட்டண பேருந்துகளில் ஒரு நாளைக்கு எத்தனை முறை வேண்டுமானாலும் பயணம் செய்யலாம். கடந்த மே 16ஆம் தேதி முதல் ஜூன் 15ஆம் தேதி வரை ரூ.1,000 பஸ் பாஸ் வாங்கியவர்கள் ஜூலை 15ஆம் தேதி வரை அதைப் பயன்படுத்தி கொள்ளலாம் என்று தெரிவித்தார்.



Thanks for the source

Share on Social Media

Leave a Reply

Your email address will not be published. Required fields are marked *